Luka 12:5 - Naaŋmen Nɔpaalaa Gane

⁵ Ka N wuli yɛ neɛ na a naŋ seŋ ka yɛ zoro: Yɛ zoro a neɛ naŋ maŋ wa ko baare kyɛ la taa a faŋ a na eŋ o soba dazugovũũ poɔ. Yelmeŋɛ zaa, yɛ zoro a neɛ ŋa!

Luka 12:5 ပူးပေါင်းရင်းမြစ်များ

Matio Gane 10:28

Yɛ ta zoro banaŋ naŋ na toɔ̃ iri a nensaala nyɔvore kyɛ kontoɔ̃ ko o seɛ. Kyɛ yɛ zoro onaŋ naŋ na toɔ̃ iri a nensaala nyɔvore kyɛ naŋ toɔ̃ de o seɛ meŋ eŋ dazugovũũ poɔ.

Matio Gane 25:41

Kyɛ O pãã na yeli ko la a O nugɔɔ deme meŋ, ‘Yɛ sɛre yi be N zie, yɛnee neŋkaa-enne. Yɛ gaa te kpɛ a vũũ na poɔ ba naŋ nare bare a Setaana ne o malekefaare ka a ba kpiire;

Matio Gane 25:46

A bama pãã na kpɛ la tuo naŋ babaara poɔ, kyɛ ka a nemmenne kpɛ nyɔvore naŋ ba taa baaroo poɔ.”

Matio Gane 5:22

Kyɛ maa meŋ yele korɔ yɛ la, ka neɛzaa suuri wa iri ne o yɔɔ bee o yɔɔpuulee, a seŋ ka ba di o sɛrɛɛ. Ka fõõ wa to fo yɔɔ bee fo yɔɔpuulee, a seŋ ka ba zeŋ ne fo nembɛrɛ niŋesogɔ. Ka fõõ boɔle fo tɔsoba, ‘Neŋlaane ŋa’, a seŋ ka ba de fo lɔɔ eŋ dazugovũũ poɔ.

Marko Gane 13:23

Kyɛ yɛ gu yɛmenne velaa, N daŋ yeli la a yɛlɛ zaa ko yɛ.”

I Tesa 4:6

A ŋaa poɔ, neɛzaa ta wa saana o yɔɔ bee o yɔɔpuulee poɔ bee a faara ba, bonso, a Daana e la san-yaara a yɛlɛ ama zaa poɔ, aŋa lɛ te naŋ da daŋ yeli ko yɛ kyɛ kpãã yɛ ne te poɔ zaa.

Hiburu 10:31

A taa la dabeɛ̃ yaga ka neɛ le a Naaŋmen-vore nuuri poɔ.

2 Pit 2:4

Ka Naaŋmen da ba bare a malekere na naŋ da e yelbieri weɛlɛ, kyɛ da lɔɔ ba eŋ dazugovũũ poɔ, a leŋ ba ne banzɔlɔ biŋ ligruŋ kpoŋ poɔ a na te ta a sɛrɛɛdiibu saŋ,

Yel-iriwulaa Gane 14:7

O da yeli la yɛlɛ ne kɔkɔkpeɛŋaa a yele, “Yɛ zoro Naaŋmen a kyɛ ire O yuori, bonso, a O sɛrɛɛdiibu saŋ taɛ la. Yɛ puoro a soba na naŋ iri sazu ane a teŋɛ, a mane ane a bulnimie.”

Yel-iriwulaa Gane 15:4

Daana, nembuo la koŋ zoro dabeɛ̃ a kyɛ ire a fo yuori? Bonso, fõõ yoŋ la waa soŋ. A tenne zaa na wa puori fo la a fo niŋesogɔ, bonso, a fo yelmennoŋ sããɛ la.”

Yel-iriwulaa Gane 20:14

Lɛ la ka ba da de Kũũ ane Dazugovũũ lɔɔ eŋ a baa vũũ poɔ. A kũũ boyi soba la a ŋa, a baa vũũ.