Gyɔɔn 3:18 - Naaŋmen Nɔpaalaa Gane

¹⁸ Banaŋ naŋ sage de O yɛlɛ koŋ le sɛrɛɛ poɔ, kyɛ banaŋ naŋ ba sage de O yɛlɛ le la sɛrɛɛ poɔ baare, ba naŋ ba sage de a Naaŋmen Bi-yeni yuori zuiŋ.

Gyɔɔn 3:18 ပူးပေါင်းရင်းမြစ်များ

Marko Gane 16:16

Soba na zaa naŋ sage de a yelbiri, a de suobu na nyɛ la faabo. Kyɛ soba na zaa naŋ ba sage de a yelbiri na wɛ la.

Gyɔɔn 1:12

Kyɛ banaŋ zaa naŋ sage de O yɛlɛ, a sage de O yuori, O da ko ba la kpeɛ̃õ ka ba na leɛ Naaŋmen biiri,

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 20:31

Kyɛ ba sɛge la a ama ka ka yɛ na sage de ka Yeezu la a Mɛzaaya, a Naaŋmen Bie. A yɛ sagedeebo zie la ka yɛ na tu a nyɛ nyɔvore a O yuori eŋɛ.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:36

Soba na zaa naŋ sage de a Bidɔɔ yɛlɛ, taa la nyɔvore naŋ ba taa baaroo. Soba na zaa meŋ naŋ zagre a Bidɔɔ yɛlɛ koŋ nyɛ nyɔvore, kyɛ ka Naaŋmen supuriyaaraa dɔgle o zu.

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Gyɔɔn 6:47

Yelmeŋɛ zaa ka N yele korɔ yɛ, neɛ na zaa naŋ wa sage de N yɛlɛ nyɛ la nyɔvore naŋ ba taa baaraa.

Urom 5:1

Azuiŋ, te naŋ leɛ nensonne a te yeldeebo zuiŋ, te taa la emmaaroŋ ne Naaŋmen a yi te Daana Yeezu Kirista eŋɛ.

Urom 8:1

Ŋaa, saanaa zaa ba la kyebe a ko banaŋ naŋ be a Kirista Yeezu poɔ.

Urom 8:34

Nembuo la na tere saanaa? A Kirista Yeezu la, Ona la da kpi, õõ, Ona la ka ba da e ka O leɛ-iri a kuuni poɔ, a be a Naaŋmen nuduluŋ seŋ, a sereŋ puoro sɔrɔ korɔ te.

Hiburu 12:25

Yɛ kaara velaa a ta wa zagre a soba na naŋ yele a yɛlɛ. Bonso, ka ba naŋ da ba yi a poɔ ba naŋ da zagre a soba na naŋ kpãã ba a teŋɛzu, wola ka te na e toɔ̃ yi a poɔ ka tenee wa zagre a soba na naŋ kpaana te yi a tenvelaa poɔ.

Hiburu 2:3

wola ka te na baŋ e yi a poɔ ka tenee zagre a faabo kpoŋ ŋa bare? A Daana la da daŋ moɔle a faabo ŋa yɛlɛ, ka a banaŋ naŋ da woŋ a yeli ko te,

Hiburu 3:19

Lɛnso, te nyɛɛ la ka ba da ba toɔ̃ kpɛ a pɛnnoo poɔ ba naŋ da ba taa yeldeebo zuiŋ.

1 Gyn 3:23

Kyɛ a O noɔre la ŋa, ka te sage de a O Bie Yeezu Kirista yuori kyɛ nɔnɔ taa aŋa lɛ O naŋ da eŋ noɔre ko te.

1 Gyn 4:9

Ŋaa la ka a Naaŋmen nɔmmo da sãã te poɔ, Naaŋmen da toŋ la O Bidɔɔ yeni ka O wa a teŋɛzu, ka ka te na tu O zie a nyɛ nyɔvore.

1 Gyn 5:10

Banaŋ naŋ sage de a Naaŋmen Bie maŋ taa la a danseɛ ŋa ba sukyie poɔ. Banaŋ naŋ ba sage de Naaŋmen eɛɛ la ka O e zirŋmaara ne ba naŋ ba sage de a danseɛ O naŋ di kyaare ne a O Bie.

1 Gyn 5:12

Soba na zaa naŋ taa a Bie taa la nyɔvore, ka soba na zaa naŋ ba taa a Naaŋmen Bie meŋ ba taa nyɔvore.