Gyɔɔn 5:17 - Naaŋmen Nɔpaalaa Gane

¹⁷ Kyɛ ka a Yeezu da leɛ yeli sɔge ba, “A N Saa naŋ kyɛnɛ tonɔ la toma, ka N meŋ naŋ tonɔ.”

Gyɔɔn 5:17 ပူးပေါင်းရင်းမြစ်များ

Matio Gane 10:29

Ba ba maŋ koɔre daviime ayi pɛsewa yenaa be? Kyɛ a kanzaa koŋ baŋ kpi ka a yɛ Saa ba baŋ ne a.

Gyɔɔn 10:36

wola ka yɛ na baŋ yeli ka a soba na a Saa naŋ maale ka O waa soŋ, ka O toŋ O a teŋɛzu, toorɔ la Naaŋmen zone. N naŋ da yeli, ‘N waa la Naaŋmen Bie zuiŋ’?

Gyɔɔn 14:10

Yɛ ba sage de ka N be la a Saa poɔ, ka a Saa meŋ be N poɔ be? A yelbie N naŋ yele korɔ yɛ ba e maa meŋɛ yɛlɛ ka N yele, kyɛ a Saa naŋ be a N poɔŋ la tonɔ O toma.

Gyɔɔn 5:16

A lɛ zuiŋ, a Gyuumine da piili korɔ la a Yeezu dɔgroŋ, O naŋ da erɛ a yɛlɛ ama taaba a pɛnnoo bebiri daare zuiŋ.

Gyɔɔn 5:18

A yeli ŋa zuiŋ, a Gyuumine da maaleŋ moɔ la nimiri a boɔrɔ ka ba ko O. Bonso, a pɛnnoo bebiri kyiiruŋ yoŋ naane ka O da saana, kyɛ O naŋ da boɔlɔ Naaŋmen O Saa, ka a lɛ na wuli ka O de la O meŋɛ ka O ne Naaŋmen seŋ taa.

Gyɔɔn 9:4

Zie naŋ naŋ waa veɛloŋ a ferɛɛ la ka te toŋ a soba na naŋ toŋ te toma. Zie sɔɔrɔ la ka neɛzaa koŋ la toɔ̃ toŋ toma.

Toma 14:17

Anealɛzaa, O da maŋ taa la dansediribe ka ba wullo a O tonveɛle; a korɔ yɛ saa ka yɛ boma maŋ maale, a maŋ ko yɛ bondirii kyɛ e ka yɛ taa popeɛloŋ.”

Toma 17:28

Bonso, ‘O poɔ la ka te be a voorɔ, a yoɔrɔ a kyɛ so temenne’; aŋa a yɛ sɛgsɛgrebɛ mine naŋ yeli: ‘Te meŋ waa la O biiri.’

1 Kor 12:6

ka yeltɛɛtɛɛ meŋ bebe, kyɛ a Naaŋmen ne O zu la erɛ a zaa a noba zaa zie.

KOLO 1:16

Bonso, O zie la ka Naaŋmen tu iri boma zaa, boma naŋ be sazu ane a tendaa zu, boma te naŋ nyɛrɛ ane boma te naŋ ba nyɛrɛ, ka nakogri la bee ka naaloŋ kpeɛ̃õ la, bee ka zukaareba bee ka kpeɛ̃õ deme la; Naaŋmen tu la O zie kyɛ iri a boma zaa a O zuiŋ.

I Tesa 2:13

Te meŋ maŋ puoro la Naaŋmen bareka tegitegilɛ a yeli ŋa zuiŋ, ka a saŋ yɛ naŋ da woŋ a Naaŋmen yelbiri yi te zie, yɛ da ba sage de ka a yelbiri waa la nensaala yelbiri, kyɛ yɛ da sage de o la ka o waa lɛ o naŋ sereŋ waa, a Naaŋmen yelbiri. A yelbiri ŋa meŋ la tonɔ toma yɛnee a yelderebɛ nyɔvoɛ poɔ.

Hiburu 1:3

Ona la a Naaŋmen veɛloŋ naŋ kyuoli sãã ane a Naaŋmen waaloŋ meŋɛ zaa tɔre, kyɛ nyɔge a boma zaa taa ka a are ne a O yelbiri kpeɛ̃õ. O naŋ da wa peere yelbebe zaa bare, O da zeŋ la a Naaloŋ Soba nuduluŋ seŋ a sazu poɔ.