Gyɔɔn 20:27 - Naaŋmen Nɔpaalaa Gane

²⁷ Lɛ la ka O da yeli ko a Tɔmaase, “De a fo nubiri eŋ kyɛ, kyɛ kaa nyɛ N nuuri. De a fo nu eŋ a N lambori. Ta bonnɔ, kyɛ sage de.”

Gyɔɔn 20:27 ပူးပေါင်းရင်းမြစ်များ

Matio Gane 17:17

Ka a Yeezu leɛ yeli, “Yɛnee noba naŋ ba taa yeldeebo, ane noba naŋ tuli a ba derɛ Naaŋmen yɛlɛ. N na be la yɛ zie kɔɔre seŋ wola? N na di la kannyiri ne yɛ te ta boŋ saŋ? Yɛ taa a bie wa ko ma.”

Marko Gane 9:19

Ka a Yeezu yeli sɔge ba, “Yɛnee noba naŋ ba taa yeldeebo, N na be la yɛ zie kɔɔre seŋ wola? N na di la kannyiri ne yɛ te ta boŋ saŋ? Yɛ taa a bie wa ko ma.”

Luka 24:39

Yɛ kaa nyɛ a N nuuri ane a N gbɛɛ, a baŋ ka maa meŋɛ sereŋ la. Yɛ seene ma nyɛ; nenseɛ ba taa eŋnɛne ane kɔbɔ aŋa N naŋ taa lɛ.”

Luka 24:40

Kyɛ O naŋ wa yeli a lɛ baare la ka O da wuli ba a O nuuri ane O gbɛɛ.

Luka 9:41

Ka a Yeezu yeli sɔge, “Yɛnee noba naŋ ba taa yeldeebo ane noba naŋ tuli a ba derɛ Naaŋmen yɛlɛ. N na be la yɛ zie, a taa kannyiri ne yɛ te ta boŋ saŋ? Taa a fo bie wa ne kyɛ.”

Gyɔɔn 20:20

O naŋ da wa yeli a ŋaa baare, O da wuli ba la O nuuri ane O lambori. A potuuribo poore da pɛllɛɛ la yaga ne ba naŋ da nyɛ a Daana.

Gyɔɔn 20:25

A lɛ la ka a potuuribo banaŋ da yeli ko o, “Te nyɛ la a Daana.” Kyɛ ka a Tɔmaase da yeli ko ba, “Ka maa ba nyɛ a pimbie bogri a O nuuri poɔ, a de n nubiri toŋ a bogri poɔ, a la de n nu toŋ a O lambori poɔ, N koŋ sage de.”

Gyɔɔn 20:28

Ka a Tɔmaase da leɛ yeli sɔge O, “N Daana ane N Naaŋmen!”

Urom 5:20

Kyɛ a bege da waɛ la, ka o wa e ka yelbebe eebo maaleŋ do zu yaga. Benee yelbebe eebo naŋ do zu, garaaseɛ meŋ maŋ do la zu a gaŋ a lɛ,