Gyɔɔn 21:18 - Naaŋmen Nɔpaalaa Gane

¹⁸ Yelmeŋɛ zaa ka N yele korɔ fo, fo naŋ da e pɔlbile, fo da maŋ leŋ la fo meŋɛ kpagre, a yɔ gaa zie na zaa fo naŋ boɔrɔ. Kyɛ ka fõõ wa kore, fo na maŋ teɛ la fo nuuri ka neɛ kaŋ leŋ a fo seɛ ne kpagre, a taa fo gaa ne zie na fo naŋ ba boɔrɔ ka fo gaa.

Gyɔɔn 21:18 ပူးပေါင်းရင်းမြစ်များ

Luka 12:37

A gbaŋgbaare banaŋ ba daana naŋ wa nyɛ ba ka ba ba gbiri nyɛ la maaloo. Yelmeŋɛ ka N yele korɔ yɛ, o na nare la o meŋɛ, a e ka ba zeŋ ka o ko ba bondirii.

Gyɔɔn 13:36

A Saamon Piita da yeli ko la a Yeezu, “Daana, yeŋ la ka fo gɛrɛ?” Ka a Yeezu da yeli sɔge, “A zie N naŋ gɛrɛ fo kontoɔ̃ tu ma gaa a be pampana ŋa, kyɛ fo na tu ma la a puoriŋ.”

Gyɔɔn 21:17

A Yeezu da la soore o la a gbɛre bota soba, “Saamon, Gyɔɔn bidɔɔ, fo nɔŋ ma laa?” A Piita da taa la posaanaa ne a Yeezu naŋ da soore o a gbɛre bota soba, “Fo nɔŋ ma laa?” Ka o da yeli ko O, “Daana, fo baŋ la bonzaa. Fo baŋ ka N nɔŋ fo la.” Ka a Yeezu da yeli ko o, “Guolo a N peere.”

Gyɔɔn 21:19

(O da yeli la a ŋaa a na wuli kũũ na tɔ a Piita naŋ na kpi a iri Naaŋmen yuori.) A Yeezu naŋ da wa yeli a ŋaa baare, O da yeli ko la a Piita, “Tuuro ma.”

Toma 21:11

O da wa la te zie, a wa de a Pɔɔl kpagre a leŋ ne o meŋɛ gbɛɛ ane o nuuri kyɛ yeli, “Ŋaa ka a Vooroŋ Soŋ yeli, ‘A ŋaa ne o zu la ka a Gyuumine naŋ be a Gyɛruzɛlɛm poɔ na leŋ a kpagre ŋa soba, a de o eŋ a Nemboore-yobo nuuriŋ.’ ”

Korinti 5:4

Te naŋ naŋ kyɛnɛ be a sege ŋa poɔ, te maŋ kono hiine la a te woore poɔ. Bonso, te ba boɔrɔ ka te taa eŋkpoŋkpoli, kyɛ te naŋ boɔrɔ la ka te maaleŋ su boma, ka boma naŋ ba kpiire na vɔle boma naŋ kpiire.