Gyɔɔn 8:44 - Naaŋmen Nɔpaalaa Gane

⁴⁴ Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Gyɔɔn 8:44 ပူးပေါင်းရင်းမြစ်များ

Matio Gane 12:34

Yɛnee dompane boorɔ ŋa! Yɛ naŋ waa nenfaare, wola ka yɛ na toɔ̃ yeli yelsonne? Bonso, bonna naŋ be a sukyiri poɔ la ka a noɔre maŋ yele.

Matio Gane 13:15

A noba ŋa sukyie darɛɛ la, ka ba tobo e kpeɛne a ba wono yɛlɛ, ka ba ũũ ba nimie; ka ka ba na ta kaa ne ba nimie, a woŋ ne ba tobo, a baŋ a tɛgɛ ne ba sukyie kyɛ leɛ ba eebo, ka N na saŋ ba.’ ”

Matio Gane 13:38

a weɛ la a andonɛɛ, ka a bombi-sonne meŋ waa a naaloŋ biiri, ka a narse meŋ waa Setaana biiri.

Gyɔɔn 6:70

Ka Yeezu da yeli sɔge ba, “Maa naane kaa-iri a yɛ pie ne bayi be? Kyɛ a yɛ kaŋ waa la sebɛlbɛllɛ.”

Gyɔɔn 7:17

Neɛ na zaa naŋ sereŋ boɔrɔ ka o erɛ Naaŋmen poboɔbo na baŋ ka a N kannoo yi la Naaŋmen zie bee ka N meŋɛ kannoo la.

Gyɔɔn 8:38

Bon N naŋ nyɛ yi a N Saa zie la ka N yele korɔ yɛ, kyɛ yɛnee eŋ, yɛ erɛ bonna yɛ naŋ woŋ yi a Saa zie.”

Gyɔɔn 8:41

Yɛ sereŋ erɛ la yɛlɛ na a yɛ saa naŋ da maŋ erɛ.” Ka ba da yeli ko a Yeezu, “Te ba waa sɛnsɛmbiiri. Saa yeni yoŋ la ka te taa; Ona la a Naaŋmen meŋɛ.”

Gyɔɔn 8:55

kyɛ ka yɛ ba baŋ O. Kyɛ maa eŋ baŋ O la. Ka maa na yeli ka N ba baŋ O, N na e la zirŋmaara aŋa yɛnee. N baŋ O la, a sagra O yɛlɛ.

Toma 13:10

kyɛ yeli, “Fõõ sebɛlbɛllɛ bie, mennoŋ zaa dɔndɔmɔ, fo paale ne la bɛllɛ kyɛ e golgole soba. Fo koŋ bare a Daana sobie naŋ tori gɔŋbaroo be?

Toma 24:9

A Gyuumine meŋ da poɔ la ba noɔre a yeli ka a saanaa ba naŋ de tuo o waa la yelmeŋɛ.

Toma 5:3

Ka a Piita da soore o, “Ananeɛ, bonso ka Setaana bɛlle fo ka fo ŋma zirii ko a Vooroŋ Soŋ ne fo naŋ ŋmaa a zie fo naŋ koɔre libie mine biŋ?

Korinti 11:3

Kyɛ N zoro la dabeɛ̃ ka aŋa a waabo naŋ da de o nyaayɛlɛ bɛlle ne Hawa lɛ, o na tuli la yɛ teɛroŋ ka yɛ koŋ la tuuro a Kirista a puoro O ne yɛ poɔ zaa.

1 Pit 5:8

Yɛ baŋ yɛmenne taabo, a kaara velaa. A yɛ dɔndɔmɔ a sebɛlbɛllɛ yoɔrɔ la a lanna aŋa gbeŋni naŋ kono a boɔrɔ neɛ ka o ɔɔ.

2 Pit 2:4

Ka Naaŋmen da ba bare a malekere na naŋ da e yelbieri weɛlɛ, kyɛ da lɔɔ ba eŋ dazugovũũ poɔ, a leŋ ba ne banzɔlɔ biŋ ligruŋ kpoŋ poɔ a na te ta a sɛrɛɛdiibu saŋ,

1 Gyn 1:8

Ka teneŋ wa yeli ka te ba taa yelbieri, te bɛllɛ la temenne, ka a yelmeŋɛ ba kye te zie.

