Gyɔɔn 5:20 - Naaŋmen Nɔpaalaa Gane

²⁰ A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa.

Gyɔɔn 5:20 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Matio Gane 3:17

Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”

Matio Gane 4:8

A sebɛlbɛllɛ da laboreŋ taa O la te do ne taŋ wogiwogi kaŋ zu a te wuli O a tendaa paaloŋ naaloŋ zaa ane a veɛloŋ;

Luka 10:22

A N Saa de la a boma zaa ko ma. Neɛzaa ba baŋ neɛ na a Bidɔɔ naŋ waa, ka a Saa yoŋ naane. Neɛzaa meŋ ba baŋ neɛ na a Saa naŋ waa, ka a Bidɔɔ yoŋ naane ane banaŋ a Bidɔɔ naŋ boɔrɔ ka O de a Saa wuli ba.”

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 10:32

Ka a Yeezu da soore ba, “N toŋ la tonsonne yaga naŋ yi a Saa zie wuli yɛ. A toma ŋa buo soba eŋɛ la ka yɛ na za ma ne a kubo?”

Gyɔɔn 14:12

Yelmeŋɛ zaa ka N yele korɔ yɛ, soba na zaa naŋ sage de N yɛlɛ, o meŋ na toŋ la a toma N naŋ tonɔ. A soba sereŋ na toŋ la tombɛrɛ yaga gaŋ a ama, bonso, N gɛrɛ la a Saa zie.

Gyɔɔn 15:15

N ba la kyɛnɛ boɔlɔ yɛ tontonema, bonso, tontonɔ ba maŋ baŋ bon a o neŋkpoŋ naŋ erɛ. Kyɛ N boɔlɔ yɛ la N bamine bonso, N eɛɛ la ka yɛ baŋ yɛlɛ na zaa N naŋ da woŋ yi a N Saa zie.

Gyɔɔn 17:26

N eɛɛ la ka ba baŋ a fo yuori, kyɛ na e ka ba baŋ o. Lɛ la ka a nɔmmo fo naŋ nɔŋ ma na be ba poɔ, kyɛ ka N be ba poɔ.”

Gyɔɔn 3:35

A Saa nɔŋ la a Bidɔɔ, a de boma zaa eŋ O nuuriŋ.

Gyɔɔn 5:21

Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore.

Gyɔɔn 5:25

“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore.

Gyɔɔn 5:29

a wa yi ba yaare poore. Banaŋ naŋ da erɛ soŋ na iri voorɔ la, kyɛ ka banaŋ naŋ da erɛ faa na iri nyɛ dɔgroŋ.”

2 Pit 1:17

Bonso, O da nyɛ la emmo ane puubu yi a Saa Naaŋmen zie saŋ na a kɔkɔre na naŋ da yi a Naaŋmen Naaloŋ Veɛloŋ a yele, “A N Bidɔɔ la a ŋa, N Poyɛŋ Bie, N poɔ pɛle ne O la yaga.”