Gyɔɔn 5:19 - Naaŋmen Nɔpaalaa Gane

¹⁹ Ka Yeezu da yeli ko ba, “Serɛzaa ka N yele korɔ yɛ, a Bidɔɔ koŋ baŋ e yelzaa ne O meŋɛ faŋ, ka a naŋ ba e yeli na O naŋ nyɛ a Saa ka O erɛ yoŋ naane. Bonso, yeli na zaa a Saa naŋ erɛ, a lɛ ne a zu la ka a Bidɔɔ meŋ maŋ e.

Gyɔɔn 5:19 ပူးပေါင်းရင်းမြစ်များ

Matio Gane 26:39

A Yeezu naŋ da wa kyɛŋ tɔle nimitɔɔre belaa, O da le vɔgle la teŋɛ a puoro yele, “N Saa, ka a naŋ da na taa eebo, vɛŋ ka a zuŋmanekoɔ̃ ŋa wa pare ma bare, kyɛ anealɛzaa, ka a ta e seŋ lɛ maa naŋ boɔrɔ, kyɛ lɛ fõõ naŋ boɔrɔ.”

Luka 21:15

bonso, maa la na ko yɛ a yelbie ane a yɛŋ ka a yɛ dɔndɔnne kanzaa koŋ baŋ yeli lɔɔ yɛ.

Gyɔɔn 10:18

Neɛzaa kontoɔ̃ de a N nyɔvore, kyɛ maa meŋɛ la boɔrɔ a de o tere. N taa la kpeɛ̃õ ka N de o tere, kyɛ la taa a kpeɛ̃õ ka N la leɛ de o. N nyɛ la a noɔre ŋa yi a N Saa zie.”

Gyɔɔn 12:49

N meŋɛ yɛlɛ naane ka N yele, kyɛ a Saa naŋ toŋ ma meŋɛ la ko ma noɔre kyaare ne yɛlɛ N naŋ na yeli ane yɛlɛ anaŋ naŋ seŋ ka N manne.

Gyɔɔn 12:50

Kyɛ N baŋ ka a noɔre O naŋ ko ma terɛ la nyɔvore naŋ ba taa baaroo. Azuiŋ, a yɛlɛ N naŋ yele, a lɛ zomm N Saa naŋ ko ma la ka N yele.”

Gyɔɔn 14:10

Yɛ ba sage de ka N be la a Saa poɔ, ka a Saa meŋ be N poɔ be? A yelbie N naŋ yele korɔ yɛ ba e maa meŋɛ yɛlɛ ka N yele, kyɛ a Saa naŋ be a N poɔŋ la tonɔ O toma.

Gyɔɔn 2:19

Ka a Yeezu da yeli sɔge ba, “Yɛ ŋmore a Naaŋmen die ŋa, kyɛ beri ata poɔ N na e la ka o leɛ-iri are.”

Gyɔɔn 3:3

Ka a Yeezu da yeli sɔge o, “Serɛzaa ka N yele korɔ fo, neɛzaa koŋ baŋ kpɛ a Naaŋmen naaloŋ poɔ, ka ba naŋ ba la maaleŋ dɔge o soba.”

Gyɔɔn 5:21

Serɛzaa, aŋa a Saa naŋ maŋ seŋ a kuuni lɛ, a e ka ba leɛ voorɔ, a lɛ meŋ ka a Bidɔɔ meŋ maŋ ko banaŋ zaa O naŋ boɔrɔ, nyɔvore.

Gyɔɔn 6:38

bonso, N yi la tenvelaa wa ka N toŋ a soba na naŋ toŋ ma poboɔbo, kyɛ a ba e N meŋɛ poboɔbo.

Gyɔɔn 8:28

Lɛ la ka a Yeezu da yeli, “Ka yɛnee wa te zɛge a Nensaala Bie ka O do saa, lɛ la ka yɛ na baŋ ka maa la a soba na. Yɛ pãã na baŋ ka N meŋɛ yɛlɛ naane ka N da erɛ, kyɛ yɛlɛ na a Saa naŋ ko ma noɔre la ka N da yele.

Gyɔɔn 9:4

Zie naŋ naŋ waa veɛloŋ a ferɛɛ la ka te toŋ a soba na naŋ toŋ te toma. Zie sɔɔrɔ la ka neɛzaa koŋ la toɔ̃ toŋ toma.

