Gyɔɔn 20:31 - Naaŋmen Nɔpaalaa Gane

³¹ Kyɛ ba sɛge la a ama ka ka yɛ na sage de ka Yeezu la a Mɛzaaya, a Naaŋmen Bie. A yɛ sagedeebo zie la ka yɛ na tu a nyɛ nyɔvore a O yuori eŋɛ.

Gyɔɔn 20:31 ပူးပေါင်းရင်းမြစ်များ

Matio Gane 16:16

Ka Saamon Piita yeli sɔge, “Fõõ la a Mɛzaaya, a Naaŋmen-vore Bidɔɔ.”

Matio Gane 27:54

A sogyɛre kɔɔ neŋkpoŋ ane banaŋ naŋ da be o zie guuro a Yeezu, naŋ da nyɛ a teŋɛ naŋ gbigri ane a yɛlɛ zaa naŋ e, dabeɛ̃ da kpɛ ba la yaga, ka ba yeli, “Serɛzaa, a dɔɔ ŋa da waa la Naaŋmen Bie.”

Matio Gane 4:3

A sebɛlbɛllɛ da wa yeli ko O la, “Ka fõõ wa waa Naaŋmen Bie, yeli a kubo ama ka a leɛ boroboro.”

Marko Gane 16:16

Soba na zaa naŋ sage de a yelbiri, a de suobu na nyɛ la faabo. Kyɛ soba na zaa naŋ ba sage de a yelbiri na wɛ la.

Luka 1:35

Ka a maleke yeli ko o, “A Vooroŋ Soŋ na wa la fo zie, ka a Naaŋmen kpeɛ̃õ wa sigi fo, a zuiŋ a bie fo naŋ na dɔge na e la bi-soŋ, ka ba boɔlɔ O Naaŋmen Bie.

Luka 1:4

N erɛ la a ŋaa ka ka fo baŋ a yelmeŋɛ kyaare ne a yɛlɛ na zaa banaŋ da manne ko fo.

Luka 24:47

Ba na piili la a Gyɛruzɛlɛm poɔ a moɔlɔ korɔ a tendaa nemboorɔ zaa ka ba leɛ ba eebo kyɛ nyɛ yelbebe sudi a Yeezu yuori eŋɛ.

Gyɔɔn 1:49

Ka Nataneɛl da leɛ yeli, “Wulwullo, fõõ la a Naaŋmen Bie! Fõõ la a Izerayɛl Naa!”

Gyɔɔn 10:10

A nannyige maŋ wa la ka o zu, a ko, a kyɛ sãã yoŋ. Maa eŋ waɛ la ka ka noba na taa nyɔvore, a taa o ka o gore.”

Gyɔɔn 19:35

(A soba na naŋ da nyɛ a yeli ŋa da di la danseɛ ka ka yɛ meŋ na sage de. A o danseɛ e la yelmeŋɛ, kyɛ ka o baŋ ka a yelmeŋɛ la ka o yele.)

Gyɔɔn 20:28

Ka a Tɔmaase da leɛ yeli sɔge O, “N Daana ane N Naaŋmen!”

Gyɔɔn 3:18

Banaŋ naŋ sage de O yɛlɛ koŋ le sɛrɛɛ poɔ, kyɛ banaŋ naŋ ba sage de O yɛlɛ le la sɛrɛɛ poɔ baare, ba naŋ ba sage de a Naaŋmen Bi-yeni yuori zuiŋ.

Gyɔɔn 3:36

Soba na zaa naŋ sage de a Bidɔɔ yɛlɛ, taa la nyɔvore naŋ ba taa baaroo. Soba na zaa meŋ naŋ zagre a Bidɔɔ yɛlɛ koŋ nyɛ nyɔvore, kyɛ ka Naaŋmen supuriyaaraa dɔgle o zu.

Gyɔɔn 5:24

Serɛzaa ka N yele korɔ yɛ, soba na zaa naŋ woŋ N yelbie, a sage de a soba na naŋ toŋ ma yɛlɛ, taa la nyɔvore naŋ ba taa baaroo. Ba koŋ di o soba sɛrɛɛ, kyɛ ka o yi kuuni poɔ a te kpɛ nyɔvore poɔ.”

Gyɔɔn 6:40

A N Saa poboɔbo sereŋ la ŋa: ka ka banaŋ zaa naŋ nyɛ a Bidɔɔ, a sage de O yɛlɛ na nyɛ nyɔvore naŋ ba taa baaraa, kyɛ ka N e ka ba leɛ-iri a bebi-baaraa daare.”

Toma 10:43

A Ŋmen-yelmanneba zaa di la O danseɛ ka neɛzaa naŋ de O yɛlɛ na nyɛ la yelbebe sudi a O yuori eŋɛ.”

Toma 3:16

A Yeezu yɛlɛ sagedeebo ane O yuori zuiŋ la so ka a dɔɔ ŋa yɛ naŋ kaara kyɛ baŋ nyɛ laafeɛ a yɛ niŋesogɔ.”

Toma 8:36

Ba naŋ da naŋ be a sobiriŋ gɛrɛ, ba da wa ta la koɔ̃ mine; ka a dɔɔ-varaa yeli, “Nyɛ, koɔ̃ la be kyɛ! Boŋ la na pigi n suobu deebo?”

Toma 8:37

[Ka Filipi yeli, “Fo na de la a suobu ka fõõ wa sage de a yɛlɛ ne fo poɔ zaa.” Ka a dɔɔ-varaa da leɛ yeli sɔge, “N deɛ la ka Yeezu Kirista la a Naaŋmen Bie.”]

Toma 9:20

O da piili la a daadaalɛ a moɔlɔ a Yeezu yɛlɛ a puoruuderi poore, a yele, “A Yeezu la a Naaŋmen Bie.”

1 Pit 1:9

bonso, a yɛ yeldeebo tɔnɔ yɛ naŋ na nyɛ la a yɛ seere faabo.

1 Gyn 4:15

Banaŋ zaa naŋ maŋ yeli ka Yeezu waa la Naaŋmen Bie, Naaŋmen maŋ be la ba poɔ ka ba meŋ be a Naaŋmen poɔ.

1 Gyn 5:1

Neɛzaa naŋ sage de ka Yeezu la a Kirista waa la neɛ Naaŋmen naŋ dɔge. Neɛzaa naŋ nɔŋ a bidɔgrɔ maŋ nɔŋ la a bie meŋ.

1 Gyn 5:20

Te baŋ ka a Naaŋmen Bie waɛ la, a wa ko te yelbammo ka ka te na baŋ neɛ na naŋ waa a yelmeŋɛ soba. Kyɛ te be la a O Bie Yeezu Kirista naŋ e a yelmeŋɛ soba poɔ. O sereŋ waa la Naaŋmen ane nyɔvore naŋ ba taa baaroo.

2 Gyn 1:9

Neɛzaa naŋ ba kyɛnɛ a Kirista wuluu poɔ, kyɛ maŋ gaŋ a wuluu bare ba taa Naaŋmen. Soba na zaa naŋ kyɛnɛ a wuluu poɔ taa la a Saa ane a Bie.

Yel-iriwulaa Gane 2:18

“Sɛge ko a puoruu laŋne maleke naŋ be Taatira teŋɛ poɔ: A Naaŋmen Bie yelbie la ama. Ona la ka O nimie waa ŋa vũũzele, ka O gbɛɛ waa ŋa kur-zeɛ: