Gyɔɔn 9:16 - Naaŋmen Nɔpaalaa Gane

¹⁶ Ka a Farazii noba mine da yeli, “A dɔɔ ŋa ba yi Naaŋmen zie, bonso, O ba tuuro a pɛnnoo bebiri daare tuulo.” Kyɛ ka ba mine meŋ da yeli, “Wola ka neɛ naŋ e yelbe-erɛ na toɔ̃ e a yelwulii ama?” Wɛltaa da kpɛ la a noba poɔ.

Gyɔɔn 9:16 ပူးပေါင်းရင်းမြစ်များ

Matio Gane 12:10

ka dɔɔ kaŋ kpaŋkpane naŋ kpi da be a be. Ba naŋ da boɔrɔ ka ba bɔ yɛlɛ dɔgle a Yeezu la so ka ba soore O, “A tu la sori ka ba saŋ neɛ a pɛnnoo bebiri daare be?”

Matio Gane 12:2

A Faraziimine naŋ da wa nyɛ a lɛ, ba da yeli ko la a Yeezu, “Nyɛ, a fo potuuribo erɛ la yɛlɛ naŋ ba tu sori ka ba e a pɛnnoo bebiri daare.”

Luka 13:14

Kyɛ a puoruudie neŋkpoŋ suuri da iree la yaga ne a Yeezu naŋ da saŋ a pɔge ŋa a pɛnnoo bebiri daare. Ka o da yele korɔ a noba, “Beri ayoɔbo la be a daa gbuli zaa poɔ ka neɛ na toɔ̃ toŋ toma. Azuiŋ, yɛ maŋ wa a bebie ama poɔ ka ba wa saŋ yɛ. Yɛ ta maŋ wa a pɛnnoo bebiri daare.”

Gyɔɔn 10:19

Wɛltaa da la maaleŋ kpɛ la a Gyuumine sogɔ a Yeezu yelbie ama zuiŋ.

Gyɔɔn 14:11

Yɛ sage de a N yɛlɛ ka N be la N Saa poɔ, ka a Saa meŋ be a N poɔ. Ka yɛnee ba sage de a N yelbie gba, kyɛ yɛ kaa a N toma kyɛ sage de.

Gyɔɔn 15:24

Ka maa da ba wa toŋ a toma ama neɛzaa naŋ daŋ ba toŋ zaa ba poɔ, ba da koŋ taa yelbieri zaa. Kyɛ pampana, ba nyɛɛ la kyɛ naŋ kyiiri ma ane a N Saa.

Gyɔɔn 2:11

A yeli ŋa a Yeezu naŋ da e, da la O yelwulii dɛndɛŋ soba O naŋ da e a Keeina teŋɛ naŋ be a Galili paaloŋ poɔ. A da iri la a Yeezu yuori ka O potuuribo da sage de O yɛlɛ.

Gyɔɔn 3:2

O da wa la Yeezu zie tensogɔ saŋ a wa yeli ko O, “Wulwullo, te baŋ ka fo waa la wulwullo naŋ yi Naaŋmen zie. Bonso, neɛzaa koŋ baŋ e a yelwulii ama fo naŋ erɛ ka Naaŋmen ba kye o soba zie.”

Gyɔɔn 5:10

Lɛ la ka a Gyuumine da yeli ko a dɔɔ naŋ da nyɛ o sammo, “Zenɛ waa la a pɛnnoo bebiri, sori kyebe ka fo tuo fo boŋganaa.”

Gyɔɔn 5:36

Kyɛ N taa la danseɛ naŋ gaŋ a Gyɔɔn deni. A toma na N Saa naŋ ko ma ka N na toŋ te baare, a toma na ne a zu N naŋ tonɔ la dire danseɛ ka a Saa la toŋ ma.

Gyɔɔn 6:52

A Gyuumine pãã da ŋmeɛrɛ la nɔkpeɛne ne taa a yele, “Wola ka a dɔɔ ŋa na baŋ de O eŋɛ ko te ka te di?”

Gyɔɔn 7:12

A noba yaga da zɔɔrɔ la yɛlɛ a O zuiŋ. A noba mine da yelee la, “O e la nemmeŋɛ,” ka ba mine meŋ yele, “Ai, O bɛllɛ la a noba.”

Gyɔɔn 7:23

Ka yɛnee maŋ iri bidɔbɔ dɛgre a pɛnnoo bebiri daare, a na tu a Moozul noɔre ŋa, boŋ la so ka yɛ suuri iri ne ma N naŋ saŋ dɔɔ kaŋ baaloŋ a pɛnnoo bebiri daare?

Gyɔɔn 7:43

Lɛ la ka wɛltaa da kpɛ a noba sogɔ a Yeezu zuiŋ.

Gyɔɔn 9:24

Azuiŋ ba da leɛ boɔle la a dɔɔ ŋa naŋ da zɔŋ a boyi soba a yeli ko o, “Yeli a yelmeŋɛ Naaŋmen niŋesogɔ! Te baŋ ka a dɔɔ ŋa waa la yelbe-erɛ.”

Toma 14:4

Kyɛ a teŋɛ deme da wɛle la taa, ka ba mine da are ko a Gyuumine, kyɛ ka ba mine meŋ da are ko a apostoliimine.