Gyɔɔn 7:39 - Naaŋmen Nɔpaalaa Gane

³⁹ A ŋaa ka O da yeli kyaare ne a Vooroŋ Soŋ, Ona ka a yelderebɛ naŋ be O poɔ na nyɛ. Kyɛ a Vooroŋ Soŋ da naŋ ba wa sɛre, a Yeezu naŋ da naŋ ba nyɛ a O puubu zuiŋ.

Gyɔɔn 7:39 ပူးပေါင်းရင်းမြစ်များ

Matio Gane 16:14

Ka ba yeli, “Ba mine yeli ka Gyɔɔn Bati la, ka ba mine ka fo waa la Elaagya, ka ba mine meŋ naŋ yeli ka fo waa la Gyɛremaaya, bee a Ŋmen-yelmanneba na kaŋ.”

Matio Gane 21:11

Ka a nembeɛoŋ da yele, “Yeezu a Ŋmen-yelmanna naŋ yi Naazɛrɛ naŋ be a Galili paaloŋ poɔ la.”

Luka 24:49

Kyɛ yɛ nyɛ, N na e la ka bonna N Saa naŋ da eŋ noɔre ka O na tere la wa yɛ zie. Azuiŋ yɛ kpeɛrɛ a Gyɛruzɛlɛm poɔ a te ta saŋ na yɛ naŋ nyɛ a Vooroŋ Soŋ kpeɛ̃õ yi sazu.”

Luka 3:16

a Gyɔɔn da yeli sɔge la ba zaa, “N korɔ yɛ la suobu ne koɔ̃, kyɛ neɛ kaŋ naŋ taa kpeɛ̃õ gaŋ ma waana la; N gba ba seŋ ne O nɔɔteɛ mie loruu. O na ko yɛ la suobu ne a Vooroŋ Soŋ ane vũũ.

Luka 7:16

Dabeɛ̃ da kpɛ la a noba zaa, ka ba ire Naaŋmen yuori a yele, “Ŋmen-yelmanna kpoŋ yi la a te poɔ!” kyɛ ka “Naaŋmen kaa O noba ane nimibaaloŋ.”

Gyɔɔn 1:21

Ka ba da soore o, “Ka wola pãã la? Fõõ la a Elaagya be?” Ka o da yeli, “Maa naane.” “Fõõ la a Ŋmen-yelmanna be?” Ka o da yeli sɔge, “Ai.”

Gyɔɔn 1:25

Ba da soore la a Gyɔɔn, “Ka fõõ ba wa e a Mɛzaaya, a ba e Elaagya, a ba e a Ŋmen-yelmanna, ka boŋ pãã so ka fo terɛ suobu?”

Gyɔɔn 1:33

Maa meŋɛ da ba baŋ O, kyɛ a soba na naŋ da toŋ ma ka N wa ko noba suobu ne koɔ̃ la da yeli ko ma, ‘A soba na fo naŋ nyɛ ka a Vooroŋ Soŋ sigi wa be O zie, Ona la na korɔ noba suobu ne a Vooroŋ Soŋ.’

Gyɔɔn 12:16

A Yeezu potuuribo da naŋ ba baŋ a yeli ŋa tɛgɛ. Kyɛ O naŋ da wa leɛ-iri yi a kuuni poɔ a nyɛ puubu baare la ka ba pãã da leɛ-teɛre ka a lɛ ba naŋ da sɛge a gansoŋ poɔ kyaare ne O la da nyɛ eebo O zie.

Gyɔɔn 12:23

Ka a Yeezu da yeli sɔge ba, “A saŋ taɛ la ka a Nensaala Bie na nyɛ puubu.

Gyɔɔn 14:13

Bonna zaa yɛ naŋ na sɔre a N yuori eŋɛ, N na e ko yɛ la ka a Saa na nyɛ puubu a Bidɔɔ zie.

Gyɔɔn 14:26

Kyɛ a yɛ Soŋnɔ, a Vooroŋ Soŋ, Ona la ka a Saa na toŋ a yɛ zie N yuori eŋɛ. O na wa wuli yɛ la yelzaa kyɛ leɛ-teɛre yɛ a yɛlɛ na zaa N naŋ da yeli ko yɛ.

Gyɔɔn 16:14

O na puu ma la, bonso, bon naŋ e N soobo la ka O na de wuli yɛ.

Gyɔɔn 16:7

Kyɛ a yelmeŋɛ la ka N yele korɔ yɛ: A na e la velaa ko yɛ ka N gaa, bonso, ka maa ba gaa, a yɛ Soŋnɔ koŋ wa. Kyɛ ka maa wa gaa, N na toŋ O la ka O wa yɛ zie.

