Gyɔɔn 8:19 - Naaŋmen Nɔpaalaa Gane

¹⁹ Lɛ la ka ba soore O, “Yeŋ ka a fo Saa be?” Ka a Yeezu da yeli sɔge ba, “Yɛ ba baŋ ma bee a N Saa. Ka yɛnee da baŋ ma, yɛ da na baŋ la a N Saa meŋ.”

Gyɔɔn 8:19 ပူးပေါင်းရင်းမြစ်များ

Matio Gane 11:25

A saŋ na, Yeezu da yelee la, “N Saa, sazu ane teŋɛ Daana, N puoro fo la bareka, ne fo naŋ sɔgle a yɛlɛ ama a yɛndeme ane bambaŋnema zie kyɛ iri a wuli bilɛɛre;

Gyɔɔn 1:10

O da be la a teŋɛzu. O zie la ka a tendaa tu a wa bebe kyɛ ka a tendaa noba da ba baŋ O.

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 15:21

Kyɛ ba na e yɛ la a ama zaa a N yuori zuiŋ, bonso, ba ba baŋ a soba na naŋ toŋ ma.

Gyɔɔn 16:3

Ba na e la a ŋaa ba naŋ ba baŋ a Saa bee maa zuiŋ.

Gyɔɔn 17:3

A nyɔvore naŋ ba taa baaroo la ŋa: ka ba baŋ fo yoŋ naŋ waa Naaŋmen meŋɛ ane a Yeezu Kirista fo naŋ toŋ.

Gyɔɔn 7:28

Lɛ la ka Yeezu da yeli ne kɔkɔkpeɛŋaa O naŋ da kanna a noba a Naaŋmen die poɔ, “Yɛ baŋ ma la ane zie N naŋ yi. N meŋɛ waabo naane ka N wa, kyɛ a neɛ na naŋ toŋ ma e la yelmeŋɛ soba, kyɛ ka yɛ ba baŋ O.

1 Kor 15:34

Yɛ leɛ taa teɛroŋ velaa kyɛ bare yelbebe eebo. Bonso, a noba mine ba baŋ Naaŋmen togitogi. N yele la a yeli ŋa ka ka vi kpɛ yɛ.

Galesiya 4:9

Kyɛ pampana, yɛ naŋ wa baŋ Naaŋmen kyɛ bee Naaŋmen naŋ wa baŋ yɛ, wola ka yɛ na la leɛ gaa a andonɛɛ se-foglo naŋ ba taa faŋ bee tɛgɛ zie? Wola ka yɛ na boɔrɔ ka yɛ la te leɛ a gbaŋgbaare?

EFESU 1:17

N puoro la ka a te Daana Yeezu Kirista Naaŋmen, a puubu Saa, ko yɛ yɛŋ ane yɛlɛ iri wuluu seɛ ka yɛ na toɔ̃ baŋ O.

KOLO 1:10

ka ka yɛ na taa yɛ nyɔvoɛ a seŋ lɛ a Daana naŋ boɔrɔ, ka a sereŋ pɛllɛ O poɔ, ka yɛ wɔnɔ wɔmɔ tonveɛle zaa poɔ kyɛ baara a Naaŋmen bammo poɔ.

KOLO 1:15

A Kirista la a Naaŋmen ba naŋ kontoɔ̃ nyɛ ne nimiri waaloŋ, a bidɛndɛŋ a bon-iri zaa poɔ.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.

1 Gyn 2:23

Neɛ na zaa naŋ zagre a Bie ba taa a Saa, ka neɛzaa naŋ sage de a Bie yɛlɛ meŋ taa a Saa.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

2 Gyn 1:9

Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.