Luka 1:22 - Naaŋmen Nɔpaalaa Gane

²² A Zakareya naŋ da te yi wa, o da kontoɔ̃ yeli yɛlɛ ko ba, lɛ la ka ba pãã da baŋ ka o nyɛ la nyaabo kaŋ a zisoŋ zie a Naaŋmen die poɔ. O da de la o nuuri manne ne yɛlɛ korɔ ba kyɛ koŋ baŋ yeli yɛlɛ ne o noɔre.

Luka 1:22 ပူးပေါင်းရင်းမြစ်များ

Luka 1:21

A lɛ zaa poɔ, a noba da kyɛllɛ la a Zakareya kyɛ teɛrɛ ba pooreŋ, bonna naŋ so ka o kɔɔre a zisoŋ zie a Naaŋmen die poɔ te ta lɛ.

Luka 1:23

A Zakareya toma saŋ naŋ da wa baare a Naaŋmen die poɔ, o da leɛ kuli la o yiri.

Luka 1:62

Lɛ la ka ba da manne ne nu soore a saa, yuori na o naŋ da boɔrɔ ka ba ko a bie.

Gyɔɔn 13:24

Ka a Saamon Piita da kagre o ka o soore a Yeezu nembuo naŋ la ka O yele.

Toma 12:17

A Piita da lɔɔ la nu ka ba bare gɔmɔ, kyɛ ka o manne ko ba lɛnɛɛ a Daana maleke naŋ iri o yi a nempagdie poɔ. O da la yelee la, “Yɛ manne a yeli ŋa ko Gyimisi ane a yɔɔmine.” A lɛ puoriŋ, o da bare ba la kyɛ gaa ziyuo.

Toma 19:33

A nembeɛoŋ mine da manne la a yɛlɛ ko Alɛzanda, a onaŋ a Gyuumine naŋ da e ka o de niŋe. Ka Alɛzanda da lɔɔ nu sɔre ka ba bare gɔnne kyɛ ka o toɔ̃ manne a yɛlɛ ko ba.

Toma 21:40

O naŋ da wa ko a Pɔɔl sori, o da are la a dɛbie zu a zɛge o nu kyaare a noba ka ba bare gɔnne. Kyɛ ba naŋ da wa te bare a gɔnne, o da yeli la yɛlɛ ko ba ne Hiburu kɔkɔre a yele: