Gyɔɔn 21:1 - Naaŋmen Nɔpaalaa Gane

¹ A yɛlɛ ama puoriŋ, Yeezu da la de la O meŋɛ wuli a potuuribo a Tiberiya mane noɔre. Ŋaa la ka O da de O meŋɛ wuli.

Gyɔɔn 21:1 ပူးပေါင်းရင်းမြစ်များ

Matio Gane 26:32

Kyɛ a N kũũ leɛ-iruu puoriŋ, N na de la yɛ weɛ a gaa Galili.”

Matio Gane 28:16

A potuuribo pie ne yeni na da gaa la Galili, a te do a taŋ na zu a Yeezu naŋ wuli ba ka ba gaa.

Matio Gane 28:7

Yɛ pãã leɛ gaa wieouŋ zaa a te yeli ko a O potuuribo, ‘O iri yi la a kũũ poɔ. Serɛzaa O de la weɛ a gɛrɛ Galili teŋɛ, be la ka yɛ na te nyɛ O.’ A duoro N naŋ taa ka N ko yɛ la a lɛ.”

Marko Gane 16:12

A ŋaa puoriŋ, Yeezu da la de la O meŋɛ wuli a O potuuribo mine bayi, ba naŋ da kyɛnɛ gɛrɛ teŋɛ kaŋ.

Marko Gane 16:14

A lɛ puoriŋ, Yeezu da de la O meŋɛ wuli a O potuuribo pie ne yeni, a saŋ na ba naŋ da lantaa a zeŋ dire. O da wa nyare la ba zu ba naŋ da ba taa yeldeebo ane ba zukuoŋ-yɛlɛ zuiŋ. Bonso, ba da ba sage de a banaŋ zaa naŋ da wa yeli a O kuuni poɔ leɛ-iruu yɛlɛ ko ba.

Marko Gane 16:7

Kyɛ yɛ gaa te yeli ko a O potuuribo ane Piita, ka O de la yɛ weɛ a gɛrɛ Galili teŋɛ; be la ka yɛ na te nyɛ O, a seŋ O naŋ da yeli ko yɛ lɛ.”

Gyɔɔn 21:14

A gbɛre bota soba la ŋaa a Yeezu naŋ da de O meŋɛ wuli a potuuribo, a O kũũ leɛ-iruu puoriŋ.

Gyɔɔn 6:1

A ŋaa puoriŋ, Yeezu da gaŋ gaa la a Galili Mane lambori kaŋ meŋ ba naŋ da boɔlɔ Tiberiya Mane.

Gyɔɔn 6:23

Lɛ la ka gboe mine da yi Tiberiya a wa are peɛle a zie na a Daana naŋ da de a boroboro a puori Naaŋmen bareka, kyɛ de ko ba ka ba di.

Toma 1:3

A O kũũ puoriŋ, O da leɛ-iri la a kuuni poɔ, a tu yɛlɛ naŋ ba taa bonnoo zie, a de O meŋɛ wuli ba beri lezaayi, a yele a Naaŋmen naaloŋ yɛlɛ korɔ ba.