Gyɔɔn 3:7 - Naaŋmen Nɔpaalaa Gane

⁷ Ta vɛŋ ka fo noɔre maa ne N naŋ yeli ko fo, ‘A ferɛɛ la ka ba leɛ dɔge fo.’

Gyɔɔn 3:7 ပူးပေါင်းရင်းမြစ်များ

Gyɔɔn 3:12

Ka maa yeli teŋɛzu yɛlɛ ko fo kyɛ ka fo ba sage de, ka maa pãã yeli tenvelaa yɛlɛ ko fo, wola ka fo pãã na e sage de?”

Gyɔɔn 3:3

Ka a Yeezu da yeli sɔge o, “Serɛzaa ka N yele korɔ fo, neɛzaa koŋ baŋ kpɛ a Naaŋmen naaloŋ poɔ, ka ba naŋ ba la maaleŋ dɔge o soba.”

Gyɔɔn 3:6

Bon eŋgane naŋ dɔge maŋ waa la eŋgane, ka bon Vooroŋ Soŋ meŋ naŋ dɔge maŋ waa vooroŋ.

Gyɔɔn 3:8

Saseɛ maŋ fuuro gɛrɛ la benee zaa o naŋ boɔrɔ, ka fo maŋ woŋ a o fuubu dɔɔne, kyɛ ba baŋ benee o naŋ yi, bee benee o naŋ gɛrɛ. Lɛ ka a maŋ waa ko neɛ na zaa a Vooroŋ Soŋ naŋ dɔge.”

Gyɔɔn 5:28

Yɛ ta vɛŋ ka yɛ nɔɛ maa ne a ŋaa, bonso, a saŋ waana la ka banaŋ zaa naŋ be ba yaare poore na woŋ a Naaŋmen Bie kɔkɔre

KOLO 1:12

a puoro a Saa bareka, Ona la e ka yɛ ne a nensonne laŋ gbandiruŋ a veɛloŋ poɔ.

Hiburu 12:14

Yɛ eŋ faŋ a boɔrɔ ka maaroŋ be yɛ ne noba zaa zie ane a sonnoŋ na neɛ naŋ ba taa o, kontoɔ̃ nyɛ a Daana.

1 Pit 1:22

Yɛ naŋ sage tu a yelmeŋɛ pampana, yɛ pɛge la a yɛ seere ka ka yɛ na taa nɔmmo naŋ sereŋ e meŋɛ. Yɛ nɔnɔ taa ne yɛ sukyie zaa.

Yel-iriwulaa Gane 21:27

Kyɛ bondɛgre zaa koŋ kpɛ o poɔ, ka neɛzaa naŋ erɛ yelfa-dɛgɛ bee a ŋmaara zirii meŋ koŋ kpɛ o poɔ. A banaŋ yoŋ yoe ba naŋ sɛge eŋ a Pilee nyɔvore gane poɔ la na kpɛ o poɔ.