Gyɔɔn 7:15 - Naaŋmen Nɔpaalaa Gane

¹⁵ A Gyuumine nɔɛ da maaɛ la ka ba da soorɔ, “Wola ka a dɔɔ ŋa e baŋ yɛlɛ ŋaa, kyɛ ka neɛzaa daŋ ba wuli O?”

Gyɔɔn 7:15 ပူးပေါင်းရင်းမြစ်များ

Matio Gane 13:54

A Yeezu da leɛ wa la O meŋɛ teŋɛ poɔ a wa piili wullo a noba ba puoruuderi pooreŋ. A noba zaa nɔɛ da maaɛ la ka ba yele, “Yeŋ ka a dɔɔ ŋa nyɛ a yɛŋ ŋa tɔ, ane a toŋkpeɛne ama?

Matio Gane 22:22

Ba naŋ da wa woŋ a ŋaa ba nɔɛ da maaɛ la, ka ba bare O kyɛ te gɛrɛ.

Matio Gane 22:33

A nembeɛoŋ naŋ da woŋ a O wuluu, nɔmaa da kpɛ ba la yaga.

Luka 2:47

Banaŋ zaa naŋ da woŋ a O yɛlɛ nɔɛ da maaɛ la yaga ne O yelbammo ane lɛ O naŋ maŋ iri a ba soorebie nɔɛ.

Luka 4:22

A noba zaa da pore la O yosoŋ kyɛ ka ba nɔɛ zaa da maa ane a yelveɛle naŋ yi O noɔreŋ, ka ba yeli, “A Yuzɛb bidɔɔ mɔɔ naane a ŋa be?”

Gyɔɔn 1:19

Ŋaa la ka Gyɔɔn da di a danseɛ, a saŋ na a Gyuumine naŋ da toŋ a Naaŋmen bagmaalba ane a Levi boorɔ noba ka ba yi Gyɛruzɛlɛm a gaa te soore o, “Nembuo la fo?”

Gyɔɔn 7:11

A Gyuumine da yɔ boɔrɔ la a Yeezu a tigri zie, a soorɔ, “Yeŋ ka O be?”

Gyɔɔn 7:13

Kyɛ neɛzaa da ba sage yeli O yɛlɛ ka a yi, bonso, ba da zoro la a Gyuumine dabeɛ̃.

Gyɔɔn 7:46

Ka a polisiri da yeli sɔge, “Neɛzaa daŋ ba yeli yɛlɛ aŋa lɛ a dɔɔ ŋa naŋ yeli!”

Toma 26:24

O naŋ da naŋ tuuro a o noɔre yɛlɛ, a Fɛstu da tanne yelee la, “Pɔɔl, fo zu ba kyebe! A fo ganzan-yaga eɛɛ la ka fo zu gyɛre!”

Toma 4:13

Ba naŋ da wa nyɛ lɛ a Piita ane Gyɔɔn naŋ da yele a yɛlɛ a ba zoro dabeɛ̃ kyɛ ka ba da baŋ ka ba da ba e noba naŋ zanne gane, ba nɔɛ da maaɛ la. Kyɛ ba da baŋ ka ba da waa la a Yeezu potuuribo.