Gyɔɔn 6:30 - Naaŋmen Nɔpaalaa Gane

³⁰ Ka ba pãã da soore O, “Boŋ yelwulaa la ka fo na e ka te nyɛ, kyɛ pãã sage de fo yɛlɛ? Boŋ toma la ka fo tonɔ?

Gyɔɔn 6:30 ပူးပေါင်းရင်းမြစ်များ

Marko Gane 15:32

Vɛŋ ka a Mɛzaaya, a Izerayɛl Naa, wa sigi a dagaraa zu pampana ŋa, ka te nyɛ kyɛ pãã sage de a O yɛlɛ.” A banaŋ ba naŋ da laŋ ne a Yeezu kpa a dagarre zu meŋ da erɛ O la laara.

Marko Gane 8:11

A Faraziimine da wa la a Yeezu zie a wa piili ŋmeɛrɛ nɔkpeɛne ne O a yele, toŋ toŋkpeɛŋaa naŋ yi tenvelaa ka te nyɛ. Ba da boɔrɔ la ka ba e O nyɛ.

Gyɔɔn 10:38

Kyɛ ka maa wa tonɔ a N Saa toma, aneazaa ka yɛ ba sage de N yɛlɛ, kyɛ yɛ sage de a N tontonne, ka a lɛ vɛŋ ka yɛ woŋ kyɛ baŋ a tɛgɛ ka a Saa be la N poɔ ka N meŋ be a Saa poɔ.”

Gyɔɔn 12:37

Aneazaa ka Yeezu da e la yelwulii yaga ba niŋesogɔ, ba da ba sage de O yɛlɛ.

Gyɔɔn 2:18

Lɛ la ka a Gyuumine da soore a Yeezu, “Boŋ yelwulaa la ka fo na e a wuli te ka a seŋ ka fo e a ŋaa.”

Gyɔɔn 4:8

(A Yeezu potuuribo da gaa la a teŋkpoŋ poɔ ka ba te da bondirii.)

Gyɔɔn 6:14

A noba naŋ da wa nyɛ a yelwulaa a Yeezu naŋ da e, ba da piili yele la, “A Ŋmen-yelmanna na naŋ waana a teŋɛzu sereŋ la a ŋa.”

Gyɔɔn 6:2

Noba yaga da tuuro O la, ba naŋ da nyɛ a yelwulii O naŋ erɛ korɔ a baalba zuiŋ.

Gyɔɔn 6:36

Kyɛ N da yeli ko yɛ la ka yɛ da nyɛ ma la kyɛ da ba sage de N yɛlɛ.

Toma 4:30

kyɛ ka fo teɛ fo nu a saŋ na baaloŋ, a erɛ yelwulii ane toŋkpeɛne a fo tontonsoŋ Yeezu yuori eŋɛ.”

1 Kor 1:22

Bonso, a Gyuumine boɔrɔ la yelwulii, ka a Giriki noba boɔrɔ yɛmbaŋ yɛlɛ,

Hiburu 2:4

kyɛ ka Naaŋmen meŋ di a danseɛ ne yelwulii ane nɔmaa toma ane yelseɛlɛ tɛɛtɛɛ, ane a Vooroŋ Soŋ kyɔɔtaare O naŋ tere a seŋ O naŋ boɔrɔ lɛ.