Gyɔɔn 7:33 - Naaŋmen Nɔpaalaa Gane

³³ Lɛ la ka a Yeezu da yeli, “N koŋ la be a yɛ zie ka a kɔɔre yaga kyɛ ka N leɛ gaa a soba na naŋ toŋ ma zie.

Gyɔɔn 7:33 ပူးပေါင်းရင်းမြစ်များ

Marko Gane 16:19

A Daana Yeezu naŋ da wa yeli a yɛlɛ ko ba baare, ba da de O la do ne tenvelaa ka O te zeŋ Naaŋmen nuduluŋ seŋ.

Gyɔɔn 13:1

A Ista tigri naŋ da wa tara, a Yeezu da baŋ ka a saŋ taɛ la ka O na yi a teŋɛzu kyɛ a leɛ gaa a Saa zie. O naŋ da nɔnɔ a O noba naŋ be a teŋɛzu, O da nɔŋ ba la te ta a baaraa.

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 13:33

N bibiiri, N koŋ la be yɛ zie ka a la kɔɔre yaga. Yɛ na bɔ ma la, kyɛ a ŋa N naŋ da yeli ko a Gyuumine lɛ, a lɛ ka N yele korɔ yɛ, ‘A zie N naŋ gɛrɛ, yɛ koŋ baŋ wa be.’

Gyɔɔn 14:12

Yelmeŋɛ zaa ka N yele korɔ yɛ, soba na zaa naŋ sage de N yɛlɛ, o meŋ na toŋ la a toma N naŋ tonɔ. A soba sereŋ na toŋ la tombɛrɛ yaga gaŋ a ama, bonso, N gɛrɛ la a Saa zie.

Gyɔɔn 14:19

A koŋ la kɔɔre yaga kyɛ ka a teŋɛzu deme koŋ la nyɛ ma, kyɛ yɛnee na nyɛ ma la, N naŋ voorɔ zuiŋ yɛ meŋ na voorɔ la.

Gyɔɔn 14:28

Yɛ woŋee la ka N da yeli ko yɛ, ‘N gɛrɛ la kyɛ na leɛ wa yɛ zie.’ Ka yɛnee da nɔŋ ma, yɛ da na kyellɛ la ne N naŋ gɛrɛ a Saa zie, bonso, a Saa taa la kpeɛ̃õ gaŋ ma.

Gyɔɔn 16:10

a kyaare ne yelmennoŋ, bonso, N leɛ gɛrɛ la a Saa zie, ka yɛ koŋ la nyɛ ma.

Gyɔɔn 16:28

A Saa zie la ka N da yi wa a teŋɛzu, kyɛ N la yire la a teŋɛzu a leɛ gɛrɛ a Saa zie.”

Gyɔɔn 16:5

Kyɛ pampana ŋa N leɛ gɛrɛ la a soba na naŋ toŋ ma zie, kyɛ ka yɛ kanzaa ba soore ma, ‘Yeŋ ka fo gɛrɛ?’

Gyɔɔn 17:11

Kyɛ pampana, N ba la be a teŋɛzu, kyɛ bana eŋ naŋ be la a teŋɛzu kyɛ ka N waana fo zie. N Saa Soŋ, gu ba a fo yuori fo naŋ ko ma zuiŋ, ka ka ba na waa yeni aŋa maa ne fo naŋ waa yeni lɛ.

Gyɔɔn 17:13

Kyɛ pampana N waana la fo zie. N yele la a yɛlɛ ama a teŋɛzu ka ka N kyelloo na paale ba zie.

Gyɔɔn 20:17

Ka a Yeezu da yeli ko o, “Ta nyɔge ma taa, bonso, N naŋ ba do a N Saa zie sɛre. Kyɛ gaa a N yɔɔmine zie, a te yeli ko ba, ‘N duoro la a N Saa ane a yɛ Saa, a N Naaŋmen ane a yɛ Naaŋmen zie.’ ”

Gyɔɔn 9:4

Zie naŋ naŋ waa veɛloŋ a ferɛɛ la ka te toŋ a soba na naŋ toŋ te toma. Zie sɔɔrɔ la ka neɛzaa koŋ la toɔ̃ toŋ toma.