Gyɔɔn 20:19 - Naaŋmen Nɔpaalaa Gane

¹⁹ A koseɛraa na bebi-dɛndɛŋ daare, zie naŋ da wa te maa, ka a potuuribo da lantaa die poɔ kyɛ lare a pama, ba naŋ da zoro a Gyuumine dabeɛ̃ zuiŋ, a Yeezu da wa are la ba sogɔŋ kyɛ yeli, “Ka maaroŋ be yɛ zie.”

Gyɔɔn 20:19 ပူးပေါင်းရင်းမြစ်များ

Matio Gane 10:13

Ka a yideme wa sage de yɛ saanoŋ, yɛ vɛŋ ka yɛ maaroŋ be ba zie. Kyɛ ka ba naŋ ba wa de yɛ saanoŋ, yɛ leɛ ne a yɛ maaroŋ.

Matio Gane 18:20

Bonso, zie na noba bayi bee noba bata naŋ lantaa N yuori eŋɛ, N be la ba sogɔŋ.”

Marko Gane 16:14

A lɛ puoriŋ, Yeezu da de la O meŋɛ wuli a O potuuribo pie ne yeni, a saŋ na ba naŋ da lantaa a zeŋ dire. O da wa nyare la ba zu ba naŋ da ba taa yeldeebo ane ba zukuoŋ-yɛlɛ zuiŋ. Bonso, ba da ba sage de a banaŋ zaa naŋ da wa yeli a O kuuni poɔ leɛ-iruu yɛlɛ ko ba.

Gyɔɔn 14:27

N bara la emmaaroŋ korɔ yɛ. N korɔ yɛ la N emmaaroŋ. N ba korɔ yɛ aŋa lɛ a teŋɛzu deme naŋ maŋ terɛ lɛ. Yɛ ta vɛŋ ka yɛ sukyie dɔɔnɔ yɛ bee ka dabeɛ̃ kpɛ yɛ.

Gyɔɔn 16:22

Lɛ meŋ la ka yɛ wono tuo pampana, kyɛ N na leɛ wa nyɛ yɛ la, ka yɛ taa kyelloo yɛ sukyie poɔ. Neɛzaa kontoɔ̃ de a yɛ kyelloo yi yɛ zie.

Gyɔɔn 16:33

N daŋ yeli la a ŋaa ko yɛ ka ka yɛ na taa emmaaroŋ N zie. Yɛ na nyɛ la dɔgroŋ a teŋɛzu, kyɛ yɛ nyɔge yɛmenne, bonso, N zɔɔtoɔ̃ la a tendaa!”

Gyɔɔn 20:21

A Yeezu da laboreŋ yeli ko ba la, “Ka maaroŋ be yɛ zie. Aŋa lɛ N Saa naŋ da toŋ ma, lɛ la ka N meŋ tonɔ yɛ.”

Gyɔɔn 20:26

A daa gbuli puoriŋ, a Yeezu potuuribo da la be la a die poɔ, ka Tɔmaase meŋ da be ba poɔ. Aneazaa ka a dendɔɛ da larɛɛ la, kyɛ a Yeezu da wa are la ba sogɔŋ kyɛ yeli, “Ka maaroŋ be yɛ zie.”

Gyɔɔn 21:1

A yɛlɛ ama puoriŋ, Yeezu da la de la O meŋɛ wuli a potuuribo a Tiberiya mane noɔre. Ŋaa la ka O da de O meŋɛ wuli.

Gyɔɔn 21:14

A gbɛre bota soba la ŋaa a Yeezu naŋ da de O meŋɛ wuli a potuuribo, a O kũũ leɛ-iruu puoriŋ.

Gyɔɔn 7:13

Kyɛ neɛzaa da ba sage yeli O yɛlɛ ka a yi, bonso, ba da zoro la a Gyuumine dabeɛ̃.

Toma 1:3

A O kũũ puoriŋ, O da leɛ-iri la a kuuni poɔ, a tu yɛlɛ naŋ ba taa bonnoo zie, a de O meŋɛ wuli ba beri lezaayi, a yele a Naaŋmen naaloŋ yɛlɛ korɔ ba.

Urom 15:33

Ka a emmaaroŋ Naaŋmen be yɛ zaa zie. Ameena.

1 Kor 15:5

ka O da de la O meŋɛ wuli Sefase, kyɛ de O meŋɛ pãã wuli a potuuribo pie ne bayi na.

EFESU 2:14

Bonso, Ona la a te emmaaroŋ; a O eŋgane eŋɛ la ka O e ka a Izerayɛl biiri ne a Nemboore-yobo e yeni kyɛ ŋmore a daŋkyini naŋ da wɛle ba taa. A daŋkyini ŋa da la a dɔŋ na naŋ da be te sogɔŋ.

EFESU 6:23

Ka maaroŋ, nɔmmo ane yeldeebo naŋ yi a Saa Naaŋmen ane a Daana Yeezu Kirista zie be yɛ ne a noba zaa zie.

Filipai Deme Gane 1:2

Ka a te Saa Naaŋmen ane a Daana Yeezu Kirista garaaseɛ ane maaroŋ be yɛ zie.

II Tesa 3:16

Pampana, ka a Daana naŋ waa maaroŋ soba ko yɛ maaroŋ tegitegilɛ yɛlɛ zaa poɔ. Ka a Daana be yɛ zaa zie.

Hiburu 7:2

A Aboraham da poŋ la a boma zaa o naŋ ŋma yi a zɔɔre zie “ziiri pie, a iri a ziyeni ko a Mɛlekizɛdɛk.” A dɛndɛŋ soba, a o yuori tɛgɛ la, “mennoŋ naa.” A ayi soba, o la e la Salɛm naa meŋ, ka a tɛgɛ la, “maaroŋ naa.”

3 Gyn 1:14

Kyɛ N taa la teɛroŋ ka a koŋ kɔɔre kyɛ ka te nyɛ taa niŋesogre a laŋ yeli yɛlɛ.

Yel-iriwulaa Gane 1:4

Maa Gyɔɔn la sɛgrɛ korɔ a puoruu laŋne yie ayopoĩ naŋ be a Ezeya poɔ: Ka a Naaŋmen naŋ bebe, a Onaŋ naŋ da bebe kyɛ na la wa garaaseɛ ne maaroŋ be yɛ zie. Ka a seere ayopoĩ naŋ be a O nakogi niŋesogɔ meŋ ko yɛ garaaseɛ ane maaroŋ.