Gyɔɔn 3:36 - Naaŋmen Nɔpaalaa Gane

³⁶ Soba na zaa naŋ sage de a Bidɔɔ yɛlɛ, taa la nyɔvore naŋ ba taa baaroo. Soba na zaa meŋ naŋ zagre a Bidɔɔ yɛlɛ koŋ nyɛ nyɔvore, kyɛ ka Naaŋmen supuriyaaraa dɔgle o zu.

Gyɔɔn 3:36 ပူးပေါင်းရင်းမြစ်များ

Matio Gane 25:46

A bama pãã na kpɛ la tuo naŋ babaara poɔ, kyɛ ka a nemmenne kpɛ nyɔvore naŋ ba taa baaroo poɔ.”

Marko Gane 16:16

Soba na zaa naŋ sage de a yelbiri, a de suobu na nyɛ la faabo. Kyɛ soba na zaa naŋ ba sage de a yelbiri na wɛ la.

Luka 2:30

bonso, a n nimie nyɛ la a fo faabo na,

Luka 3:6

kyɛ ka a andonɛɛ zaa nyɛ a Naaŋmen faabo.’ ”

Gyɔɔn 1:12

Kyɛ banaŋ zaa naŋ sage de O yɛlɛ, a sage de O yuori, O da ko ba la kpeɛ̃õ ka ba na leɛ Naaŋmen biiri,

Gyɔɔn 10:28

N ko a la nyɔvore naŋ ba taa baaroo, ka a daŋ koŋ kpi zaa. Neɛzaa koŋ baŋ faa a yi ne a N nuuri poɔ.

Gyɔɔn 3:3

Ka a Yeezu da yeli sɔge o, “Serɛzaa ka N yele korɔ fo, neɛzaa koŋ baŋ kpɛ a Naaŋmen naaloŋ poɔ, ka ba naŋ ba la maaleŋ dɔge o soba.”

Gyɔɔn 4:36

A weɛ bonkyeɛrɛ nyɛrɛ la o toma san-yɔɔ, a pãã wuoro tewɔmɔ laŋna taa a nyɔvore naŋ ba taa baaroo eŋɛ, ka a boreborɔ ane a weɛ bonkyeɛrɛ na lantaa kyellɛ.

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:58

A bondiraa na naŋ da yi a tenvelaa sigi wa la ŋa. O ba waa seŋ ŋa a bondiraa na a yɛ sããkommine naŋ da di a kyɛ naŋ kpi. Kyɛ soba na naŋ di a bondiraa ŋa na voorɔ la tegitegilɛ.”

Gyɔɔn 8:51

Yelmeŋɛ zaa ka N yele korɔ yɛ, soba na zaa naŋ tuuro a N yɛlɛ daŋ koŋ kpi.”

Toma 14:2

Kyɛ a Gyuumine banaŋ naŋ da ba sage de a Yeezu yɛlɛ da tɔ la a Nemboore-yobo eŋ, a sãã ba teɛroŋ ka ba zɔɔrɔ ne a yɔɔmine.

Urom 4:15

Bonso, a bege wa ne la supuriyaaraa, kyɛ benee a bege naŋ ba kye, a bege sããmo meŋ ba kyebe.

Urom 5:9

A gaŋ a zaa, pampana ŋa Naaŋmen naŋ e ka te leɛ nemmenne a Kirista zẽẽ zuiŋ, te pãã na tu la O zie a nyɛ faabo yi a Naaŋmen supuriyaaraa poɔ.

Urom 8:1

Ŋaa, saanaa zaa ba la kyebe a ko banaŋ naŋ be a Kirista Yeezu poɔ.

Galesiya 3:10

Kaa-emmo tuuro la banaŋ zaa naŋ dɛle a bege toma; bonso, ba sɛgɛɛ la, “Neɛ na zaa naŋ ba tuuro bee a sage de a yɛlɛ na zaa ba naŋ sɛge eŋ a bege gane poɔ waa la neɛ ba naŋ kaa-eŋ.”

EFESU 5:6

Yɛ ta vɛŋ ka neɛzaa bɛlle yɛ ne yelfoglo, bonso a yɛlɛ ama zuiŋ la ka Naaŋmen supuriyaaraa waana a banaŋ naŋ zagra O noɔre eŋɛ.

I Tesa 1:10

a na kyɛllɛ a O Bidɔɔ ka O yi tenvelaa wa. Ona la ka O da e ka O leɛ-iri yi a kũũ poɔ; Ona la a Yeezu naŋ faa te yi a supuriyaaraa naŋ waana poɔ.

I Tesa 5:9

Bonso, Naaŋmen ba nare te biŋ gu a O supuriyaaraa kyɛ O nare te la biŋ ka te na tu a te Daana Yeezu Kirista zie a nyɛ faabo,

Hiburu 10:29

Yɛ teɛre ka wola ka a dɔgroŋ na seŋ ka ba ko a banaŋ naŋ kaabanyɛ a Naaŋmen Bie, a sãã a nɔ-eŋnaa zẽẽ naŋ ko ba pɛgeyiibu kyɛ e ka a garaaseɛ Vooroŋ suuri iri?

Hiburu 2:3

wola ka te na baŋ e yi a poɔ ka tenee zagre a faabo kpoŋ ŋa bare? A Daana la da daŋ moɔle a faabo ŋa yɛlɛ, ka a banaŋ naŋ da woŋ a yeli ko te,

Hiburu 3:18

Ka ammine la ka O da pɔ a yeli ka ba koŋ kpɛ a O pɛnnoo poɔ, ka a tookoŋwoŋyɛlɛ deme naane?

Hiburu 3:19

Lɛnso, te nyɛɛ la ka ba da ba toɔ̃ kpɛ a pɛnnoo poɔ ba naŋ da ba taa yeldeebo zuiŋ.

Yel-iriwulaa Gane 21:8

Kyɛ a dabeɛ̃ deme eŋ, a banaŋ naŋ ba taa yeldeebo, a nendɛgɛ, a neŋkooreba, a banaŋ naŋ toŋ peɛ̃mo toma, a banaŋ naŋ erɛ sɔyɛlɛ, a banaŋ naŋ puoro tebɛ ane zirŋmaareba zaa zie la a baa naŋ dire vũũ ane gyirimuri, a kũũ boyi soba la a ŋa.”