Luka 11:9 - Naaŋmen Nɔpaalaa Gane

⁹ “Lɛnso ka N yele korɔ yɛ, Yɛ sɔre, ba na ko yɛ la, yɛ bɔ, yɛ na nyɛ la, yɛ kpaare a pane, ba na yuo ko yɛ la ka yɛ kpɛ.

Luka 11:9 ပူးပေါင်းရင်းမြစ်များ

Matio Gane 21:22

Bonna zaa yɛ naŋ puoro sɔrɔ ne yeldeebo, yɛ na nyɛ la.”

Matio Gane 21:31

A ba bayi poɔ, buo soba la da e lɛ o saa naŋ boɔrɔ?” Ka ba yeli, “A dɛndɛŋ soba na.” Ka Yeezu yeli ko ba, “Yelmeŋɛ ka N yele korɔ yɛ, a zuyɔɔ-derebɛ ane a gyɛnterre daŋna yɛ la kpeɛrɛ a Naaŋmen naaloŋ poɔ.

Matio Gane 6:29

kyɛ anealɛzaa, N yele korɔ yɛ la, haali gba Solomɔn ne o naaloŋ veɛloŋ zaa daŋ ba su bonsuuri ka a veɛlɛ seŋ a ama kanzaa.

Marko Gane 11:24

Azuiŋ, N yele korɔ yɛ la, bonna zaa yɛ naŋ sɔre a yɛ puoruu poɔ, yɛ sage de ka yɛ nyɛɛ la, kyɛ a sereŋ na e la yɛ soobo.”

Marko Gane 13:37

Kyɛ a yɛlɛ N naŋ yeli ko yɛ, a ne a zu la ka N yeli ko ba zaa: Yɛ ta gbire.”

Luka 11:10

Bonso, neɛzaa naŋ maŋ sɔre, ba maŋ ko o la, neɛzaa meŋ naŋ maŋ bɔ maŋ nyɛ la, ka a pane maŋ yuo ko neɛzaa meŋ naŋ kpaare.

Gyɔɔn 14:13

Bonna zaa yɛ naŋ na sɔre a N yuori eŋɛ, N na e ko yɛ la ka a Saa na nyɛ puubu a Bidɔɔ zie.

Gyɔɔn 15:16

Yɛnee naane kaa-iri ma, kyɛ maa la kaa-iri yɛ, a toŋ yɛ ka yɛ gaa te wɔnɔ wɔmɔ. Wɔmɔ na naŋ na bebe kɔɔre, ka a Saa pãã na ko yɛ bonna zaa yɛ naŋ sɔre yi O zie a N yuori eŋɛ.

Gyɔɔn 15:7

Ka yɛnee wa be N poɔ, ka a N yelbie be yɛ poore, yɛ sɔre bonzaa yɛ naŋ boɔrɔ, kyɛ ba na e ko yɛ la.

Gyɔɔn 4:10

Ka a Yeezu da yeli sɔge O, “Ka fõõ da baŋ a Naaŋmen kyɔɔtaa, ane neɛ na naŋ la yele korɔ fo, ‘Ko ma koɔ̃ ka N nyu,’ fo da na sɔre O la ka O da ko fo koɔ̃ naŋ terɛ nyɔvore.”

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

Korinti 6:2

Bonso, a Naaŋmen yelee la: “A saŋ naŋ da wa ta, N da kyɛlle woŋ la a yɛ yɛlɛ, kyɛ da soŋ yɛ a faabo bebiri daare.” Yɛ nyɛ, pampana ŋa la a saŋ. Yɛ nyɛ, pampana ŋa la a faabo bebiri!

Hiburu 11:6

Ka neɛŋ ba taa yeldeebo o daŋ koŋ baŋ pɛle Naaŋmen poɔ, bonso, neɛzaa naŋ waana O zie, a ferɛɛ la ka o soba sage de ka Naaŋmen bebe la, a maŋ yɔɔ banaŋ naŋ boɔrɔ O yɛlɛ.

Hiburu 4:16

Yɛ e ka te pãã tage ta a garaaseɛ nakogi ne gandaaloŋ, ka ka a lɛ vɛŋ ka te nyɛ nembaalonzoe ane garaaseɛ a te yelboɔre saŋ.

Gyimisi 1:5

Ka yɛ kanzaa ba wa taa yɛŋ, o sɔre yɛŋ yi Naaŋmen zie, O na ko o la. Ona la maŋ ko neɛzaa ne popeɛloŋ, a ba zɔɔrɔ yɛlɛ.

Gyimisi 5:15

A yeldeebo puoruu na faa la a baala, ka a Daana e ka o leɛ-iri, kyɛ ka kanzaa wa e yelbebe a Daana na di la suuri ko o.

1 Gyn 3:22

kyɛ te maŋ nyɛ la bonzaa te naŋ sɔre yi O zie, te naŋ sagra O nɔɛ kyɛ tonɔ O popɛle toma zuiŋ.

Yel-iriwulaa Gane 2:24

Kyɛ a yɛ banaŋ naŋ kyɛre a Taatira teŋɛ poɔ naŋ ba tu a wuluu ŋa, a ba zanne a yɛlɛ na ba mine naŋ boɔlɔ, ‘a Setaana yelsɔgle bɛrɛ.’ Yɛnee eŋ, N yele korɔ yɛ la: N koŋ la de tuotegroŋ zaa dɔgle yɛ zu;