Luka 10:42 - Naaŋmen Nɔpaalaa Gane

⁴² yeli yenaa yoŋ la ferɛ. A bonvelaa la ka Mareya kaa-iri, ka ba koŋ baŋ faa o yi o zie.”

Luka 10:42 ပူးပေါင်းရင်းမြစ်များ

Marko Gane 8:36

Boŋ tɔnɔ ka neɛ na nyɛ, ka o naŋ so a tendaa boma zaa, kyɛ kɔŋ o nyɔvore?

Luka 10:39

A Maata da taa la yɔɔ ka o yuori di Mareya. A Mareya da wa zeŋ la a Yeezu zie a kyɛlle a yɛlɛ O naŋ yele.

Luka 11:1

A Yeezu da be la zie kaŋ a puoro, kyɛ O naŋ da wa puori baare la ka O potuuribo kaŋ da wa yeli ko O, “Daana, wuli te lɛ te naŋ na maŋ puori aŋa Gyɔɔn naŋ da wuli o potuuribo lɛ.”

Luka 12:20

Kyɛ ka Naaŋmen yeli ko a dɔɔ, ‘Damboli ŋa! A tensogɔ ŋa zaa ka N na de a fo nyɔvore. Ka a boma fo naŋ nare biŋ, aŋ pãã na so a?’

Luka 12:33

Yɛ koɔre yɛ boma a de a libie ko nembaalba. Yɛ maale libi-woore na naŋ koŋ sãã ko yɛmenne, a boɔrɔ tenvelaa naboma naŋ ba baara, be ka nannyige zaa kontoɔ̃ wa zu a, ka danduli zaa kontoɔ̃ di a.

Luka 16:2

Lɛ la ka o da boɔle o a soore o, ‘Boŋ la ka N wono kyaare ne fo ya? Wa tu a toma gbɛɛ zaa nɛnɛ ka N nyɛ, bonso, fo koŋ la baŋ kaara a n boma zu.’

Luka 16:25

Ka Aboraham da yeli, ‘N bie, leɛ-teɛre nyɛ a fo nyɔvore saŋ, fo da nyɛ la a bonsonne na zaa fo naŋ da maŋ boɔrɔ, kyɛ ka Lazario eŋ da nyɛrɛ woore yoŋ. Pampana ŋa, o dire la noɔ a kyɛ, kyɛ ka fo dire tuo.

Luka 18:22

A Yeezu naŋ da woŋ a ŋaa, O da yeli ko la a dɔɔ, “Yelyeni kaŋ la kyɛre ka fo ba taa. Koɔre a boma na zaa fo naŋ taa, a de a libie poŋ nembaalba kyɛ fo na taa la naboma a tenvelaa poɔ, kyɛ pãã wa tuuro ma.”

Luka 8:18

Yɛ kyɛlle woŋ velaa; banaŋ naŋ taa boma, ba na la ko ba la amine poɔ; kyɛ banaŋ naŋ ba taa, haali a belaa na banaŋ taa ba na de a la yi ba zie.”

Gyɔɔn 11:1

Dɔɔ kaŋ da bebe la a beɛrɛ, ka o yuori di Laazoro. O da yi la Bɛtani, a Mareya ane o yɔɔ Maata teŋɛ.

Gyɔɔn 11:19

A Gyuumine yaga da yi la a Gyɛruzɛlɛm a wa ka ba moore ko a Maata ane Mareya a ba yɔɔdɔɔ kũũ eŋɛ.

Gyɔɔn 12:3

Mareya da de la turaali mine daaroŋ naŋ ba wono zaa, a wa sɔ ne a Yeezu gbɛɛ, kyɛ de a o zukɔɔloŋ meele ne. A turaali da nyu laare la a yiri zaa.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 4:14

Kyɛ banaŋ naŋ nyu a koɔ̃ N naŋ na ko ba, kɔŋnyuuri daŋ koŋ la kpɛ ba zaa. A koɔ̃ na N naŋ na tere, na leɛ la bulnimiri ba poɔŋ, ka a bullo yire a terɛ nyɔvore naŋ ba taa baaroo.”

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

1 Kor 13:3

Ka maa de n boma zaa poŋ ko nembaalba, a de n eŋɛ tere ka ba nyege vũũ poɔ ka ka N na toɔ̃ duoro n meŋɛ, kyɛ ba taa nɔmmo, N koŋ nyɛ tɔnɔ zaa.

Galesiya 5:6

Bonso a Kirista Yeezu poɔ, dɛgre iruu bee dɛgre ba-iruu ba poɔ yeli zaa poɔ; yeli yoŋ naŋ poɔ yɛlɛ poɔ la yeldeebo naŋ tonɔ toma ne nɔmmo.