Gyɔɔn 17:1

A Yeezu naŋ da wa yeli a yelbie ama baare, O da gbole kaa la sazu kyɛ yeli, “N Saa, a saŋ taɛ la. Iri a fo Bidɔɔ yuori, ka a fo Bidɔɔ meŋ pãã iri a fo yuori.

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 20:22

O naŋ da wa yeli a ŋaa, O da voore eŋ ba la kyɛ yeli ko ba, “Yɛ de a Vooroŋ Soŋ.

Gyɔɔn 6:14

A noba naŋ da wa nyɛ a yelwulaa a Yeezu naŋ da e, ba da piili yele la, “A Ŋmen-yelmanna na naŋ waana a teŋɛzu sereŋ la a ŋa.”

Gyɔɔn 7:12

A noba yaga da zɔɔrɔ la yɛlɛ a O zuiŋ. A noba mine da yelee la, “O e la nemmeŋɛ,” ka ba mine meŋ yele, “Ai, O bɛllɛ la a noba.”

Gyɔɔn 8:54

Ka Yeezu da yeli sɔge: Ka maa korɔ N meŋɛ puubu, a N puubu koŋ taa tɛgɛ. A N Saa la korɔ ma puubu. Ona la ka yɛ yeli, ‘O waa la te Naaŋmen,’

Toma 19:2

O da soore ba la, “Yɛ de la a Vooroŋ Soŋ a saŋ na yɛ naŋ da sage de a Yeezu yɛlɛ?” Ka ba leɛ yeli, “Ai, te daŋ ba woŋ ka Vooroŋ Soŋ bebe la.”

Toma 2:17

‘Naaŋmen yelee la, a bebi-baare saŋ a yɛlɛ ama na e la, N na paale la a noba zaa ne N Vooroŋ, ka yɛ bidɔbɔ ane pɔgeyaare na yele Ŋmen-yelmanna yelyelii, ka yɛ pɔlbilii nyɛrɛ yelnyɛre, ka yɛ dɔɔnyaŋne zanna zannoo.

Toma 2:33

Naaŋmen pãã da zɛge O la ka O do zeŋ O nuduluŋ seŋ, kyɛ ka O da de a Vooroŋ Soŋ a Saa naŋ da eŋ noɔre ka O na tere la, ona la ka O paale ne te ka yɛ nyɛ a kyɛ woŋ.

Toma 2:38

Ka a Piita yeli ko ba, “Yɛ leɛ yɛ eebo, ka yɛ yeni yeni zaa de suobu a Yeezu Kirista yuori eŋɛ, a nyɛ yelbebe sudi, kyɛ yɛ na nyɛ la a Vooroŋ Soŋ kyɔɔtaa.

Toma 2:4

Ba zaa da paale ne la a Vooroŋ Soŋ a piili yele kɔkɔyobo a seŋ lɛ a Vooroŋ Soŋ naŋ ko ba faŋ ka ba yele.

Toma 3:13

A Aboraham Naaŋmen, a Aziki Naaŋmen ane a Gyekɔb Naaŋmen ane a te sããkommine Naaŋmen la e ka o tontonɔ Yeezu nyɛ puubu, Ona la ka yɛ da de tere, a gyɛ O bare a Pilato niŋesogɔ, aneazaa ka a Pilato da boɔrɔ la ka o bare O.

Toma 4:31

Ba naŋ da wa puori baare, a zie na ba naŋ da lantaa da gbigree la kyɛ ka ba da paale ne a Vooroŋ Soŋ a da moɔlɔ a Naaŋmen yelbiri ane ba faŋ zaa.

Urom 8:9

Kyɛ yɛnee ba be a nensaaloŋ poɔ, yɛ be la a Vooroŋ Soŋ poɔ, a Naaŋmen Vooroŋ naŋ be yɛ eŋɛŋ zuiŋ. Soba na zaa naŋ ba taa a Kirista Vooroŋ ba waa a Kirista neɛ.

Korinti 3:8

Wola ka a Vooroŋ Soŋ tonnoɔre koŋ wa ne veɛloŋ naŋ nyegrɛ yaga gaŋ a lɛ?

EFESU 4:30

Yɛ ta erɛ ka a Naaŋmen Vooroŋ Soŋ poɔ saana, Ona la a ŋmaaroŋ Naaŋmen naŋ eŋ yɛ a kyɛllɛ ne a faabo bebiri.