Gyɔɔn 5:28 - Naaŋmen Nɔpaalaa Gane

²⁸ Yɛ ta vɛŋ ka yɛ nɔɛ maa ne a ŋaa, bonso, a saŋ waana la ka banaŋ zaa naŋ be ba yaare poore na woŋ a Naaŋmen Bie kɔkɔre

Gyɔɔn 5:28 ပူးပေါင်းရင်းမြစ်များ

Gyɔɔn 3:7

Ta vɛŋ ka fo noɔre maa ne N naŋ yeli ko fo, ‘A ferɛɛ la ka ba leɛ dɔge fo.’

Gyɔɔn 4:21

Ka Yeezu da yeli ko o, “Pɔge, sage de N yɛlɛ. A saŋ waana la ka yɛ koŋ la puoro a Saa a taŋ ŋa zu bee Gyɛruzɛlɛm poɔ.

Gyɔɔn 4:23

Kyɛ a saŋ tara la, a saŋ gba taɛ la, ka banaŋ naŋ puoro ne ba poore zaa na puori a Saa ne a vooroŋ ane yelmennoŋ. Bonso, a bama taaba la ka a Saa boɔrɔ ka ba puori O.

Gyɔɔn 5:20

A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa.

Gyɔɔn 5:25

“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore.

Toma 24:15

N taa la teɛretɔroo Naaŋmen zie; a teɛretɔroo na bamenne naŋ sage ka a nemmenne ane a nenfaare zaa na leɛ-iri la a kuuni poɔ.

Toma 3:12

A Piita naŋ da wa nyɛ lɛ, o da yeli ko la a noba, “Yɛnee Izerayɛl noba, bonso ka a yeli ŋa e yɛ nɔmaa, bee bonso ka yɛ yage nimie eŋ te lɛ, aŋa temenne kpeɛ̃õ bee te sonnoŋ la so ka te e ka a gbɛre ŋa iri kyɛnɛ?

1 Kor 15:22

aŋa lɛ a noba zaa naŋ kpi Adama zuiŋ, lɛ la ka a noba zaa meŋ na la voorɔ a Kirista zuiŋ.

Filipai Deme Gane 3:21

O na kyilli la a te bambaaloŋ enne ama ka a leɛ waa a O puubu eŋgane ne a kpeɛ̃õ na naŋ e ka boma zaa wa be O puliŋ.

Yel-iriwulaa Gane 20:12

N da nyɛ la a kuuni, a nembɛrɛ ane a bibiiri ka ba are a nakogi niŋesogɔ kyɛ ka ba da yuo gama. Ba da yuo la gane kaŋ meŋ, a nyɔvore gane a kyɛ da di a kuuni sɛrɛɛ a seŋ ba yel-erre ba naŋ da sɛge eŋ a gama poɔ lɛ.