Gyɔɔn 3:32 - Naaŋmen Nɔpaalaa Gane

³² O di la danseɛ kyaare ne bon O naŋ nyɛ kyɛ woŋ, kyɛ neɛzaa ba sage de O danseɛ diibu.

Gyɔɔn 3:32 ပူးပေါင်းရင်းမြစ်များ

Matio Gane 7:8

Bonso, neɛzaa naŋ maŋ sɔre ba maŋ ko o la, neɛzaa meŋ naŋ maŋ bɔ o maŋ nyɛ la, ka a pane maŋ yuo ko neɛzaa meŋ naŋ kpaare.

Gyɔɔn 1:11

O da wa la O meŋɛ noba zie, kyɛ ka a O meŋɛ noba da ba sage de O yɛlɛ.

Gyɔɔn 15:15

N ba la kyɛnɛ boɔlɔ yɛ tontonema, bonso, tontonɔ ba maŋ baŋ bon a o neŋkpoŋ naŋ erɛ. Kyɛ N boɔlɔ yɛ la N bamine bonso, N eɛɛ la ka yɛ baŋ yɛlɛ na zaa N naŋ da woŋ yi a N Saa zie.

Gyɔɔn 18:37

Ka a Pilato da soore O, “Ka lɛ fo waa la naa wɛ?” Ka a Yeezu da leɛ yeli, “Fõõ la yeli ka N waa la naa. A ŋaa zuiŋ la ka ba dɔge ma, ka N wa di a yelmeŋɛ danseɛ ko a tendaa noba. Neɛzaa naŋ waa a yelmeŋɛ soba maŋ kyɛllɛ la a N noɔre yɛlɛ.”

Gyɔɔn 3:11

“Serɛzaa ka N yele korɔ fo, yeli na te naŋ baŋ la ka te yele, kyɛ dire bonna te naŋ nyɛ danseɛ, kyɛ ka yɛ ba maŋ sage de a te danseɛ.

Gyɔɔn 3:26

A Gyɔɔn potuuribo da wa la o zie a da wa yeli ko o, “Wulwullo, a neɛ na naŋ da wa fo zie a Gyɔɔdan baa gaŋne ka fo da yeli o yɛlɛ, korɔ la noba suobu, ka a noba zaa zoro gɛrɛ a o zie.”

Gyɔɔn 3:33

Soba na zaa naŋ sage de a O danseɛ, sage deɛ la ka, Naaŋmen waa la yelmeŋɛ soba.

Gyɔɔn 5:20

A Saa nɔŋ la a Bidɔɔ, a maŋ wuli O a anaŋ zaa Ona meŋɛ naŋ maŋ erɛ. A Saa na wuli la a Bidɔɔ yelbɛrɛ naŋ gaŋ ŋaa, ka a na e yɛ nɔmaa.

Gyɔɔn 8:26

N taa la yɛlɛ yaga na yeli kyaare ne yɛ ane yɛlɛ yaga naŋ naŋ na e ka yɛ le sɛrɛɛ poɔ. Kyɛ a soba na naŋ toŋ ma e la yelmeŋɛ soba, ka a yɛlɛ N naŋ woŋ yi O zie la ka N yele korɔ a teŋɛzu noba.”