Gyɔɔn 7:37 - Naaŋmen Nɔpaalaa Gane

³⁷ A tigri bebi-baaraa daare naŋ e a tigri bebi-kpoŋ, a Yeezu da iri are la a be a yeli yɛlɛ ne kɔkɔkpeɛŋaa, “Yɛ vɛŋ ka neɛzaa kɔŋnyuuri naŋ kpɛ wa N zie,

Gyɔɔn 7:37 ပူးပေါင်းရင်းမြစ်များ

Matio Gane 11:28

“Yɛ wa N zie, yɛ banaŋ zaa naŋ tuo tuotegrɛ a bale, N na ko yɛ la pɛnnoo.

Matio Gane 3:3

A Gyɔɔn yɛlɛ la ka a Ŋmen-yelmanna Azaaya da daŋ yeli: “Neɛ kaŋ kɔkɔre ŋmeɛrɛ la kpɛlle a wɛgyɛŋ poɔ: ‘Nare a Daana sori, maale O sobie ka a tori.’ ”

Matio Gane 5:6

“Banaŋ yelmennoŋ kɔŋ ane kɔnnyuuri naŋ kpɛ nyɛ la maaloo, bonso, bana la na nyɛ ba bomboɔre zaa.

Gyɔɔn 1:23

Ka a Gyɔɔn da yeli: “Maa la a neɛ na kɔkɔre naŋ ŋmeɛrɛ kpɛlle a wɛgyɛŋ poɔ, ‘Maale a Daana sori ka o tori,’ ” aŋa a Ŋmen-yelmanna Azaaya naŋ da yeli lɛ.

Gyɔɔn 14:6

Ka a Yeezu da yeli ko o, “Maa la a sori, ane a yelmeŋɛ, ane a nyɔvore. Neɛzaa kontoɔ̃ wa a Saa zie, ka a soba ba tu N zie.

Gyɔɔn 4:10

Ka a Yeezu da yeli sɔge O, “Ka fõõ da baŋ a Naaŋmen kyɔɔtaa, ane neɛ na naŋ la yele korɔ fo, ‘Ko ma koɔ̃ ka N nyu,’ fo da na sɔre O la ka O da ko fo koɔ̃ naŋ terɛ nyɔvore.”

Gyɔɔn 4:11

Ka a pɔge da yeli ko O, “Daana, fo ba taa bon na ɔŋ ne a koɔ̃, kyɛ ka a bulee waa zuluŋ; yeŋ ka fo na nyɛ a kɔŋvore?

Gyɔɔn 4:14

Kyɛ banaŋ naŋ nyu a koɔ̃ N naŋ na ko ba, kɔŋnyuuri daŋ koŋ la kpɛ ba zaa. A koɔ̃ na N naŋ na tere, na leɛ la bulnimiri ba poɔŋ, ka a bullo yire a terɛ nyɔvore naŋ ba taa baaroo.”

Gyɔɔn 5:40

Kyɛ ka yɛ zagre ka yɛ wa N zie a wa nyɛ nyɔvore.

Gyɔɔn 6:35

Ka a Yeezu da yeli ko ba, “Maa la a nyɔvore bondiraa. Neɛ na zaa naŋ wa N zie, kɔŋ daŋ koŋ kpɛ o zaa, ka neɛ na zaa naŋ sage de N yɛlɛ, kɔŋnyuuri daŋ koŋ kpɛ o zaa.

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Gyɔɔn 6:55

Bonso, N eŋɛ waa la bondiraa meŋɛ, ka N zẽẽ waa bonnyuuraa meŋɛ.

Gyɔɔn 7:28

Lɛ la ka Yeezu da yeli ne kɔkɔkpeɛŋaa O naŋ da kanna a noba a Naaŋmen die poɔ, “Yɛ baŋ ma la ane zie N naŋ yi. N meŋɛ waabo naane ka N wa, kyɛ a neɛ na naŋ toŋ ma e la yelmeŋɛ soba, kyɛ ka yɛ ba baŋ O.

1 Kor 10:21

Yɛ kontoɔ̃ nyu a Daana ŋmanlee poɔ boma kyɛ la nyu a sefaare meŋ ŋmanlee poɔ boma. Yɛ kontoɔ̃ maŋ di a Daana bondirii a kyɛ la di a sefaare meŋ bondirii.

1 Kor 10:4

a nyu a Naaŋmen Vooroŋ kɔn-yenaa. Bonso, ba da nyu la koɔ̃ a yi a Naaŋmen piiri na naŋ da tuuro ba ka a piiri da la a Kirista.

1 Kor 11:25

A lɛ ne o zu ka O da de a ŋmanlee a bondirii diibu baaroo puoriŋ, a yele, “A ŋmanlee ŋa la a nɔpaalaa N naŋ biŋ ne a N zẽẽ. Yɛ maŋ e a ŋaa a leɛ-teɛrɛ N yɛlɛ saŋ na zaa yɛ naŋ maŋ wa nyu a.”

1 Kor 12:13

Bonso, a Vooroŋ yeni poɔ la ka ba da ko te zaa a suobu ka te waa eŋgan-yeni; Gyuumine bee Giriki noba, gbaŋgbaare bee noba naŋ so bamenne, a kyɛ e ka te zaa nyu a Vooroŋ yeni.

EFESU 5:18

Yɛ ta nyu dãã kuoli, bonso a lɛ e la faaloŋ; kyɛ yɛ paale ne a Vooroŋ Soŋ,

Yel-iriwulaa Gane 21:6

Lɛ la ka O da yeli ko ma, “A e baarɛɛ la! Maa la a Alefa ane a Omega, a piiluu ane a baaroo. A soba na kɔŋnyuuri naŋ kpɛ, N na ko o la kyɔɔtaa naŋ waa koɔ̃ naŋ yi a nyɔvore bulnimiri poɔ.

Yel-iriwulaa Gane 22:1

A maleke pãã da wuli ma la a nyɔvore baa koɔ̃ ka a koɔ̃ pɛle aŋa sakuurii a da zoro yire a Naaŋmen ane a Pilee nakogi zie,

Yel-iriwulaa Gane 22:17

A Vooroŋ Soŋ ane a pɔgpaalaa yelee la, “Wa.” Kyɛ vɛŋ ka neɛ na zaa naŋ kyɛlle woŋ meŋ yeli, “Wa.” Neɛ na zaa kɔŋnyuuri naŋ kpɛ, vɛŋ ka o wa. Neɛzaa naŋ boɔrɔ a nyɔvore koɔ̃, o wa de nyu weɛlɛ.