KOLO 2:3 - Naaŋmen Nɔpaalaa Gane

³ A Kirista poɔŋ la ka yɛŋ ane yelbammo naboma zaa sɔgle.

KOLO 2:3 ပူးပေါင်းရင်းမြစ်များ

Matio Gane 10:26

“Azuiŋ yɛ ta zoro ba dabeɛ̃; bonso, bonzaa ba kyebe a sɔgle ka ba koŋ yuo ka o sãã. Yelsɔglaa zaa meŋ kyebe ka ba koŋ yeli ka noba baŋ.

Luka 11:49

A lɛnso ka Naaŋmen yeli O yɛŋ poɔ, ‘N na toŋ la Ŋmen-yelmanneba ane apostoliimine ba zie, ka ba na ko ba mine kyɛ dɔgre ba mine.’

Urom 11:33

Nyɛ a Naaŋmen bondaanoŋ, yɛŋ ane a O bammo naŋ waa zuluŋ seŋ lɛ! A O sɛrɛɛdiibu ba taa mannoo, ka a O sobie ba taa peɛroo!

1 Kor 1:24

kyɛ a banaŋ ba naŋ boɔle zie, a Gyuumine ane Giriki noba zaa, a Kirista waa la Naaŋmen kpeɛ̃õ ane Naaŋmen yɛŋ.

1 Kor 1:30

A Naaŋmen zie la ka a yɛ nyɔvore yi a Kirista Yeezu eŋɛ. Ona la da e a yɛŋ naŋ yi Naaŋmen zie ko te, ane mennoŋ ane pɛgeyiibu ane faabo,

EFESU 1:8

O naŋ de ko te yaga lɛ. A Naaŋmen yɛmbammo ane O yɛlɛ tɛgɛ bammo eŋɛ,

KOLO 1:19

Bonso, a Kirista poɔŋ la ka a Naaŋmen waaloŋ zaa da nɔŋ ka O be.

KOLO 1:28

A Naaŋmen yɛlɛ la ka te moɔlɔ, a kpaana neɛzaa kyɛ kanna noba zaa ne yɛmbammo zaa, ka ka te na toɔ̃ de neɛzaa tere ka O baa ta neɛ a Kirista eŋɛŋ.

KOLO 1:9

A ŋaa zuiŋ, a yi a lɛ daare na te naŋ da woŋ a yɛ yɛlɛ, te daŋ ba nage a yɛ puori teroo, kyɛ sɔrɔ ka yɛ paale ne a Naaŋmen poboɔbo ane seeloŋ yɛŋ ane yɛlɛ bammo tɛgɛ zaa,

KOLO 3:16

Yɛ vɛŋ ka a Kirista yelbiri be yɛ poɔ yaga zaa; ka yɛ kanna kyɛ yele yɛlɛ teɛrɛ taa ne yɛŋ zaa ane bareka puoruu yɛ sukyie poore, a yiele yiele, puubu yiele ane seeloŋ yiele korɔ Naaŋmen.

KOLO 3:3

bonso, yɛ kpie la ka a yɛ nyɔvoɛ sɔgle a Kirista naŋ be Naaŋmen poɔ.

2 Pit 1:5

A yeli ŋa zuiŋ, yɛ mɔ yɛ moɔbo zaa a de yelveɛle eebo teɛ ne a yɛ yeldeebo, a de a yɛ yelbammo teɛ ne a yɛ yelveɛle,

Yel-iriwulaa Gane 2:17

Vɛŋ ka soba na zaa naŋ taa toori kyɛlle woŋ bonna a Vooroŋ Soŋ naŋ yele korɔ a puoruu laŋne yie. Soba na zaa naŋ zɔɔtoɔ̃, N na ko o la a maana ba naŋ kontoɔ̃ nyɛ ne nimiri mine. N na ko o la kusi-pelaa ba naŋ sɛge yopaalaa neɛzaa naŋ ba baŋ eŋ, ka a soba na naŋ de o yoŋ naane.”