Gyɔɔn 3:35 - Naaŋmen Nɔpaalaa Gane

³⁵ A Saa nɔŋ la a Bidɔɔ, a de boma zaa eŋ O nuuriŋ.

Gyɔɔn 3:35 ပူးပေါင်းရင်းမြစ်များ

Matio Gane 11:27

A N Saa de la a boma zaa ko ma. Neɛzaa ba baŋ a Bidɔɔ, ka a Saa yoŋ naane, ka neɛzaa meŋ ba baŋ a Saa ka a Bidɔɔ yoŋ naane, ane banaŋ yoŋ a Bidɔɔ naŋ boɔrɔ ka O wuli ba a Saa.”

Matio Gane 17:5

Piita naŋ da naŋ yele a yɛlɛ, a daadaalɛ la ka zunzug-pelaa deɛ wa pilli pɔge ba, kyɛ ka kɔkɔre yele yɛlɛ a zunzugri poɔ, “A N Bidɔɔ la a ŋa, N Poyɛŋ Bie; N poɔ pɛle ne O la; yɛ kyɛllɛ O yɛlɛ!”

Matio Gane 28:18

Ka a Yeezu wa yeli ko ba, “Ba ko Ma la kpeɛ̃õ zaa naŋ be sazu ane teŋɛ.

Matio Gane 3:17

Ka kɔkɔre kaŋ yi sazu a yeli, “N Bidɔɔ la aŋa, N Poyɛŋ Bie, N poɔ pɛle ne O la yaga.”

Luka 10:22

A N Saa de la a boma zaa ko ma. Neɛzaa ba baŋ neɛ na a Bidɔɔ naŋ waa, ka a Saa yoŋ naane. Neɛzaa meŋ ba baŋ neɛ na a Saa naŋ waa, ka a Bidɔɔ yoŋ naane ane banaŋ a Bidɔɔ naŋ boɔrɔ ka O de a Saa wuli ba.”

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 15:9

Aŋa lɛ a Saa naŋ nɔŋ ma, lɛ la ka N meŋ nɔŋ yɛ. Yɛ be a N nɔmmo poɔ.

Gyɔɔn 17:2

Fo ko O la kpeɛ̃õ nensaalba zaa zu, ka O ko banaŋ zaa fo naŋ ko O nyɔvore naŋ ba taa baaroo.

Gyɔɔn 17:23

N be la ba poɔ ka fo be N poɔ, ka ka ba na lantaa e yeni. Lɛ la ka a tendaa noba na baŋ ka fõõ la toŋ ma kyɛ nɔŋ ba aŋa fo naŋ nɔŋ ma lɛ.

Gyɔɔn 17:26

N eɛɛ la ka ba baŋ a fo yuori, kyɛ na e ka ba baŋ o. Lɛ la ka a nɔmmo fo naŋ nɔŋ ma na be ba poɔ, kyɛ ka N be ba poɔ.”

Gyɔɔn 5:20

A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa.

Gyɔɔn 5:22

A Saa ba dire neɛzaa sɛrɛɛ, kyɛ O de la sɛrɛɛdiibu zaa ko a Bidɔɔ,

1 Kor 15:27

Bonso, “Naaŋmen de la a boma zaa biŋ a Kirista gbɛɛ puliŋ.” Kyɛ ka a gansoŋ wa yeli, “A boma zaa be la O gbɛɛ puliŋ,” a e la weliweli ka a soba na naŋ de a boma zaa biŋ O gbɛɛ puliŋ ba poɔ.

EFESU 1:22

Kyɛ O de la boma zaa biŋ a O gbɛɛ puliŋ a e ka O leɛ a boma zaa zusoba a ko a puoruu laŋne.

Hiburu 1:2

Kyɛ a bebi-baare ŋa poɔ, O tu la O Bidɔɔ zie a yeli yɛlɛ ko te. Ona la ka O iri ka O e a boma zaa gbandire. O zie meŋ la ka O tu kyɛ iri a boma zaa.

1 Pit 3:22

Ona la gaa tenvelaa, a te be Naaŋmen nuduluŋ seŋ, a dire naaloŋ a malekere, a tenvelaa neŋkpeɛne ane faŋ deme zu.