Luka 10:17 - Naaŋmen Nɔpaalaa Gane

¹⁷ A potuuribo lezaata ne pie da leɛ waɛ la ne kyelloo a wa yele, “Daana, a fo yuoriŋ, haali a sefaare sage la te noɔre!”

Luka 10:17 ပူးပေါင်းရင်းမြစ်များ

Matio Gane 4:24

Lɛ la ka a Yeezu yɛlɛ da yaare a Seeriya paaloŋ zaa, ka ba da taa ba baalba zaa wa ne a O zie. Banaŋ naŋ da beɛrɛ baaloŋ boorɔ zaa, banaŋ naŋ da taa woloŋ, banaŋ naŋ da taa sefaare, banaŋ naŋ da lere kunkunni ane banaŋ naŋ da gbɛre, ka a Yeezu da saŋ ba zaa.

Marko Gane 16:17

A yelwulii ama la na tuuro a banaŋ naŋ sage de a yelbiri: A N yuori eŋɛ ba na digre la sefaare bara, kyɛ yele kɔkɔsaama;

Luka 10:1

A ŋaa puoriŋ, a Daana da iri la noba lezaata ne pie mine meŋ, a da toŋ ba bayi bayi ka ba daŋ gaa a tenne ane a ziiri na zaa o meŋɛ naŋ boɔrɔ gaabo.

Luka 10:20

Anealɛzaa, yɛ ta kyellɛ ne yɛ naŋ nyɛ faŋ sefaare zu, kyɛ yɛ kyellɛ ne yɛ yoe naŋ sɛge a tenvelaa gane poɔ.”

Luka 10:9

Yɛ saŋna a baalba naŋ be a be, kyɛ yeli ko ba, ‘A Naaŋmen naaloŋ wa peɛle yɛ la.’

Luka 9:1

Lɛ la ka Yeezu da boɔle a potuuribo pie ne bayi lantaa a ko ba kpeɛ̃õ ane faŋ ka ba digre ne sefaare zaa kyɛ saŋ na baalba.

Urom 16:20

A koŋ la kɔɔre kyɛ ka a emmaaroŋ Naaŋmen ŋmore Setaana biŋ yɛ gbɛɛ puliŋ. Ka a te Daana Yeezu Kirista garaaseɛ be yɛ zie.

EFESU 5:24

Aŋa lɛ a puoruu laŋne naŋ sigre o meŋɛ korɔ a Kirista, a lɛ meŋ la ka a seŋ ka pɔgeba sigre bamenne korɔ ba serebɛ yelzaa poɔ.