Luka 10:16 - Naaŋmen Nɔpaalaa Gane

¹⁶ “Soba na zaa naŋ kyɛlle yɛ yɛlɛ, kyɛllɛ la N yɛlɛ, kyɛ soba na zaa naŋ zagre yɛ, zagre la N yɛlɛ, kyɛ ka soba na zaa naŋ zagre ma zagre la neɛ na naŋ toŋ ma.”

Luka 10:16 ပူးပေါင်းရင်းမြစ်များ

Matio Gane 10:40

“Soba na zaa naŋ de yɛ saanoŋ, de ma la saanoŋ, ka soba na zaa meŋ naŋ de ma saanoŋ, de a soba na naŋ toŋ ma saanoŋ.

Matio Gane 18:5

Soba na zaa naŋ de a bie ŋa tɔ saanoŋ N yuori zuiŋ, maa la ka o soba de saanoŋ.”

Marko Gane 9:37

“Soba na zaa naŋ de a bie ŋa tɔ saanoŋ N yuori zuiŋ, maa la ka o soba de a saanoŋ, neɛzaa meŋ naŋ de ma saanoŋ de la a neɛ na meŋ naŋ toŋ ma na saanoŋ.”

Luka 9:48

kyɛ ka O yeli ko ba, “Neɛzaa naŋ tuori de a bie ŋa N yuori zuiŋ, tuori de ma la, kyɛ neɛzaa naŋ tuori de ma, tuori de la soba na naŋ toŋ ma. Bonso, a yɛ zaa poɔ bibile la a kpoŋ soba.”

Gyɔɔn 12:44

A Yeezu pãã da yeli ne la kɔkɔkpeɛŋaa, “Soba na zaa naŋ sage de N yɛlɛ, ba sage de N yoŋ yɛlɛ kyɛ a soba na naŋ toŋ ma yɛlɛ la ka o sage de.

Gyɔɔn 12:48

Soba na naŋ zagre ma, a ba sage de N yɛlɛ taa la sɛredire. A bebi-baaraa daare, a yɛlɛ na N naŋ yeli la na di a o sɛrɛɛ.

Gyɔɔn 13:20

Yelmeŋɛ zaa la ka N yele korɔ yɛ, soba na zaa naŋ tuori de neɛ na zaa N naŋ toŋ, a soba tuori de ma la. Ka soba na zaa naŋ tuori de ma meŋ tuori de a soba na naŋ toŋ ma.”

Toma 5:4

Fo naŋ da ba koɔre o sɛre, o da ba waa fo soobo be? Fo naŋ da wa koɔre a zie baare, a libie da ba waa fo soobo be? Wola ka a teɛroŋ ŋa tɔ wa a fo zie? Fo ba ŋmaa a zirii ŋa ko te kyɛ Naaŋmen la ka fo ŋmaa tere.”

Galesiya 4:14

aneazaa ka n baaloŋ ŋa da e la enyaabo ko yɛ, kyɛ yɛ da ba e ma la bee a gyegre ma, kyɛ yɛ da tuori de ma la aŋa Naaŋmen maleke, a tuori de ma aŋa a Kirista Yeezu.

I Tesa 4:8

Azuiŋ, soba na zaa naŋ zagra a wuluu ama ba zagra nensaalba yɛlɛ bara kyɛ a Naaŋmen naŋ maŋ ko yɛ a Vooroŋ Soŋ meŋ yɛlɛ la ka yɛ zagra.