Gyɔɔn 7:17 - Naaŋmen Nɔpaalaa Gane

¹⁷ Neɛ na zaa naŋ sereŋ boɔrɔ ka o erɛ Naaŋmen poboɔbo na baŋ ka a N kannoo yi la Naaŋmen zie bee ka N meŋɛ kannoo la.

Gyɔɔn 7:17 ပူးပေါင်းရင်းမြစ်များ

Matio Gane 6:22

“A nimiri la a eŋɛ fentelɛ. Azuiŋ, ka fo nimiri wa taa laafeɛ, a fo eŋɛ zaa na paale ne la veɛloŋ.

Luka 8:15

Kyɛ a bombie anaŋ naŋ le a tɛnnoɔ poɔ la a banaŋ naŋ maŋ woŋ a Naaŋmen yelbiri, a de eŋ ba sukyie poɔ, a wɔŋ wɔmɔ ba kannyiri zuiŋ.”

Gyɔɔn 3:21

Kyɛ banaŋ naŋ tuuro a yelmeŋɛ sori maŋ yire la a veɛloŋ poɔ, ka ba na nyɛ ka a sãã weliweli ka a ba yel-erre yi la Naaŋmen zie.”

Gyɔɔn 8:43

Boŋ la so ka yɛ ba baŋ a yɛlɛ N naŋ yele tɛgɛ? Yɛ naŋ kontoɔ̃ sage de N yɛlɛ la so.

Gyɔɔn 8:44

Yɛ yi la a yɛ saa a sebɛlbɛllɛ zie. A yɛ saa poboɔbo la ka yɛ boɔrɔ ka yɛ e. O da e la neŋkoorɔ a yi a piiluu saŋ zaa, a ba taa yelmeŋɛ, bonso, yelmeŋɛ zaa ba kye o zie. Ka o naŋ wa ŋmaara zirii, o maŋ yele kyaare ne la o meŋɛ waaloŋ, bonso, o e la zirŋmaara ane zirŋmaareba zaa saa.

Gyɔɔn 8:47

Soba na zaa naŋ yi Naaŋmen zie maŋ kyɛlle woŋ la a Naaŋmen yelbie. Yɛ naŋ ba yi Naaŋmen zie la so ka yɛ ba wono a yɛlɛ.”

Toma 17:11

A Gyuumine bama da e la noba naŋ kyele gaŋ a banaŋ naŋ be a Tɛsalonika poɔ, bonso, ba da maŋ de la a yɛlɛ ne ennoɔ kyɛ ka bebiri zaa ka ba da maŋ gyɛle a gansoŋ a na nyɛ ka a yɛlɛ ama waa la lɛɛ.