Gyɔɔn 4:23 - Naaŋmen Nɔpaalaa Gane

²³ Kyɛ a saŋ tara la, a saŋ gba taɛ la, ka banaŋ naŋ puoro ne ba poore zaa na puori a Saa ne a vooroŋ ane yelmennoŋ. Bonso, a bama taaba la ka a Saa boɔrɔ ka ba puori O.

Gyɔɔn 4:23 ပူးပေါင်းရင်းမြစ်များ

Gyɔɔn 1:17

A Naaŋmen nɔɛ sereŋ da tu la Moozul zie wa, ka garaaseɛ ane yelmennoŋ tu a Yeezu zie wa.

Gyɔɔn 12:23

Ka a Yeezu da yeli sɔge ba, “A saŋ taɛ la ka a Nensaala Bie na nyɛ puubu.

Gyɔɔn 16:2

Ba na digi yɛ la bare a puoruu deri poore. Serɛzaa, a saŋ waana la ka noba na ko yɛ kyɛ maŋ teɛre ka Naaŋmen la ka ba puoro.

Gyɔɔn 16:32

A saŋ waana la; o taɛ la gba, ka ba na ŋmɛ yɛ yaare bare ka kanzaa zo gaa o yiri kyɛ kyɛre N yoŋ. Kyɛ N ba waa N yoŋ, bonso, a Saa be la N zie.

Gyɔɔn 4:21

Ka Yeezu da yeli ko o, “Pɔge, sage de N yɛlɛ. A saŋ waana la ka yɛ koŋ la puoro a Saa a taŋ ŋa zu bee Gyɛruzɛlɛm poɔ.

Gyɔɔn 5:25

“Serɛzaa ka N yeli ko yɛ, a saŋ tara la; a saŋ gba taɛ la pampana ŋa, ka kuuni na woŋ a Naaŋmen Bie kɔkɔre. Kyɛ banaŋ naŋ na woŋ a kɔkɔre na taa la nyɔvore.

Gyɔɔn 5:28

Yɛ ta vɛŋ ka yɛ nɔɛ maa ne a ŋaa, bonso, a saŋ waana la ka banaŋ zaa naŋ be ba yaare poore na woŋ a Naaŋmen Bie kɔkɔre

Urom 1:9

Bonso, a Naaŋmen N naŋ tonɔ korɔ ne n poɔ zaa, a moɔlɔ a O Bidɔɔ yelnoore la n dansedire ka N daŋ ba inni ka N teɛre yɛ yɛlɛ wagre zaa n puoruu poɔ.

Urom 8:15

Bonso, ba ba ko yɛ gbaŋgbaaloŋ vooroŋ a na e ka yɛ leɛ zoro dabeɛ̃; kyɛ ba ko yɛ la vooroŋ naŋ e ka yɛ leɛ Naaŋmen biiri. Ka tenee wa koŋ boɔle, “N ba! N Saa!”

Urom 8:26

A lɛ ne o zu la ka a Vooroŋ Soŋ soŋnɔ te a te bambaaloŋ poɔ; bonso, te ba baŋ lɛ a naŋ seŋ ka te maŋ puori, kyɛ a Vooroŋ Soŋ ne O zu la maŋ puoro korɔ te ne hiinuu ka noɔre yelbie koŋ baŋ manne.

Galesiya 4:6

Kyɛ yɛ naŋ leɛ O bidɔgre zuiŋ, Naaŋmen toŋ la O Bidɔɔ Vooroŋ eŋ te sukyie pooreŋ ka O e ka te ŋmeɛrɛ kpɛlle, “N Saa! N Ba!”

EFESU 6:18

Yɛ puoruu zaa ane yɛ sɔroo zaa poɔ, yɛ puoro a Vooroŋ Soŋ poɔ tegitegilɛ. A ŋaa zuiŋ yɛ gu yɛmenne velaa, a kpimare puoro korɔ a nensonne tegitegilɛ.

Filipai Deme Gane 3:3

Bonso, tenee la a banaŋ dɛgre ba naŋ iri, ka te puoro Naaŋmen a O Vooroŋ poɔ, kyɛ erɛ pɔloo a Kirista Yeezu eŋɛ kyɛ ba dɛle a eŋgane;

1 Pit 2:9

Kyɛ yɛ waa la nemboorɔ ba naŋ kaa-iri, Naaŋmen bagmaale wederebɛ boorɔ, nemboore sonne, Naaŋmen meŋɛ noba, ka yɛ na moɔlɔ a soba na naŋ boɔle yɛ yi ne ligruŋ poɔ wa ne O veɛloŋ poɔ toŋkpeɛne korɔ noba.