Gyɔɔn 4:45 - Naaŋmen Nɔpaalaa Gane

⁴⁵ O naŋ da wa a Galili, a teŋɛ deme da tuori de O la, ba naŋ da nyɛ bonna zaa O naŋ da e a tigri zie a Gyɛruzɛlɛm poɔ, bonso, ba meŋ da gaa la a tigri zie.

Gyɔɔn 4:45 ပူးပေါင်းရင်းမြစ်များ

Luka 13:1

A saŋ na meŋɛ poɔ la ka noba mine naŋ da be a be da yeli ko a Yeezu lɛnɛɛ Pilato naŋ da ko a Galili noba mine naŋ da maala bagre ka ba zẽẽ ne a donne zẽẽ da pulli taa.

Luka 8:40

A Yeezu naŋ da leɛ ŋmaa a mane wa, a nembeɛoŋ da tuori de O la, bonso, ba zaa da kyɛllɛ O la.

Luka 9:53

Kyɛ a Samareya noba da ba sage de O, bonso, O niŋe da kyaare la Gyɛruzɛlɛm.

Gyɔɔn 2:23

A Yeezu naŋ da wa be a Gyɛruzɛlɛm poɔ a Ista tigri saŋ, noba yaga da sage de la O yɛlɛ, bonso, ba da nyɛ la a yelwulii O naŋ da erɛ.

Gyɔɔn 3:2

O da wa la Yeezu zie tensogɔ saŋ a wa yeli ko O, “Wulwullo, te baŋ ka fo waa la wulwullo naŋ yi Naaŋmen zie. Bonso, neɛzaa koŋ baŋ e a yelwulii ama fo naŋ erɛ ka Naaŋmen ba kye o soba zie.”

Gyɔɔn 4:54

A ŋa da la a yelwulaa ayi soba Yeezu naŋ da e, O naŋ da yi a Gyudiya leɛ gaa a Galili paaloŋ.