Luka 10:41 - Naaŋmen Nɔpaalaa Gane

⁴¹ Kyɛ ka a Daana yeli sɔge o, “Maata, Maata, fo dɔɔnɔ la fo meŋɛ, a vɛŋ ka yɛlɛ yaga pigre fo;

Luka 10:41 ပူးပေါင်းရင်းမြစ်များ

Marko Gane 4:19

kyɛ ka a teŋɛzu boma teɛroŋ ane bondaa-yɛlɛ ane bombɔ vɔlfaare maŋ wa feere a Naaŋmen yelbiri ko, ka a ba maale.

Luka 10:38

A Yeezu ane O potuuribo naŋ da be a sobiriŋ gɛrɛ la ka ba da wa te kpɛ teŋɛ kaŋ poɔ, be ka pɔge kaŋ yuori naŋ di Maata da yi tuori de O gaa ne o yiri.

Luka 10:40

Kyɛ Maata naŋ da nyɛ ka o toma waa yaga o zie, lɛ la ka o da yeli ko a Yeezu, “Daana, fo ba nyɛ ka Mareya bare la a toma zaa ko N yoŋ be? Yeli ko o ka o wa soŋ ma”

Luka 12:22

A Yeezu da yeli ko la O potuuribo, “Azuiŋ N yele korɔ yɛ la, yɛ ta vɛŋ ka yɛ nyɔvore yɛlɛ dɔɔnɔ yɛ, bon yɛ naŋ na di, bee ka bonsuuri yɛlɛ dɔɔnɔ yɛ.

Luka 21:34

“Yɛ gu yɛmenne velaa, a ta wa vɛŋ ka yɛ teɛroŋ zaa kyaare ne tige diibu ane dããnyukuoli, kyɛ bee a vɛŋ ka a teŋɛzu nyɔvore yɛlɛ dɔɔnɔ yɛ, ka a bebiri ta wa uri yɛ aŋa bɛraa.

Luka 8:14

A bombie na naŋ le a goore poɔ la banaŋ naŋ maŋ woŋ a yelbiri; kyɛ a ba yeldeebo poɔ, a teŋɛzu bombɔ yɛlɛ ane a bondaa-yɛlɛ maŋ fogle la a ba yeldeebo ko.

Gyɔɔn 11:1

Dɔɔ kaŋ da bebe la a beɛrɛ, ka o yuori di Laazoro. O da yi la Bɛtani, a Mareya ane o yɔɔ Maata teŋɛ.

Gyɔɔn 11:5

Aneazaa ka Yeezu da nɔŋ la Maata ane o yɔɔ Mareya ane a Laazoro,

Gyɔɔn 12:2

Ba da maale la bondirii ko O a be. Maata la da kaara a bondirii yɛlɛ, ka Laazoro da e a neɛ na kaŋ naŋ da laŋ zeŋ a diibu zie ne a Yeezu.

Filipai Deme Gane 4:6

Yɛ ta vɛŋ ka bonzaa yɛlɛ fere yɛ, kyɛ yelzaa poɔ, yɛ maŋ de puoruu, sɔroo ane bareka puoruu a vɛŋ ka Naaŋmen baŋ yɛ yelboɔre zaa.