Luka 1:20 - Naaŋmen Nɔpaalaa Gane

²⁰ Kyɛ fo naŋ ba sage de a N yɛlɛ ama zuiŋ fo na e la muu, a koŋ baŋ yeli yɛlɛ, a te ta bebiri na a yɛlɛ ama naŋ sereŋ na e, ka a saŋ wa ta.”

Luka 1:20 ပူးပေါင်းရင်းမြစ်များ

Marko Gane 16:14

A lɛ puoriŋ, Yeezu da de la O meŋɛ wuli a O potuuribo pie ne yeni, a saŋ na ba naŋ da lantaa a zeŋ dire. O da wa nyare la ba zu ba naŋ da ba taa yeldeebo ane ba zukuoŋ-yɛlɛ zuiŋ. Bonso, ba da ba sage de a banaŋ zaa naŋ da wa yeli a O kuuni poɔ leɛ-iruu yɛlɛ ko ba.

Marko Gane 9:19

Ka a Yeezu yeli sɔge ba, “Yɛnee noba naŋ ba taa yeldeebo, N na be la yɛ zie kɔɔre seŋ wola? N na di la kannyiri ne yɛ te ta boŋ saŋ? Yɛ taa a bie wa ko ma.”

Luka 1:19

Ka a maleke leɛ yeli sɔge o, “Maa la Gabereyɛl. N maŋ are la Naaŋmen niŋesogɔ; Ona la toŋ ma fo zie ka N wa yeli a yelnoore ama ko fo.

Luka 1:21

A lɛ zaa poɔ, a noba da kyɛllɛ la a Zakareya kyɛ teɛrɛ ba pooreŋ, bonna naŋ so ka o kɔɔre a zisoŋ zie a Naaŋmen die poɔ te ta lɛ.

Luka 1:22

A Zakareya naŋ da te yi wa, o da kontoɔ̃ yeli yɛlɛ ko ba, lɛ la ka ba pãã da baŋ ka o nyɛ la nyaabo kaŋ a zisoŋ zie a Naaŋmen die poɔ. O da de la o nuuri manne ne yɛlɛ korɔ ba kyɛ koŋ baŋ yeli yɛlɛ ne o noɔre.

Luka 1:45

Fo nyɛ la maaloo ne fo naŋ sage de ka a lɛ a Daana naŋ yeli sereŋ na nyɛ la eebo.”

Luka 1:64

A tɔntɔbaalɛ la ka a Zakareya noɔre deɛ yuo, ka o zele lori, ka o piili yele yɛlɛ, a danna Naaŋmen.

Urom 3:3

Boŋ na e ka ba mine ba wa taa yelmeŋɛ? A yeldeebo ba naŋ ba taa na toɔ̃ sãã la Naaŋmen yelmennoŋ bare be?

2 Tim 2:13

ka teneŋ ba taa yelmeŋɛ ne O, Ona eŋ maŋ taa la yelmeŋɛ, bonso, O koŋ baŋ zagre O meŋɛ bare.

TITU 1:2

a nyɔvo-babaaraa teɛretɔroo a Naaŋmen naŋ ba ŋmaara zirii naŋ da eŋ noɔre tere sɛre kyɛ ka a andonɛɛ wa piili.

Hiburu 6:18

ka ka a na tu a yɛlɛ ayi naŋ ba taa leɛbaroo zie a wuli ka Naaŋmen koŋ baŋ ŋmaa zirii. Tenee banaŋ naŋ zo te kpɛ O nyuo seŋ ka te nyɛ teɛbo kaŋ a na toɔ̃ de a teɛretɔroo ba naŋ biŋ te niŋesogɔ.

Yel-iriwulaa Gane 3:19

A banaŋ N naŋ nɔŋ la ka N maŋ wuli kyɛ tage ba tobo. Azuiŋ, moɔ nimiri a leɛ fo eebo.