Gyɔɔn 8:55 - Naaŋmen Nɔpaalaa Gane

⁵⁵ kyɛ ka yɛ ba baŋ O. Kyɛ maa eŋ baŋ O la. Ka maa na yeli ka N ba baŋ O, N na e la zirŋmaara aŋa yɛnee. N baŋ O la, a sagra O yɛlɛ.

Gyɔɔn 8:55 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Luka 10:22

A N Saa de la a boma zaa ko ma. Neɛzaa ba baŋ neɛ na a Bidɔɔ naŋ waa, ka a Saa yoŋ naane. Neɛzaa meŋ ba baŋ neɛ na a Saa naŋ waa, ka a Bidɔɔ yoŋ naane ane banaŋ a Bidɔɔ naŋ boɔrɔ ka O de a Saa wuli ba.”

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 10:15

aŋa lɛ N Saa naŋ baŋ ma ka N meŋ baŋ O. Kyɛ N de la N nyɔvore tere a N peere zuiŋ.

Gyɔɔn 15:10

Ka yɛnee wa sagra a N nɔɛ, yɛ na be la a N nɔmmo poɔ, aŋa lɛ N naŋ sagra a N Saa nɔɛ a be a O nɔmmo poɔ lɛ.

Gyɔɔn 15:21

Kyɛ ba na e yɛ la a ama zaa a N yuori zuiŋ, bonso, ba ba baŋ a soba na naŋ toŋ ma.

Gyɔɔn 16:3

Ba na e la a ŋaa ba naŋ ba baŋ a Saa bee maa zuiŋ.

Gyɔɔn 17:25

“Yelmennoŋ Saa, a teŋɛzu noba ba baŋ fo kyɛ maa baŋ fo la, ka a noba bama meŋ baŋ ka fõõ la toŋ ma.

Gyɔɔn 6:46

A ba e ŋa neɛzaa la nyɛ a Saa, ka a soba na naŋ yi Naaŋmen zie wa yoŋ naane, ona la nyɛ a Saa.

Gyɔɔn 8:19

Lɛ la ka ba soore O, “Yeŋ ka a fo Saa be?” Ka a Yeezu da yeli sɔge ba, “Yɛ ba baŋ ma bee a N Saa. Ka yɛnee da baŋ ma, yɛ da na baŋ la a N Saa meŋ.”

Gyɔɔn 8:29

Kyɛ a soba na naŋ toŋ ma be la N zie. O ba bare ma N yoŋ, bonso, N maŋ erɛ la yɛlɛ naŋ pɛllɛ O poɔ tegitegilɛ.”

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Gyɔɔn 8:51

Yelmeŋɛ zaa ka N yele korɔ yɛ, soba na zaa naŋ tuuro a N yɛlɛ daŋ koŋ kpi.”

Gyɔɔn 8:52

Ka a Gyuumine da yeli ko O, “Ŋaa te pãã baŋ ka fo taa la sefaa. A Aboraham kpie la, ka a Ŋmen-yelmanneba meŋ da kpi, kyɛ ka fo yeli, ‘Neɛzaa naŋ sage de a N yɛlɛ daŋ koŋ kpi.’

Toma 17:23

Bonso, N naŋ yɔ yoɔrɔ kaara a boma yɛ naŋ puoro, N nyɛɛ ba naŋ sɛge eŋ a bagmaalkuuri kaŋ zu, ‘Ŋmen te naŋ ba baŋ la so o.’ A ŋmen yɛ naŋ ba baŋ kyɛ puoro, o yɛlɛ la ka N moɔlɔ korɔ yɛ.

Korinti 4:6

Bonso, Ona la a Naaŋmen naŋ da yeli, “Vɛŋ ka veɛloŋ puri sãã ligruŋ poɔ.” Ona meŋɛ la e ka a O veɛloŋ kyaane a te sukyie poɔ, ka te na baŋ a Naaŋmen puubu na naŋ sãã a Kirista niŋesogɔ.

1 Gyn 1:6

Ka teneŋ yeli ka te laŋ ne O la kyɛ naŋ kyɛnɛ be a ligruŋ poɔ, te ŋmaara la zirii, a ba tuuro a yelmeŋɛ.

1 Gyn 2:22

Aŋ la a zirŋmaara, ka a soba na naŋ ba sage ka Yeezu la a Kirista naane? A zirii kirista la ŋa, ona la a soba na naŋ zagre a Saa ne a O Bie.

1 Gyn 2:4

Soba na zaa naŋ yeli, “N baŋ O la,” kyɛ ba sagra a O nɔɛ, waa la zirŋmaara, ka a yelmeŋɛ ba kye o zie.

1 Gyn 5:10

Banaŋ naŋ sage de a Naaŋmen Bie maŋ taa la a danseɛ ŋa ba sukyie poɔ. Banaŋ naŋ ba sage de Naaŋmen eɛɛ la ka O e zirŋmaara ne ba naŋ ba sage de a danseɛ O naŋ di kyaare ne a O Bie.

Yel-iriwulaa Gane 3:9

A Setaana puoruudie noba na naŋ yeli ka ba waa la Gyuumine kyɛ ba waa, kyɛ ŋmaara zirii; N na e la ka ba wa le vɔgle muro a fo gbɛɛ puliŋ, kyɛ baŋ ka N da nɔŋ fo la.