Luka 11:21 - Naaŋmen Nɔpaalaa Gane

²¹ Ka gandaa wa gyere o logi kyɛ nyɔge o tammo a guuro ne o yiri, a o boma na are la zomm lɛ.

Luka 11:21 ပူးပေါင်းရင်းမြစ်များ

Matio Gane 12:29

Kyɛ bee wola ka neɛ na toɔ̃ kpɛ gandaa die a te ŋma o boma, ka o naŋ ba daŋ leŋ a gandaa sɛre? A lɛ ka o sereŋ na toɔ̃ ŋma a yiri.

Marko Gane 3:27

Neɛzaa kontoɔ̃ kpɛ gandaa yiri a te fa o boma, ka o naŋ ba daŋ leŋ a gandaa sɛre. A lɛ puoriŋ la ka o sereŋ na toɔ̃ ŋma a gandaa yiri.”

Luka 11:20

Kyɛ ka Naaŋmen kpeɛ̃õ wa la ka N digre ne a sefaare, a lɛ wuli ka Naaŋmen naaloŋ ta yɛ la.

Luka 11:22

Kyɛ ka neɛ kpeɛ̃õ naŋ gaŋ o wa zɔɔtoɔ̃ o, o na faa la a o zɔɔzɔɔ-boma na o naŋ da dɛle, kyɛ de o boma poŋ noba.