Gyɔɔn 3:13 - Naaŋmen Nɔpaalaa Gane

¹³ Neɛzaa daŋ ba do tenvelaa, ka a soba na naŋ yi a tenvelaa sigi wa yoŋ naane. Ona la a Nensaala Bie.

Gyɔɔn 3:13 ပူးပေါင်းရင်းမြစ်များ

Matio Gane 28:20

a wullo ba ka ba tuuro a yɛlɛ na zaa N naŋ ko yɛ noɔre. Kyɛ yɛ baŋ ne a, N be la yɛ zie tegitegilɛ, a na te ta a teŋɛ baaroo saŋ.”

Matio Gane 8:20

Ka a Yeezu leɛ yeli ko o, “Wɛbaare taa la bogri kpeɛrɛ, ka sazu nuuli meŋ taa kyogri gana, kyɛ a Nensaala Bie ba taa zie na kɔgle O zu.”

Gyɔɔn 1:18

Neɛzaa daŋ ba nyɛ Naaŋmen. A Naaŋmen Bi-yeni yoŋ naŋ peɛle a Saa, Ona la e ka noba baŋ a Naaŋmen.

Gyɔɔn 13:3

Yeezu naŋ da baŋ ka a Saa de la yelzaa eŋ O nuuriŋ, kyɛ la baŋ ka O yi la Naaŋmen zie wa kyɛ leɛ gɛrɛ Naaŋmen zie,

Gyɔɔn 17:5

Pampana ŋa, N Saa, pãã iri N yuori a fo meŋɛ niŋesogɔ ne a yuori na N naŋ da taa fo zie kyɛ ka a tendaa wa bebe.”

Gyɔɔn 3:12

Ka maa yeli teŋɛzu yɛlɛ ko fo kyɛ ka fo ba sage de, ka maa pãã yeli tenvelaa yɛlɛ ko fo, wola ka fo pãã na e sage de?”

Gyɔɔn 3:31

A soba na naŋ yi sazu wa, gaŋ la neɛzaa. Soba na meŋ naŋ yi a teŋɛzu e la a teŋɛzu neɛ, a maŋ yele teŋɛzu yɛlɛ. A soba na naŋ yi tenvelaa wa gaŋ la neɛzaa.

Gyɔɔn 6:33

Bonso, a Naaŋmen bondirii la anaŋ naŋ yi tenvelaa, a maŋ korɔ a andonɛɛ nyɔvore.

Gyɔɔn 6:38

bonso, N yi la tenvelaa wa ka N toŋ a soba na naŋ toŋ ma poboɔbo, kyɛ a ba e N meŋɛ poboɔbo.

Gyɔɔn 6:42

A Gyuumine da yelee la, “A Yuzɛb bidɔɔ Yeezu mɔɔ naane a ŋa be? Te baŋ la O saa ne O ma. Wola ka O na baŋ yeli, ‘N yi la tenvelaa sigi wa’?”

Gyɔɔn 6:46

A ba e ŋa neɛzaa la nyɛ a Saa, ka a soba na naŋ yi Naaŋmen zie wa yoŋ naane, ona la nyɛ a Saa.

Gyɔɔn 6:51

Maa la a nyɔvore bondiraa naŋ yi tenvelaa sigi wa. Neɛ na zaa naŋ di a bondiraa ŋa, na voorɔ la tegitegilɛ. Kyɛ a bondiraa na N naŋ na tere, ka o ko a teŋɛzu deme nyɔvore la a N meŋɛ eŋɛ.”

Gyɔɔn 6:62

Ka yɛnee pãã da nyɛ a Nensaala Bie ka O leɛ duoro a be O naŋ da be, wola ka yɛ na yeli?

Gyɔɔn 8:42

Ka a Yeezu da yeli ko ba, “Ka Naaŋmen da waa yɛ Saa, yɛ da na nɔŋ ma la, bonso, Naaŋmen zie la ka N yi, kyɛ pampana, maa la be kyɛ. N ba wa N meŋɛ waabo, kyɛ Ona la toŋ ma.

Toma 2:34

A Davil da ba do tenvelaa, kyɛ o meŋɛ la da yeli: ‘A Daana Naaŋmen da yeli ko la a n Daana “Zeŋ a n nuduluŋ seŋ,

Toma 20:28

Yɛ kaara yɛmenne zie ane a peere zaa a Vooroŋ Soŋ naŋ e ka yɛ kaara a zu, yɛ kaara a Naaŋmen puoruu laŋne deme velaa. Bana la ka O faa ne O meŋɛ Bidɔɔ zẽẽ.

Urom 10:6

Kyɛ a mennoŋ na naŋ yi yeldeebo poɔ yelee la, “Ta yeli fo sukyiri poɔ, ‘Aŋ la na do tenvelaa poɔ?’ ” (a te taa a Kirista sigi wa ne).

1 Kor 15:47

A nensaal-dɛndɛŋ da yi la tɛne poɔ, a waa tɛne, ka a bayi soba yi tenvelaa.

EFESU 1:23

A puoruu laŋne la a Kirista eŋɛ. Ona la maŋ paale a puoruu laŋne ka o e gbuli kyɛ maŋ paale yelzaa ne O meŋɛ.