Gyɔɔn 8:31 - Naaŋmen Nɔpaalaa Gane

³¹ Lɛ la ka Yeezu da yeli ko a Gyuumine na naŋ da sage de O yɛlɛ, “Ka yɛnee wa sage de a N yɛlɛ a ba leɛrɛ puori, yɛ sereŋ waa la N potuuribo.

Gyɔɔn 8:31 ပူးပေါင်းရင်းမြစ်များ

Matio Gane 24:13

Kyɛ soba na zaa naŋ na di kannyiri te ta a baaroo saŋ, na nyɛ la faabo.

Gyɔɔn 1:47

A Yeezu naŋ da wa nyɛ Nataneɛl ka o waana O zie la ka O da yeli, “Izerayɛl bie sereŋ la a ŋa, ka bonnoo zaa ba kye o zie!”

Gyɔɔn 2:2

Ba da boɔle la Yeezu ane O potuuribo meŋ a pɔgde tigri zie.

Gyɔɔn 6:55

Bonso, N eŋɛ waa la bondiraa meŋɛ, ka N zẽẽ waa bonnyuuraa meŋɛ.

Gyɔɔn 8:36

Azuiŋ, ka a Bidɔɔ wa e ka yɛ so yɛmenne, yɛ sereŋ na so la yɛmenne.

Toma 13:43

A lammo yɛlɛ naŋ da wa baare ka a noba yaare, a Gyuumine ane a puoruu nimizeɛ deme naŋ da kpɛ a Gyuumine puoruu da tu la a Pɔɔl ane Banabase puori ka ba yeli ko ba ka ba eŋ faŋ a taa a Naaŋmen garaaseɛ velaa.

Toma 14:22

A be, ba da yeli la yɛlɛ teɛ a potuuribo a ko ba faŋ paalaa ka ba na eŋ faŋ a kyɛnɛ a ba yeldeebo poɔ, a yele, “A ferɛɛ la ka te nyɛ dɔgroŋ yaga kyɛ pãã kpɛ a Naaŋmen naaloŋ poɔ.”

Toma 26:22

Naaŋmen la gu ma taa a wa ta a zenɛ bebiri, lɛnso ka N are a kyɛ a dire danseɛ bibiiri ane nembɛrɛ zie, a ba yele yelzaa ka anaŋ a Ŋmen-yelmanneba ane Moozul naŋ da yeli ka a na e la:

Urom 11:22

Yɛ pãã leɛ kaa a Naaŋmen nimimaaroŋ ane O nimitoloŋ yɛlɛ. Naaŋmen taa la nimitoloŋ kyaare ne a banaŋ naŋ e yelbieri, kyɛ leɛ O nimimaaroŋ kyaare yɛ, ka yɛnee naŋ wa kyɛnɛ be a O nimimaaroŋ poɔ; ka lɛ naane, O na kyɛ la yɛ meŋ ŋmaa bare.

Urom 2:7

banaŋ zaa naŋ taa kannyiri a tonɔ tonsonne a boɔrɔ puubu, gyeremɛ ane eŋɛ naŋ koŋ baŋ kpi, Naaŋmen na ko ba la nyɔvore naŋ ba taa baaroo;

KOLO 1:23

ka a naŋ wa e ka yɛ naŋ kyɛnɛ are la kpeɛŋaa kyɛ kpimare a yeldeebo, a ba wa tagra yire a teɛretɔroo na ba naŋ da eŋ noɔre ka yɛ woŋ yi a Ŋmen-yelnoore poɔ, a na ka ba da moɔle ko a bon-iri zaa naŋ be a teŋɛzu. Maa Pɔɔl wa leɛ la a Ŋmen-yelnoore ŋa tontonɔ.

1 Tim 2:15

Kyɛ a pɔge na nyɛ la faabo yi a biiri dɔgebo poɔ, ka ba naŋ wa kyɛnɛ be a yeldeebo ane nɔmmo ane sonnoŋ poɔ a kyɛ baŋ bamenne taabo.

1 Tim 4:16

Kaara fo meŋɛ ane a fo kannoo zu velaa; naŋ kyɛnɛ erɛ a yɛlɛ ama, bonso, ka fõõ wa erɛ a ŋaa, fo na faa la fo meŋɛ ane a banaŋ naŋ kyɛllɛ wono a fo yɛlɛ.

2 Tim 3:14

Kyɛ fõõ eŋ, naŋ kyɛnɛ taa kpeɛŋaa bonna fo naŋ da zanne kyɛ da sage de. Fo baŋ la neɛ na zie fo naŋ da zanne a.

Hiburu 3:14

Bonso, te leɛ la a Kirista tonton-taaba ka tenee wa nyɔge a te dɛndɛŋ yeldeebo taa kpeɛŋaa te ta a baaraa saŋ.

Hiburu 8:9

o koŋ waa ŋa a noɔre na N naŋ da eŋ ne a ba sããkommine, a daare na N naŋ da nyɔge ba nu, a de ba weɛ, a taa ba wa yi ne a Igyipiti teŋɛ poɔ; ba naŋ da ba la tuuro a N nɔ-eŋnaa zuiŋ, lɛnso ka a Daana da yeli, N ba la taa ba yɛlɛ.

Gyimisi 1:25

Kyɛ banaŋ naŋ maŋ kaa a Naaŋmen bege naŋ tori poɔ, a meŋɛ-soobo bege, a taa kannyiri o poɔ, a ba waa noba naŋ maŋ kyɛlle woŋ kyɛ leɛ inni, kyɛ ba maŋ kyɛlle woŋ la, a e a lɛ ba naŋ woŋ. A noba bama na nyɛ la maaloo a ba yel-erre zuiŋ.

1 Gyn 2:19

Ba da yi la te poɔ, kyɛ ba da ba e te noba, bonso, ka ba naŋ da e te noba, ba da na kyɛnɛ be la te poɔ. Kyɛ ba naŋ yi a te poɔ gaa wulee weliweli ka ba kanzaa ba waa te neɛ.

1 Gyn 2:24

Yɛ vɛŋ ka a yɛlɛ yɛ naŋ da woŋ a piiluu saŋ be yɛ sukyie poɔ. Ka a yɛlɛ yɛ naŋ da woŋ a piiluu saŋ wa be yɛ sukyie poɔ, lɛ la ka yɛ pãã na be a Bie ane a Saa poɔ.

2 Gyn 1:9

Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.