Luka 1:32 - Naaŋmen Nɔpaalaa Gane

³² O na e la neŋyuori, ka ba boɔlɔ O a Naaŋmen Bie. A Daana Naaŋmen na ko O la a O Sããkoma Davil nakogi.

Luka 1:32 ပူးပေါင်းရင်းမြစ်များ

Matio Gane 1:1

Yeezu, a Mɛzaaya sããkommine dɔge-tu-taa yoe la ama; O da waa la Davil bie, ka Davil meŋ waa Aboraham bie.

Matio Gane 12:42

A sɛrɛɛdiibu daare, a Kɔmpare paaloŋ pɔgenaa ne a zenɛ noba na laŋ iri la a kuuni poɔ, ka o ko ba saanaa, bonso, o da yi la tateŋɛ wa ka o woŋ a Solomɔn yɛŋ yɛlɛ, kyɛ nyɛ, neɛ kaŋ naŋ gaŋ Solomɔn be la a kyɛ!”

Matio Gane 28:18

Ka a Yeezu wa yeli ko ba, “Ba ko Ma la kpeɛ̃õ zaa naŋ be sazu ane teŋɛ.

Matio Gane 3:11

“N korɔ yɛ la suobu ne koɔ̃, yɛ yelbebe poɔ leɛ yiibu zuiŋ, kyɛ a soba na naŋ tu n puori waana taa la kpeɛ̃õ gaŋ ma. N gba ba seŋ ne O nɔɔteɛ detaabo. O na ko yɛ la suobu ne a Vooroŋ Soŋ ane vũũ.

Marko Gane 14:61

Kyɛ a Yeezu da taŋ la O noɔre a ba yeli yelzaa sɔge. Ka a Naaŋmen bagmaalkare neŋkpoŋ laboreŋ soore O, “Fõõ la a Mɛzaaya, a Puubu Naaŋmen Bie na?”

Marko Gane 5:7

kyɛ kyeere ne kɔkɔkpeɛŋaa, “N ne fo meŋ boŋ, Yeezu, a Naaŋmen Kpeɛ̃õ Zaa Daana Bie? N de la Naaŋmen sɔrɔ fo, ta dɔgre ma.”

Luka 1:15

bonso, o na waa la nentegroŋ a Daana zie. A ba seŋ ka o nyu dãã bee dããkpeɛŋaa zaa. O na paale ne la a Vooroŋ Soŋ a o ma poɔŋ, ka ba dɔge ne o.

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 1:76

Kyɛ fõõ, n bie, ba na boɔle fo la Naaŋmen Kpeɛ̃õ Zaa Soba yelmanna, bonso, fo na de la a Daana weɛ, a te nare a O sobie,

Luka 3:16

a Gyɔɔn da yeli sɔge la ba zaa, “N korɔ yɛ la suobu ne koɔ̃, kyɛ neɛ kaŋ naŋ taa kpeɛ̃õ gaŋ ma waana la; N gba ba seŋ ne O nɔɔteɛ mie loruu. O na ko yɛ la suobu ne a Vooroŋ Soŋ ane vũũ.

Luka 6:35

Kyɛ yɛ nɔnɔ yɛ dɔndɔnne, a erɛ soŋ, a pɛŋnɛ noba, kyɛ ta teɛrɛ ka ba leɛ yɔɔ yɛ. A yɛ san-yɔɔ na e la kpoŋ, ka yɛ e a Naaŋmen Kpeɛ̃õ Zaa Daana biiri, bonso, O maŋ taa la nimimaaroŋ ko a potuo deme ane a nenfaare.

Gyɔɔn 12:34

A nembeɛoŋ da yeli sɔge O la, “Te da woŋee la yi a Naaŋmen begɛ poɔ ka a Mɛzaaya na bebe la tegitegilɛ. Wola ka fo pãã yele ka a ferɛɛ la ka ba zɛge a Nensaala Bie ka o do saa? Nembuo la a Nensaala Bie ŋa?”

Gyɔɔn 6:69

Te sage deɛ la kyɛ baŋ ka fõõ la a Naaŋmen Nensoŋ.”

Toma 16:17

O naŋ da tuuro te ane a Pɔɔl, a da ŋmeɛrɛ kpɛlle yele, “A noba bama waa la a Kpeɛ̃õ Zaa Naaŋmen gbaŋgbaare naŋ wa ka ba moɔle a faabo yɛlɛ ko yɛ.”

Toma 2:30

O naŋ da waa Ŋmen-yelmanna zuiŋ, o da baŋ ka Naaŋmen da pollɛɛ la, a eŋ noɔre ko o ka O na biŋ la o bie kaŋ a o nakogi zu.

Toma 2:36

Azuiŋ yɛ vɛŋ ka a Izerayɛl noba zaa baŋ kyerete ka Naaŋmen zɛge la a Yeezu ŋa yɛ naŋ da kpa a dagaraa zu, ka O waa Daana ane Mɛzaaya.”

Toma 7:48

Kyɛ a Kpeɛ̃õ Zaa Daana ba kpeɛrɛ yiri na poɔ nensaala naŋ mɛ ne o nuuri aŋa a Ŋmen-yelmanna naŋ yeli lɛ:

Urom 1:4

kyɛ ka a Vooroŋ Soŋ da wuli ka O waa la Naaŋmen Bie naŋ taa kpeɛ̃õ ne O naŋ leɛ-iri yi a kuuni poɔ. Ona la a Yeezu Kirista a te Daana.

Yel-iriwulaa Gane 3:7

“Sɛge ko a puoruu laŋne maleke naŋ be a Filadɛlfiya teŋɛ poɔ: A nensoŋ na, a yelmeŋɛ soba na yelbie la ama, a onaŋ naŋ taa a Davil naaloŋ saafebiri, ona la maŋ yuo, ka neɛzaa koŋ pɔge, a maŋ pɔge ka neɛzaa kyebe na yuo: