Gyɔɔn 5:21 - Naaŋmen Nɔpaalaa Gane

²¹ Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore.

Gyɔɔn 5:21 ပူးပေါင်းရင်းမြစ်များ

Gyɔɔn 11:25

Ka a Yeezu da yeli ko o, “Maa la a kuuni poɔ leɛ-iruu ane a nyɔvore. Banaŋ naŋ sage de N yɛlɛ, ka ba naŋ kpi gba, ba na leɛ voorɔ la,

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 6:63

A vooroŋ la maŋ tere nyɔvore; a eŋgane ba taa tɛgɛ. A yelbie na N naŋ da yeli ko yɛ waa la vooroŋ ane nyɔvore.

Toma 26:8

Bonso, ka yɛ kanzaa kontoɔ̃ sage de ka Naaŋmen maŋ e la ka a kuuni leɛ-iri?”

Urom 8:11

Ka a soba na Vooroŋ naŋ da e ka a Yeezu leɛ-iri a kuuni poɔ wa be yɛ poɔ, a soba na naŋ da e ka a Kirista leɛ-iri a kuuni poɔ na tu la a O Vooroŋ Soŋ meŋ naŋ be yɛ zie a ko yɛ enne naŋ na baŋ kpi nyɔvore.

1 Kor 15:45

A lɛ la so ka ba da sɛge, “A nensaal-dɛndɛŋ, a Adama, da leɛ la nensaal-vore;” kyɛ ka a Adama parebaaraa leɛ vooroŋ naŋ terɛ nyɔvore.