Luka 12:32 - Naaŋmen Nɔpaalaa Gane

³² “N noba, yɛ ta zoro dabeɛ̃, bonso, a yɛ Saa Naaŋmen poboɔbo la ka O ko yɛ a O naaloŋ.

Luka 12:32 ပူးပေါင်းရင်းမြစ်များ

Matio Gane 14:27

A daadaalɛ, ka Yeezu yeli yɛlɛ ko ba, a yeli, “Yɛ nyɔge yɛmenne, maa la; yɛ ta zoro dabeɛ̃!”

Matio Gane 20:16

Azuiŋ a puori deme na de la weɛ, kyɛ ka a danweɛ deme meŋ leɛ be puori.”

Matio Gane 25:34

A naa pãã na yeli ko la banaŋ naŋ be o nuduluŋ seŋ, ‘Yɛ wa, yɛnee N Saa naŋ maale, yɛ wa di a naaloŋ gbandiruŋ ba naŋ nare bare yɛ, a yi a tendaa piiluu saŋ.

Matio Gane 7:15

“Yɛ baŋna ne a kaŋwaa Ŋmen-yelmanneba yɛlɛ. Ba maŋ pilli la pegama a wa yɛ zie kyɛ ka ba pooreŋ ka ba waa gboŋgboe.

Luka 10:21

A gogo na poɔŋ, Yeezu da taa la popeɛloŋ a Vooroŋ Soŋ poɔ a pãã yeli, “N Saa, a sazu ne teŋɛ Daana, N puoro fo la bareka ne fo naŋ sɔgle a yɛlɛ ama a yɛndeme ane baŋnema zie, kyɛ iri a wuli bilɛɛre. Õõ, N Saa, a fo poboɔbo sereŋ la a lɛ.

Gyɔɔn 18:36

Ka Yeezu da yeli sɔge, “N naaloŋ ba yi a tendaa ŋa poɔ. Ka a N naaloŋ da yi a tendaa ŋa poɔ, a N potuuribo da na zɔɔrɔ la ka ba faa ma yi ne a Gyuumine nuuriŋ. Kyɛ lɛ anaŋ waa, N naaloŋ ba yi a tendaa ŋa poɔ.”

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Toma 20:29

N baŋ ka a N gaabo puoriŋ, noba mine naŋ waa ŋa gboŋgbo-faare na wa kpɛ la yɛ poɔ, a koŋ bare a peere.

Urom 6:23

Bonso, yelbieri san-yɔɔ la kũũ, kyɛ Naaŋmen kyɔɔtaa naŋ e weɛlɛ la nyɔvore naŋ ba taa baaroo a Kirista Yeezu te Daana poɔ.

1 Kor 1:21

Bonso, a Naaŋmen yɛŋ bammo poɔ, a tendaa noba da ba toɔ̃ baŋ O ne ba yɛŋ, a lɛ la so ka a Naaŋmen da nare biŋ ka O tu a dambol-yɛlɛ na te naŋ moɔlɔ zie kyɛ faa banaŋ naŋ sage de.

Filipai Deme Gane 2:13

bonso, Naaŋmen la tonɔ O toma yɛ poɔ, a maŋ soŋnɔ yɛ ka yɛ boɔrɔ kyɛ tonɔ a O popɛle toma.

II Tesa 1:11

A ŋaa zuiŋ, te maŋ puoro korɔ yɛ la tegitegilɛ, a sɔrɔ ka ka a te Naaŋmen e ka yɛ seŋ ne a O boɔlaa, kyɛ ka a O kpeɛ̃õ soŋ yɛ ka yɛ toɔ̃ toŋ tonveɛle zaa ane a yeldeebo toma,

II Tesa 1:5

A ŋaa wuli la a Naaŋmen mennoŋ sɛrɛɛdiibu, kyɛ O boɔrɔ la ka O e ka yɛ waa noba naŋ seŋ ne a O naaloŋ. A Naaŋmen naaloŋ ŋa meŋ zuiŋ la ka yɛ dire a dɔgɛɛ.

Hiburu 12:28

Azuiŋ, te naŋ pãã na nyɛ naaloŋ ba naŋ kontoɔ̃ zɛŋ zuiŋ, yɛ e ka te puori Naaŋmen ameseɛrɛ ane puoruu naŋ seŋ ne ane emmo ane dabeɛ̃.

Gyimisi 2:5

N yɔɔmine ane n yɔɔpuuli N naŋ nɔŋ, yɛ kyɛlle woŋ. Naaŋmen mɔɔ naane kaa-iri a nandaanema a teŋɛzu a e ka ba taa yeldeebo bondaanoŋ, kyɛ waa a naaloŋ na O naŋ da eŋ noɔre ka O na ko la banaŋ naŋ nɔnɔ O gbandiribe be?

2 Pit 1:11

A ŋaa poɔ la ka yɛ na nyɛ a sori kpɛ a te Daana ane te Faara Yeezu Kirista naaloŋ naŋ ba taa baaraa poɔ.

Yel-iriwulaa Gane 1:6

a kyɛ e ka te waa namine boorɔ, Naaŋmen bagmaale wederebɛ, a tonɔ korɔ a O Naaŋmen ane a O Saa nyɛ puubu ane kpeɛ̃õ tegitegilɛ. Ameena.

Yel-iriwulaa Gane 22:5

Tensogɔ koŋ la bebe; ba koŋ la boɔrɔ fentelɛ bee ŋmenaa veɛloŋ, bonso, a Daana Naaŋmen na la a ba veɛloŋ kyɛ ka ba di naaloŋ tegitegilɛ.