Gyɔɔn 21:17 - Naaŋmen Nɔpaalaa Gane

¹⁷ A Yeezu da la soore o la a gbɛre bota soba, “Saamon, Gyɔɔn bidɔɔ, fo nɔŋ ma laa?” A Piita da taa la posaanaa ne a Yeezu naŋ da soore o a gbɛre bota soba, “Fo nɔŋ ma laa?” Ka o da yeli ko O, “Daana, fo baŋ la bonzaa. Fo baŋ ka N nɔŋ fo la.” Ka a Yeezu da yeli ko o, “Guolo a N peere.”

Gyɔɔn 21:17 ပူးပေါင်းရင်းမြစ်များ

Matio Gane 25:40

A naa na leɛ yeli ko ba la, ‘Yelmeŋɛ ka N yele korɔ yɛ, saŋ na zaa yɛ naŋ e a yeli ŋa kaŋ tɔ ko a N yɔɔmine ane n yɔɔpuuli bama kanzaa, maa la ka yɛ e a lɛ tere.’

Marko Gane 14:72

A lɛ poɔ la ka a nɔdaa da koŋ a boyi soba. Lɛ la ka a Piita da leɛ-teɛre a yɛlɛ na Yeezu naŋ da yeli ko o, “Nɔdaa koŋ koŋ gbɛre boyi sɛre kyɛ ka fo kyiiri gbɛre bota ka fo ba baŋ ma.” Ka a Piita da ŋma nentaŋ yaga zaa.

Gyɔɔn 12:8

Yɛ na maŋ taa la a nembaalba ka ba be yɛ zie tegitegilɛ kyɛ maa eŋ koŋ be yɛ zie tegitegilɛ.”

Gyɔɔn 13:38

Ka a Yeezu da yeli sɔge, “Fo na sage kpi la a N zuiŋ yaa? Yelmeŋɛ zaa la ka N yele korɔ fo, nɔdaa naŋ koŋ koŋ sɛre kyɛ ka fo kyiiri gbɛre bota ka fo ba baŋ ma.”

Gyɔɔn 14:15

Ka yɛnee wa nɔŋ ma, yɛ na sagra la a N nɔɛ.

Gyɔɔn 15:10

Ka yɛnee wa sagra a N nɔɛ, yɛ na be la a N nɔmmo poɔ, aŋa lɛ N naŋ sagra a N Saa nɔɛ a be a O nɔmmo poɔ lɛ.

Gyɔɔn 16:30

Ŋaa eŋ te pãã baŋ ka fo baŋ la yelzaa, ka a ba fere ka neɛzaa la soore fo yelzaa. A ŋaa zuiŋ la ka te sage de ka fo yi la Naaŋmen zie.”

Gyɔɔn 18:27

A Piita da laboreŋ kyiiree la, ka a daadaalɛ ka nɔdaa koŋ.

Gyɔɔn 18:4

A Yeezu naŋ pãã da baŋ bonna zaa naŋ da waana ka a e O, O da yi wa soore ba la, “Aŋ la ka yɛ boɔrɔ?”

Gyɔɔn 21:18

Yelmeŋɛ zaa ka N yele korɔ fo, fo naŋ da e pɔlbile, fo da maŋ leŋ la fo meŋɛ kpagre, a yɔ gaa zie na zaa fo naŋ boɔrɔ. Kyɛ ka fõõ wa kore, fo na maŋ teɛ la fo nuuri ka neɛ kaŋ leŋ a fo seɛ ne kpagre, a taa fo gaa ne zie na fo naŋ ba boɔrɔ ka fo gaa.

Gyɔɔn 4:16

Ka Yeezu da yeli ko o, “Gaa te boɔle fo serɛ, kyɛ leɛ wa.”

Toma 1:24

Lɛ la ka ba da puori a yeli, “Daana, fõõ la baŋ nensaala zaa sukyiri. Wuli te a noba bama bayi poɔ, onaŋ soba fo naŋ kaa-iri

Toma 11:10

A yeli ŋa da e la lɛ gbɛre bota kyɛ ka a bonzaa da leɛ-iri do a saluoni.

Toma 15:8

Kyɛ Naaŋmen naŋ baŋ nensaala sukyiri, da di la danseɛ ko ba, O naŋ da ko ba a Vooroŋ Soŋ aŋa O naŋ da ko te lɛ.

Korinti 1:12

Serɛzaa, a te pɔloo bon la a danseɛ te teɛroŋ naŋ dire: a te yel-erre a teŋɛzu, a gaŋ a zaa, a yɛ zie waa la yelmennoŋ ane Naaŋmen mennoŋ. A ba e nensaala yɛŋ, kyɛ a waa la a Naaŋmen garaaseɛ.

EFESU 4:30

Yɛ ta erɛ ka a Naaŋmen Vooroŋ Soŋ poɔ saana, Ona la a ŋmaaroŋ Naaŋmen naŋ eŋ yɛ a kyɛllɛ ne a faabo bebiri.

1 Pit 1:6

Yɛ taa kyelloo a ŋaa eŋɛ haali ka yɛneŋ wa kpɛ dɔgɛɛ tɛɛtɛɛ poɔ belaa pampana ŋa.

2 Pit 3:1

N poyɛŋ noba, a gama ayi soba la a ŋa N naŋ sɛgrɛ korɔ yɛ pampana. A zaa ayi poɔ, N boɔrɔ la ka N seŋ a yɛ teɛroŋ naŋ ba taa faaloŋ zaa a leɛ-teɛre yɛ

Yel-iriwulaa Gane 2:23

N na ŋmɛ la a o biiri ko, ka a puoruu laŋne yie zaa baŋ ka maa la a soba na naŋ maŋ gyɛle nensaalba poteɛrɛ ane ba sukyie. Kyɛ N na ko la yɛ kanzaa bonna a o toma naŋ seŋ ne.

Yel-iriwulaa Gane 3:19

A banaŋ N naŋ nɔŋ la ka N maŋ wuli kyɛ tage ba tobo. Azuiŋ, moɔ nimiri a leɛ fo eebo.