Toma 2:24

Kyɛ Naaŋmen da faa O la, a e ka O leɛ-iri a kuuni poɔ, bonso, kũũ da ba taa faŋ a na toɔ̃ nyɔge O taa.

Urom 6:4

Azuiŋ, ba laŋ ũũ te la ne a Kirista, ba naŋ da so te a suobu a eŋ O kũũ poɔ, ka ka aŋa lɛ a Saa puubu naŋ da e ka a Kirista leɛ-iri a kũũ poɔ, lɛ meŋ la ka te pãã na kyɛnɛ nyɔvo-paalaa poɔ.

Urom 8:11

Ka a soba na Vooroŋ naŋ da e ka a Yeezu leɛ-iri a kuuni poɔ wa be yɛ poɔ, a soba na naŋ da e ka a Kirista leɛ-iri a kuuni poɔ na tu la a O Vooroŋ Soŋ meŋ naŋ be yɛ zie a ko yɛ enne naŋ na baŋ kpi nyɔvore.

1 Kor 15:12

Pampana ka banaŋ wa moɔle ka Naaŋmen eɛɛ la ka a Kirista da leɛ-iri a kuuni poɔ, wola la ka yɛ mine yeli ka a kuuni poɔ leɛ-iruu kyebe?

Korinti 4:14

bonso, te baŋ ka a soba na naŋ da e ka a Daana Yeezu leɛ-iri a kuuni poɔ meŋ na e la ka te laŋ ne a Yeezu leɛ-iri a kuuni poɔ, ka O taa te a laŋ ne yɛ a wa ne a O niŋesogɔ.

Korinti 5:10

Bonso, a ferɛɛ la ka te zaa are a Kirista sɛredi kogo niŋesogɔ ka O di te sɛrɛɛ ka te kanzaa nyɛ o san-yɔɔ, ka velaa bee ka faa la, a kyaare ne bon o naŋ e ne a o eŋɛ.

EFESU 2:5

Haali te naŋ da waa kuuni te saanaa zuiŋ kyɛ O da eɛɛ la ka te ne a Kirista leɛ laŋ voorɔ (a garaaseɛ zuiŋ yɛ nyɛ la faabo).

EFESU 3:16

N puoro la ka O tu a O Vooroŋ Soŋ zie a ko yɛ seere faŋ a seŋ O puubu bondaanoŋ naŋ seŋ lɛ,

Filipai Deme Gane 3:21

O na kyilli la a te bambaaloŋ enne ama ka a leɛ waa a O puubu eŋgane ne a kpeɛ̃õ na naŋ e ka boma zaa wa be O puliŋ.

Filipai Deme Gane 4:13

N na baŋ e la yelzaa a yi a soba na naŋ korɔ ma faŋ zie.

KOLO 1:11

Ka Naaŋmen e ka yɛ e kpeɛne kyɛ taa faŋ zaa naŋ yi O puubu kpeɛ̃õ poɔ, kyɛ nare yɛ ka yɛ dire kannyiri yelzaa poɔ ne popeɛloŋ,

KOLO 1:16

Bonso, O zie la ka Naaŋmen tu iri boma zaa, boma naŋ be sazu ane a tendaa zu, boma te naŋ nyɛrɛ ane boma te naŋ ba nyɛrɛ, ka nakogri la bee ka naaloŋ kpeɛ̃õ la, bee ka zukaareba bee ka kpeɛ̃õ deme la; Naaŋmen tu la O zie kyɛ iri a boma zaa a O zuiŋ.

I Tesa 4:14

Bonso, te naŋ sage de ka a Yeezu da kpie la kyɛ leɛ-iri yi a kũũ poɔ, a lɛ meŋ gba ka Naaŋmen na tu a Yeezu zie kyɛ de O ne a banaŋ naŋ da kpi wa ne.

1 Pit 3:18

Bonso, a Kirista meŋ da kpi la dayeni yoŋ a te yelbebe zuiŋ, nemmeŋɛ naŋ kpi ko nenfaare, ka ka O taa yɛ gaa ne Naaŋmen zie. Ba da ko O la eŋgane poɔ, kyɛ da e ka O voorɔ a seeloŋ poɔ.

Yel-iriwulaa Gane 2:23

N na ŋmɛ la a o biiri ko, ka a puoruu laŋne yie zaa baŋ ka maa la a soba na naŋ maŋ gyɛle nensaalba poteɛrɛ ane ba sukyie. Kyɛ N na ko la yɛ kanzaa bonna a o toma naŋ seŋ ne.