Korinti 13:9 - Naaŋmen Nɔpaalaa Gane

⁹ Bonso, te poɔ maŋ pɛle la saŋ na te naŋ waa bambaalba kyɛ ka yɛ taa faŋ. Bonna te naŋ puoro sɔrɔ la ka yɛ waa noba naŋ tori.

Korinti 13:9 ပူးပေါင်းရင်းမြစ်များ

Urom 15:2

A ferɛɛ la ka te kanzaa maŋ erɛ yɛlɛ naŋ na pɛle te tɔsoba poɔ, ka ka a te teɛre soŋ e ka te teɛ ba ka ba baara.

1 Kor 1:10

N yɔɔmine ane n yɔɔpuuli, N sɔrɔ yɛ la a te Daana Yeezu Kirista yuori eŋɛ, ka yɛ zaa laŋ noɔre, ka wɛltaa ta be yɛ sogɔŋ, kyɛ yɛ taa teɛroŋ yeni ane yelyeni.

1 Kor 2:3

Kyɛ N da wa la yɛ zie bambaaloŋ poɔ, a taa dabeɛ̃ ane eŋ-mii yaga.

1 Kor 4:10

Te waa la dambolo a Kirista zuiŋ, kyɛ yɛ waa la yɛndeme a Kirista eŋɛ. Te waa la bambaalba kyɛ ka yɛ waa gandaare, a taa yuori kyɛ ka te dire vi.

Korinti 11:30

Ka a naŋ fere ka N zɛge n meŋɛ, N na zɛge la n meŋɛ ne boma na naŋ wuli n bambaaloŋ.

Korinti 13:11

A yelbaaraa, N yɔɔmine ane n yɔɔpuuli, N puoro yɛ la. Yɛ kyɛlle woŋ a n sɔroo, a maale yelzaa velaa, a taa yelwontaa ne taa, a kpeɛrɛ ne emmaaroŋ; kyɛ a Naaŋmen naŋ waa nɔmmo ane emmaaroŋ soba na be la yɛ zie.

Korinti 13:4

Bonso, ba da kpa O la a dagaraa zu bambaaloŋ poɔ, kyɛ ka O voorɔ a Naaŋmen kpeɛ̃õ poɔ. Te waa la bambaalba O eŋɛ, kyɛ yelzaa te naŋ erɛ ne yɛ, te na voorɔ ne O la a Naaŋmen kpeɛ̃õ zuiŋ.

Korinti 4:12

Lɛnso ka kũũ zɔɔrɔ ne te nyɔvore, kyɛ ka yɛnee taa nyɔvore.

Korinti 7:1

N poyɛŋ noba, a nɔɛ ama ba naŋ eŋ ko te zuiŋ, yɛ e ka te peere te enne ane te seere dɛgre zaa bare, a e ka sonnoŋ tori a Naaŋmen dabeɛ̃ zoobu poɔ.

KOLO 1:28

A Naaŋmen yɛlɛ la ka te moɔlɔ, a kpaana neɛzaa kyɛ kanna noba zaa ne yɛmbammo zaa, ka ka te na toɔ̃ de neɛzaa tere ka O baa ta neɛ a Kirista eŋɛŋ.

KOLO 4:12

Epaferase naŋ waa yɛ kaŋ, a e a Kirista Yeezu tontonɔ puoro yɛ la. O maŋ moɔrɔ la a puoro korɔ yɛ tegitegilɛ ka ka yɛ na toɔ̃ baa ta noba kyɛ baŋ a Naaŋmen poboɔbo yɛlɛ zaa a ba bonnɔ.

I Tesa 3:10

Te puoro la nimizeɛ zaa tensogɔ ane ŋmenaa ka ka te na toɔ̃ nyɛ taa nimisogre bebiri kaŋ ka te maale a yɛlɛ na zaa naŋ kyɛre a yɛ yeldeebo poɔ eŋ.

2 Tim 3:17

ka ka neɛzaa naŋ waa Naaŋmen neɛ na toɔ̃ taa faŋ tonsoŋ zaa tommo poɔ.

Hiburu 12:23

Yɛ wa la a bidɛnne ba naŋ sɛge ba yoe eŋ a tenvelaa poɔ laŋne zie ane a Naaŋmen naŋ waa a nensaalba zaa sɛredire zie. Yɛ wa la a nensonne seere naŋ tori zie.

Hiburu 13:21

e ka yɛ taa bonzaa naŋ soma ka yɛ na toɔ̃ erɛ O poboɔbo yɛlɛ, a tonɔ te poɔ, a erɛ a anaŋ naŋ pɛllɛ O poɔ a Yeezu Kirista eŋɛ. Ona la so puubu tegitegilɛ. Ameena.

Hiburu 6:1

Azuiŋ, yɛ e ka te gɛrɛ niŋe, a toro a Naaŋmen yelbiri bammo poɔ, kyɛ ta naŋ be a bibil-yelbie na ba naŋ da piili wuli te kyaare ne a Kirista. A ta la leɛrɛ gɛrɛ puori a piiluu bibil-yelbie poɔ: aŋa meŋɛ leɛbo a yi yɛlɛ naŋ ba taa tɛgɛ ane yeldeebo kyaare ne Naaŋmen,

1 Pit 5:10

Ka yɛneŋ wa woŋ tuo belaa baare, a puoriŋ, a garaaseɛ zaa Naaŋmen naŋ boɔle yɛ eŋ a O puubu naŋ ba taa baaroo a Kirista poɔ, na e la ka yɛ leɛ are yɛ aroozie, a teɛ yɛ taa, a ko yɛ faŋ kyɛ e ka yɛ are kpeɛŋaa.