Gyɔɔn 20:21 - Naaŋmen Nɔpaalaa Gane

²¹ A Yeezu da laboreŋ yeli ko ba la, “Ka maaroŋ be yɛ zie. Aŋa lɛ N Saa naŋ da toŋ ma, lɛ la ka N meŋ tonɔ yɛ.”

Gyɔɔn 20:21 ပူးပေါင်းရင်းမြစ်များ

Matio Gane 10:16

Yɛ nyɛ, N tonɔ yɛ la aŋa peere a eŋnɛ gboŋgboe poɔ, azuiŋ yɛ taa yɛŋ aŋa weere, kyɛ e baaloŋ aŋa ŋmama.

Matio Gane 10:40

“Soba na zaa naŋ de yɛ saanoŋ, de ma la saanoŋ, ka soba na zaa meŋ naŋ de ma saanoŋ, de a soba na naŋ toŋ ma saanoŋ.

Luka 24:36

Ba naŋ da naŋ manna a yɛlɛ la ka Yeezu meŋɛ la lɛ deɛ wa are a ba sogɔŋ, a yeli ko ba, “Ka maaroŋ be yɛ zie.”

Gyɔɔn 13:20

Yelmeŋɛ zaa la ka N yele korɔ yɛ, soba na zaa naŋ tuori de neɛ na zaa N naŋ toŋ, a soba tuori de ma la. Ka soba na zaa naŋ tuori de ma meŋ tuori de a soba na naŋ toŋ ma.”

Gyɔɔn 14:27

N bara la emmaaroŋ korɔ yɛ. N korɔ yɛ la N emmaaroŋ. N ba korɔ yɛ aŋa lɛ a teŋɛzu deme naŋ maŋ terɛ lɛ. Yɛ ta vɛŋ ka yɛ sukyie dɔɔnɔ yɛ bee ka dabeɛ̃ kpɛ yɛ.

Gyɔɔn 20:19

A koseɛraa na bebi-dɛndɛŋ daare, zie naŋ da wa te maa, ka a potuuribo da lantaa die poɔ kyɛ lare a pama, ba naŋ da zoro a Gyuumine dabeɛ̃ zuiŋ, a Yeezu da wa are la ba sogɔŋ kyɛ yeli, “Ka maaroŋ be yɛ zie.”

Gyɔɔn 20:22

O naŋ da wa yeli a ŋaa, O da voore eŋ ba la kyɛ yeli ko ba, “Yɛ de a Vooroŋ Soŋ.

Gyɔɔn 20:26

A daa gbuli puoriŋ, a Yeezu potuuribo da la be la a die poɔ, ka Tɔmaase meŋ da be ba poɔ. Aneazaa ka a dendɔɛ da larɛɛ la, kyɛ a Yeezu da wa are la ba sogɔŋ kyɛ yeli, “Ka maaroŋ be yɛ zie.”

Gyɔɔn 3:17

“Yelmeŋɛ zaa, Naaŋmen ba toŋ a O Bidɔɔ a teŋɛzu ka O wa di noba sɛrɛɛ. Kyɛ O waɛ la ka a tendaa noba na tu O zie nyɛ faabo.

Toma 1:2

O naŋ da tu a Vooroŋ Soŋ zie a kyɛ ko a apostoliimine, a banaŋ o naŋ da kaa-iri na noɔre a te ta a daare na ba naŋ da de O do ne tenvelaa.

Toma 1:8

Kyɛ yɛ na nyɛ la kpeɛ̃õ saŋ na a Vooroŋ Soŋ naŋ na wa a yɛ zie, ka yɛ na leɛ n dansediribe, a Gyɛruzɛlɛm poɔ, a Gyudiya zaa poɔ, ane Samareya poɔ, a te ta a tendaa koŋkobo zaa.”

2 Tim 2:2

kyɛ bonna fo naŋ da woŋ yi n zie a yi a dansediribe yaga poɔ, manne ko a yelmeŋɛ deme na naŋ na toɔ̃ wuli a ba taaba meŋ.

Hiburu 3:1

Azuiŋ, n yɔɔmine ane n yɔɔpuuli naŋ e nensonne a poɔ a tenvelaa noba boɔlaa poɔ, yɛ nyɛ a Yeezu ka O waa apostolii ane a te yeldeebo Naaŋmen bagmaalkare neŋkpoŋ,

3 Gyn 1:14

Kyɛ N taa la teɛroŋ ka a koŋ kɔɔre kyɛ ka te nyɛ taa niŋesogre a laŋ yeli yɛlɛ.