Gyɔɔn 3:34 - Naaŋmen Nɔpaalaa Gane

³⁴ A soba na Naaŋmen naŋ toŋ, maŋ yelee Naaŋmen yelbie, bonso, Naaŋmen maŋ ko o la O Vooroŋ Soŋ ka a ba taa mannoo.

Gyɔɔn 3:34 ပူးပေါင်းရင်းမြစ်များ

Matio Gane 12:18

“A N tontonɔ N naŋ kaa-iri la ŋa, A N poyɛŋ neɛ, ona la ka N poɔ pɛle ne. N na de la N Vooroŋ Soŋ eŋ O, ka O na moɔle N sɛrɛɛdiibu naŋ tori ko a Nemboore-yobo.

Luka 4:18

“A Daana Vooroŋ sigi ma la, bonso, O sɔ ma la ne kããsoŋ ka N moɔle a Ŋmen-yelnoore ko a nembaalba. O toŋ ma la ka N moɔle a faabo yɛlɛ ko a gbaŋgbaare kyɛ vɛŋ ka zɔnne nimie yuo, a e ka noba ba naŋ dɔgrɔ so bamenne,

Gyɔɔn 1:16

A O Naaŋmennoŋ poɔ la ka te zaa nyɛ garaaseɛ dɔgle dɔgle taa.

Gyɔɔn 15:26

“Ka a Soŋnɔ, a yelmeŋɛ Vooroŋ N naŋ na toŋ ka O yi a Saa zie wa, na wa di la N danseɛ.

Gyɔɔn 16:7

Kyɛ a yelmeŋɛ la ka N yele korɔ yɛ: A na e la velaa ko yɛ ka N gaa, bonso, ka maa ba gaa, a yɛ Soŋnɔ koŋ wa. Kyɛ ka maa wa gaa, N na toŋ O la ka O wa yɛ zie.

Gyɔɔn 3:17

“Yelmeŋɛ zaa, Naaŋmen ba toŋ a O Bidɔɔ a teŋɛzu ka O wa di noba sɛrɛɛ. Kyɛ O waɛ la ka a tendaa noba na tu O zie nyɛ faabo.

Gyɔɔn 5:26

Aŋa a Saa naŋ e a nyɔvore zaa yiibu zie, lɛ la ka O e ka a O Bidɔɔ meŋ e a nyɔvore zaa yiibu zie.

Gyɔɔn 7:16

Lɛ la ka Yeezu da yeli sɔge ba, “A yɛlɛ N naŋ kanna ba waa N meŋɛ yɛlɛ, kyɛ a yi la a soba na naŋ toŋ ma zie.”

Gyɔɔn 8:40

Kyɛ pampana ŋa, yɛ moɔrɔ la ka yɛ ko ma, neɛ naŋ yeli a yelmeŋɛ O naŋ woŋ yi a Naaŋmen zie ko yɛ. Ŋaa naane ka Aboraham da e.

Gyɔɔn 8:47

Soba na zaa naŋ yi Naaŋmen zie maŋ kyɛlle woŋ la a Naaŋmen yelbie. Yɛ naŋ ba yi Naaŋmen zie la so ka yɛ ba wono a yɛlɛ.”

Toma 1:2

O naŋ da tu a Vooroŋ Soŋ zie a kyɛ ko a apostoliimine, a banaŋ o naŋ da kaa-iri na noɔre a te ta a daare na ba naŋ da de O do ne tenvelaa.

Toma 10:38

lɛnɛɛ Naaŋmen naŋ da paale a Yeezu, a Naazɛrɛ Bie, ne a Vooroŋ Soŋ ane kpeɛ̃õ; lɛnɛɛ o naŋ da yɔ tonɔ tonsonne kyɛ saŋna banaŋ zaa a sebɛlbɛllɛ naŋ da dɔgrɔ, bonso, Naaŋmen da be la O zie.

Urom 8:2

Bonso, a Vooroŋ Soŋ bege naŋ terɛ nyɔvore a Kirista Yeezu poɔ, faa yɛ la yi ne a yelbieri ane kũũ bege poɔ.

EFESU 3:8

Aneazaa ka N waa la a bile soba a nensonne zaa poɔ, ba ko ma la a garaaseɛ ŋa ka N taa a Kirista bondaanoŋ naŋ ba taa mannoo duoro wa ko a Nemboore-yobo,

KOLO 1:19

Bonso, a Kirista poɔŋ la ka a Naaŋmen waaloŋ zaa da nɔŋ ka O be.

KOLO 2:9

Bonso, O eŋɛŋ la ka a Naaŋmennoŋ zaa be a eŋgannoŋ poɔ,

Yel-iriwulaa Gane 21:6

Lɛ la ka O da yeli ko ma, “A e baarɛɛ la! Maa la a Alefa ane a Omega, a piiluu ane a baaroo. A soba na kɔŋnyuuri naŋ kpɛ, N na ko o la kyɔɔtaa naŋ waa koɔ̃ naŋ yi a nyɔvore bulnimiri poɔ.

Yel-iriwulaa Gane 22:1

A maleke pãã da wuli ma la a nyɔvore baa koɔ̃ ka a koɔ̃ pɛle aŋa sakuurii a da zoro yire a Naaŋmen ane a Pilee nakogi zie,