Gyɔɔn 8:38 - Naaŋmen Nɔpaalaa Gane

³⁸ Bon N naŋ nyɛ yi a N Saa zie la ka N yele korɔ yɛ, kyɛ yɛnee eŋ, yɛ erɛ bonna yɛ naŋ woŋ yi a Saa zie.”

Gyɔɔn 8:38 ပူးပေါင်းရင်းမြစ်များ

Matio Gane 3:7

Kyɛ o naŋ da wa nyɛ a Faraziimine ane Sadusiimine yaga naŋ waana ka o ko ba suobu, o da soore ba la, “Yɛnee dompane boorɔ ŋa! Nembuo la kpãã yɛ ka yɛ zo muri a Naaŋmen supuriyaaraa na naŋ waana?

Gyɔɔn 14:10

Yɛ ba sage de ka N be la a Saa poɔ, ka a Saa meŋ be N poɔ be? A yelbie N naŋ yele korɔ yɛ ba e maa meŋɛ yɛlɛ ka N yele, kyɛ a Saa naŋ be a N poɔŋ la tonɔ O toma.

Gyɔɔn 14:24

Soba na zaa naŋ ba nɔŋ ma, ba tuuro N yɛlɛ. Kyɛ a yelbie yɛ naŋ wono ka a yire N zie ba e N meŋɛ yelbie, kyɛ a yi la a Saa naŋ toŋ ma zie.”

Gyɔɔn 17:8

bonso, N ko ba la a yelbie na fo naŋ da ko ma. Ba de la a yelbie kyɛ baŋ a yelmeŋɛ ka N yi la fo zie wa. Ba sage deɛ la ka fõõ la toŋ ma.

Gyɔɔn 3:32

O di la danseɛ kyaare ne bon O naŋ nyɛ kyɛ woŋ, kyɛ neɛzaa ba sage de O danseɛ diibu.

Gyɔɔn 5:19

Ka Yeezu da yeli ko ba, “Serɛzaa ka N yele korɔ yɛ, a Bidɔɔ koŋ baŋ e yelzaa ne O meŋɛ faŋ, ka a naŋ ba e yeli na O naŋ nyɛ a Saa ka O erɛ yoŋ naane. Bonso, yeli na zaa a Saa naŋ erɛ, a lɛ ne a zu la ka a Bidɔɔ meŋ maŋ e.

Gyɔɔn 5:30

“N koŋ baŋ e yelzaa ne N meŋɛ kpeɛ̃õ. A lɛ Naaŋmen naŋ maŋ wuli ma, lɛ ka N maŋ di a sɛrɛɛ kyaare ne. N sɛrɛɛdiibu maŋ e meŋɛ, bonso, N meŋɛ poboɔbo naane ka N erɛ, kyɛ a soba na naŋ toŋ ma poboɔbo la.”

Gyɔɔn 8:26

N taa la yɛlɛ yaga na yeli kyaare ne yɛ ane yɛlɛ yaga naŋ naŋ na e ka yɛ le sɛrɛɛ poɔ. Kyɛ a soba na naŋ toŋ ma e la yelmeŋɛ soba, ka a yɛlɛ N naŋ woŋ yi O zie la ka N yele korɔ a teŋɛzu noba.”

Gyɔɔn 8:41

Yɛ sereŋ erɛ la yɛlɛ na a yɛ saa naŋ da maŋ erɛ.” Ka ba da yeli ko a Yeezu, “Te ba waa sɛnsɛmbiiri. Saa yeni yoŋ la ka te taa; Ona la a Naaŋmen meŋɛ.”

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.