Korinti 6:3 - Naaŋmen Nɔpaalaa Gane

³ Te ba derɛ bonzaa pigre neɛzaa sori, ka ba na ta wa nyɛ saanaa zaa a te toma poɔ,

Korinti 6:3 ပူးပေါင်းရင်းမြစ်များ

Matio Gane 17:27

Kyɛ ka te ta wa sãã ba poɔ zuiŋ, iri sigi a mane a te lɔɔ zompii, zoma na zaa fo naŋ wa daŋ nyɔge, ka fõõ wa yuo o noɔre fo na nyɛ la warbiri, iri wa ko ba, ka a e fõõ ne maa zuyɔɔ.

Matio Gane 18:6

“Ka yɛ kanzaa yelfaare wa vɛŋ ka a bibiiri bama kanzaa naŋ sage de N yɛlɛ wa ŋmɛ gbɛre le, a da na seɛ la ka ba de neɛre kuuri leŋ o soba kɔkɔreŋ, a daa o lɔɔ eŋ mane poɔ ka o nyu koɔ̃ kpi.

Toma 19:27

Kyɛ dabeɛ̃ bebe la, ka a te toma ŋa yoŋ naane na di vi, kyɛ ba koŋ la boɔlɔ a pɔgŋmen Ateme ŋmen-yiri bonzaa, ka o koŋ la taa yuori na naŋ vɛŋ ka a Ezeya noba zaa ane a tendaa a puoro o.”

Urom 14:13

A lɛ zuiŋ yɛ vɛŋ ka te ta la dire taa sɛrɛɛ, kyɛ yɛ leɛ yɛ eebo a daŋ ta la de gbɛŋmɛ-le bon biŋ yɛ taaba sobie zu bee a pigi ba sobie.

1 Kor 9:12

Ka noba mine wa taa sori ka ba nyɛ boma yi yɛ zie, te ba taa sori gaŋ lɛ be? Kyɛ te ba e a lɛ te naŋ da taa sori ka te e, kyɛ te di la kannyiri ka te ta wa e yelzaa ka o leɛ begraa kaŋ pigi a Kirista yelnoore sori.

1 Kor 9:22

N leɛ la bambaala, a bambaalba zie, ka ka N na toɔ̃ nyɛ a bambaalba ko a Kirista. N waa la bonzaa a noba zaa zie, ka ka anaŋ waa wola zaa, ka N na toɔ̃ faa ba mine ko a Kirista.

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

Korinti 8:20

Te ba boɔrɔ ka neɛzaa de saanaa ko te ne a nɔmmo toma ŋa te naŋ tonɔ,