1 Gyn 2:21

A ba e ŋa yɛ naŋ ba baŋ a yelmeŋɛ la so ka N sɛgrɛ korɔ yɛ, kyɛ yɛ naŋ baŋ a yelmeŋɛ zuiŋ la, a baŋ ka zirii zaa ba yire a yelmeŋɛ zie.

1 Gyn 2:4

Soba na zaa naŋ yeli, “N baŋ O la,” kyɛ ba sagra a O nɔɛ, waa la zirŋmaara, ka a yelmeŋɛ ba kye o zie.

1 Gyn 3:12

A ba seŋ ka te waa ŋa Keein naŋ da waa lɛ. O da yi la a faaloŋ soba zie, a da ko o yɔɔ. Kyɛ boŋ la so ka o da ko o? A o meŋɛ yel-erre naŋ da waa faa kyɛ ka a o yɔɔ deme da e soŋ zuiŋ la so.

1 Gyn 3:15

Neɛzaa naŋ kyiiri o yɔɔ bee o yɔɔpuulee e la neŋkoorɔ, kyɛ yɛ baŋ ka neŋkooreba ba taa nyɔvo-babaaraa ka o be ba poɔ.

Gyud 1:6

A malekere na naŋ da ba are a zie Naaŋmen naŋ da ko ba, kyɛ da bare a ba meŋɛ kpeɛbozie, Naaŋmen leŋ ba la biŋ ligruŋ kpoŋ poɔ ne banzɔlɔ tegitegilɛ a kyɛllɛ ne a Bebi-kpoŋ sɛrɛɛdiibu daare.

Yel-iriwulaa Gane 12:9

Ba da de la a wa-beɛ naŋ waa kpoŋ lɔɔ bare ka o sigi a teŋɛzu, a dakoroŋ saŋ waabo na, ona la ka ba boɔlɔ Sebɛlbɛllɛ bee Setaana, a tendaa zaa bɛlbɛllɛ. Ba da lɔɔ o la bare ka o sigi wa a teŋɛzu, a lɔɔ a o malekere meŋ poɔ o eŋɛ.

Yel-iriwulaa Gane 13:14

Kyɛ a sori ba naŋ da ko o ka o are a dɛndɛŋ wɛdoŋɔ gbɛbogriŋ a erɛ a yelwulii da eɛɛ la ka o da bɛllɛ a noba naŋ be a teŋɛzu, a yele korɔ ba ka ba mɛ teebo ko a dɛndɛŋ wɛdoŋɔ ba naŋ da de zɔɔzɔɔ-soɔ pere ne kyɛ ka o naŋ voorɔ.

Yel-iriwulaa Gane 2:10

Ta zoro a tuo na fo naŋ na woŋ dabeɛ̃. Gu fo meŋɛ velaa, a sebɛlbɛllɛ boɔrɔ la ka o de yɛ mine eŋ nempagdie poɔ, ka ba na toɔ̃ e yɛ nyɛ, kyɛ ka yɛ be woore poɔ beri pie. Taa yelmennoŋ te ta fo kũũ saŋ, kyɛ N na ko fo la nyɔvore nazupili.

Yel-iriwulaa Gane 21:8

Kyɛ a dabeɛ̃ deme eŋ, a banaŋ naŋ ba taa yeldeebo, a nendɛgɛ, a neŋkooreba, a banaŋ naŋ toŋ peɛ̃mo toma, a banaŋ naŋ erɛ sɔyɛlɛ, a banaŋ naŋ puoro tebɛ ane zirŋmaareba zaa zie la a baa naŋ dire vũũ ane gyirimuri, a kũũ boyi soba la a ŋa.”

Yel-iriwulaa Gane 22:15

A nenfaare ane a banaŋ naŋ erɛ sɔyɛlɛ ane a banaŋ naŋ tonɔ peɛ̃mo toma ane a neŋkooreba ane a banaŋ naŋ puoro tebɛ ane neɛzaa naŋ nɔŋ kyɛ ŋmaara zirii na be la a yeŋ poɔ.

Yel-iriwulaa Gane 9:11

A sobo naa da la a bogzuluŋ naŋ ba taa baaraa maleke; a o yuori a Hiburu kɔkɔre poɔ la Abadɔn, kyɛ ka ba boɔlɔ o a Giriki kɔkɔre poɔ meŋ ka Apoliyɔn.