Gyɔɔn 3:15 - Naaŋmen Nɔpaalaa Gane

¹⁵ Ka neɛ na zaa naŋ na sage de O yɛlɛ na nyɛ nyɔvore naŋ ba taa baaroo.

Gyɔɔn 3:15 ပူးပေါင်းရင်းမြစ်များ

Matio Gane 18:10

“Yɛ gu yɛ menne velaa a ta wa gyegre a bibiiri bama kanzaa. N yele korɔ yɛ la, a bibiiri malekere maŋ nyɛrɛ la a N Saa naŋ be tenvelaa poɔ niŋe tegitegilɛ.

Matio Gane 25:46

A bama pãã na kpɛ la tuo naŋ babaara poɔ, kyɛ ka a nemmenne kpɛ nyɔvore naŋ ba taa baaroo poɔ.”

Marko Gane 16:16

Soba na zaa naŋ sage de a yelbiri, a de suobu na nyɛ la faabo. Kyɛ soba na zaa naŋ ba sage de a yelbiri na wɛ la.

Luka 19:10

Bonso, a Nensaala Bie waɛ la ka O bɔ kyɛ faa banaŋ naŋ bɔre.”

Gyɔɔn 1:12

Kyɛ banaŋ zaa naŋ sage de O yɛlɛ, a sage de O yuori, O da ko ba la kpeɛ̃õ ka ba na leɛ Naaŋmen biiri,

Gyɔɔn 16:33

N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Gyɔɔn 20:31

Kyɛ ba sɛge la a ama ka ka yɛ na sage de ka Yeezu la a Mɛzaaya, a Naaŋmen Bie. A yɛ sagedeebo zie la ka yɛ na tu a nyɛ nyɔvore a O yuori eŋɛ.

Gyɔɔn 3:16

“Naaŋmen naŋ nɔŋ a tendaa noba yaga la so ka O de O Bidɔɔ yeni tere, ka ka neɛ na zaa naŋ na sage de O yɛlɛ na ta wɛ, kyɛ nyɛ nyɔvore naŋ ba taa baaroo.”

Gyɔɔn 3:36

Soba na zaa naŋ sage de a Bidɔɔ yɛlɛ, taa la nyɔvore naŋ ba taa baaroo. Soba na zaa meŋ naŋ zagre a Bidɔɔ yɛlɛ koŋ nyɛ nyɔvore, kyɛ ka Naaŋmen supuriyaaraa dɔgle o zu.

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:27

Yɛ ta tonɔ boɔrɔ bondirii naŋ na maŋ wɛ, kyɛ yɛ boɔrɔ anaŋ naŋ na terɛ nyɔvore naŋ ba taa baaroo. Ana la ka a Nensaala Bie na ko yɛ, bonso, Ona la ka a Saa Naaŋmen tere kpeɛ̃õ.”

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Gyɔɔn 6:47

Yelmeŋɛ zaa ka N yele korɔ yɛ, neɛ na zaa naŋ wa sage de N yɛlɛ nyɛ la nyɔvore naŋ ba taa baaraa.

Toma 13:41

‘Nyɛ, yɛnee nen-elaareba ŋa! Ka nɔmaa kpɛ yɛ kyɛ ka yɛ wɛ, bonso, N tonɔ la toma a yɛ bebie ama poɔ, toma na yɛ naŋ daŋ koŋ sage de, haali gba ka neɛ kaŋ wa yeli ko yɛ.’ ”

Toma 8:36

Ba naŋ da naŋ be a sobiriŋ gɛrɛ, ba da wa ta la koɔ̃ mine; ka a dɔɔ-varaa yeli, “Nyɛ, koɔ̃ la be kyɛ! Boŋ la na pigi n suobu deebo?”

Urom 5:21

ka aŋa lɛ yelbieri naŋ dire naaloŋ kũũ zu, a lɛ ka garaaseɛ meŋ na di naaloŋ mennoŋ zu, a waana ne nyɔvore naŋ ba taa baaraa a yi a Yeezu Kirista, te Daana zie.

1 Kor 1:18

A Kirista dagaraa zu kũũ duoro waa la damboluŋ a ko banaŋ naŋ weɛrɛ, kyɛ waa a Naaŋmen kpeɛ̃õ ko a te banaŋ naŋ nyɛ faabo.

Korinti 4:3

Haali ka a Ŋmen-yelnoore te naŋ moɔlɔ wa sɔgle, a banaŋ naŋ weɛrɛ zie la ka o sɔgle.

Galesiya 2:16

kyɛ te baŋ ka neɛ ba maŋ leɛ nemmeŋɛ a yi a bege toma eŋɛ kyɛ neɛ maŋ leɛ la nemmeŋɛ a yi yeldeebo o soba naŋ taa a Yeezu Kirista eŋɛ. Kyɛ tenee sage de la a Yeezu Kirista, ka lɛ e ka te leɛ nemmenne a yi te yeldeebo naŋ be a Kirista eŋɛ, ka a ba e te naŋ tonɔ a bege toma zuiŋ, bonso neɛzaa kyebe a na leɛ nemmeŋɛ a yi a bege toma eŋɛ.

Galesiya 2:20

ka maa meŋɛ naane la voorɔ, kyɛ a Kirista naŋ be n eŋɛŋ la voorɔ. Kyɛ a nyɔvore N naŋ taa pampana a eŋgane poɔ, N taa o la a yeldeebo n naŋ taa a Naaŋmen Bie eŋɛ, Ona la da nɔŋ ma a de O meŋɛ tere N zuiŋ.

Hiburu 10:39

Kyɛ te ba poɔ a banaŋ naŋ leɛ puori a bɔre poɔ, kyɛ te poɔ la a banaŋ naŋ taa yeldeebo ka a lɛ e ka ba nyɛ faabo poɔ.

Hiburu 7:25

A lɛ zuiŋ O na toɔ̃ faa la banaŋ naŋ tu O zie a wa Naaŋmen zie vuo zaa poɔ, O naŋ voorɔ tegitegilɛ kyɛ puoro korɔ ba zuiŋ.

1 Gyn 2:25

A bon ŋa la ka a Kirista da eŋ noɔre ka o na ko te la: nyɔvore naŋ ba taa baaraa.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.