Gyɔɔn 7:36 - Naaŋmen Nɔpaalaa Gane

³⁶ A yɛlɛ ŋa O naŋ yele tɛgɛ la boŋ, ‘Yɛ na bɔ ma la kyɛ yɛ koŋ nyɛ ma’ kyɛ ‘zie na N naŋ be, yɛ koŋ baŋ wa be’?”

Gyɔɔn 7:36 ပူးပေါင်းရင်းမြစ်များ

Gyɔɔn 12:34

A nembeɛoŋ da yeli sɔge O la, “Te da woŋee la yi a Naaŋmen begɛ poɔ ka a Mɛzaaya na bebe la tegitegilɛ. Wola ka fo pãã yele ka a ferɛɛ la ka ba zɛge a Nensaala Bie ka o do saa? Nembuo la a Nensaala Bie ŋa?”

Gyɔɔn 13:33

N bibiiri, N koŋ la be yɛ zie ka a la kɔɔre yaga. Yɛ na bɔ ma la, kyɛ a ŋa N naŋ da yeli ko a Gyuumine lɛ, a lɛ ka N yele korɔ yɛ, ‘A zie N naŋ gɛrɛ, yɛ koŋ baŋ wa be.’

Gyɔɔn 3:4

Ka Nikodemu da soore O, “Wola ka ba na baŋ leɛ dɔge neɛ naŋ kore? Neɛ mɔɔ na baŋ leɛ kpɛ la o ma poɔ ka ba la dɔge o a boyi soba be?”

Gyɔɔn 3:9

Ka Nikodemu da soore O, “Wola ka a yɛlɛ ama na toɔ̃ e?”

Gyɔɔn 6:41

Lɛ la ka a Gyuumine da piili zɔɔrɔ yɛlɛ ne a Yeezu, bonso, O naŋ da yeli, “Maa la a bondiraa na naŋ yi tenvelaa wa.”

Gyɔɔn 6:52

A Gyuumine pãã da ŋmeɛrɛ la nɔkpeɛne ne taa a yele, “Wola ka a dɔɔ ŋa na baŋ de O eŋɛ ko te ka te di?”

Gyɔɔn 6:60

A Yeezu potuuribo yaga naŋ da woŋ a O yelbiri ŋa da yelee la, “A O kannoo ŋa waa la kpeɛŋaa; aŋ la na baŋ sage de a?”

Gyɔɔn 7:34

Yɛ na bɔ ma la kyɛ yɛ koŋ nyɛ ma; bonso, a zie N naŋ na be yɛ kontoɔ̃ wa be.”

Gyɔɔn 8:21

A Yeezu da la yeli ko ba la, “N gɛrɛ la, ka yɛ na bɔ ma, kyɛ yɛ na kpi la a yɛ yelbebe poɔ. Zie na N naŋ gɛrɛ yɛ kontoɔ̃ wa be.”

1 Kor 2:14

A banaŋ naŋ ba taa a Vooroŋ Soŋ, koŋ baŋ de a Naaŋmen Vooroŋ kyɔɔtaare, bonso, a waa la dambol-yɛlɛ ba zie, ka ba kontoɔ̃ baŋ a tɛgɛ, bonso, a Vooroŋ Soŋ yoŋ la na toɔ̃ e ka ba baŋ a tɛgɛ.