Gyɔɔn 5:40 - Naaŋmen Nɔpaalaa Gane

⁴⁰ Kyɛ ka yɛ zagre ka yɛ wa N zie a wa nyɛ nyɔvore.

Gyɔɔn 5:40 ပူးပေါင်းရင်းမြစ်များ

Matio Gane 22:3

O da toŋ la o gbaŋgbaare ka ba te boɔle a banaŋ ba naŋ tomboɔle ka ba wa a pɔgebeɛle tigri. Kyɛ ka ba da zagre ka ba wa.

Matio Gane 23:37

“Gyɛruzɛlɛm, Gyɛruzɛlɛm, a teŋkpoŋ na naŋ maŋ ko a Ŋmen-yelmanneba, kyɛ za a noba na Naaŋmen naŋ toŋ fo zie ne kubo! Gbɛre bowola ka N da boɔrɔ ka N laŋ a fo biiri taa, aŋa nɔnyaaŋaa naŋ maŋ laŋ o bilii taa a uuni lɛ, kyɛ ka fo da ba sagra!

Gyɔɔn 1:11

O da wa la O meŋɛ noba zie, kyɛ ka a O meŋɛ noba da ba sage de O yɛlɛ.

Gyɔɔn 10:10

A nannyige maŋ wa la ka o zu, a ko, a kyɛ sãã yoŋ. Maa eŋ waɛ la ka ka noba na taa nyɔvore, a taa o ka o gore.”

Gyɔɔn 3:19

Kyɛ a sɛrɛɛ na poɔ noba naŋ na le la ŋa: veɛloŋ wa la a teŋɛzu, kyɛ ka noba nɔŋ ligruŋ gaŋ veɛloŋ, ba yel-erre naŋ da waa faa zuiŋ.

Gyɔɔn 5:39

“Yɛ maŋ sɔre la, a boɔrɔ yɛlɛ a gansoŋ poɔ, bonso, yɛ teɛre ka a poɔ la ka yɛ na nyɛ nyɔvore naŋ ba taa baaroo, kyɛ a gansoŋ ŋa poɔ yɛlɛ la di N danseɛ.

Gyɔɔn 5:41

N ba boɔrɔ puubu yi nensaalba zie.

Gyɔɔn 5:44

Wola ka yɛ na e de Naaŋmen yɛlɛ ka yɛnee sagra derɛ puubu naŋ yire yɛ nensaaltaaba zie, kyɛ ba boɔrɔ puubu naŋ yi a soba na yoŋ naŋ waa Naaŋmen?

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

Gyɔɔn 6:37

Bonna zaa N Saa naŋ ko ma na wa la N zie, ka soba na zaa naŋ wa N zie, N koŋ digi o bare,

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Urom 6:23

Bonso, yelbieri san-yɔɔ la kũũ, kyɛ Naaŋmen kyɔɔtaa naŋ e weɛlɛ la nyɔvore naŋ ba taa baaroo a Kirista Yeezu te Daana poɔ.

Yel-iriwulaa Gane 22:17

A Vooroŋ Soŋ ane a pɔgpaalaa yelee la, “Wa.” Kyɛ vɛŋ ka neɛ na zaa naŋ kyɛlle woŋ meŋ yeli, “Wa.” Neɛ na zaa kɔŋnyuuri naŋ kpɛ, vɛŋ ka o wa. Neɛzaa naŋ boɔrɔ a nyɔvore koɔ̃, o wa de nyu weɛlɛ.